MATIUS 21:32 - JANJAI BLAU Lem Bahaso Jang Bebilai

³² Sebab Yohanes Pembaptis teko ngen temunjuk ngen udi ca'o idup de kenlok Tuhan nu, tapi ko coa pecayo ngen ajaran-Ne, tapi penagiak pajak ngen selawei nakea pecayo ngen Si. Tapi kunyau ko bi kemliak kutene'o, udi tep coa mubeak pekerannu, ngen coa pecayo ngen Tuhan.”

MATIUS 21:32 ပူးပေါင်းရင်းမြစ်များ

MATIUS 11:18

Yohanes teko si puaso ngen coa menem anggur; ngen tun-tun madeak, ‘Si pasuk semat!’

MATIUS 21:25

Yohanes membaptis ngen hok api? Allah atau manusio?” Lajau pemipin imem-imem ngen pemipin Yahudi mulei basen neak antaro tobo'o, “Amen ite madeak, ‘Ngen hok Allah,’ Si bakea madeak, ‘Amen awei'o getai udi coa pecayo ngen Si?’

MATIUS 21:31

Nah, kunei antaro kuduai tun'o de api menea kelok Bakne?” “De tuai” pemipin imem-imem ngen pemipin-pemipin Yahudi jemawab. Mako Yesus madeak ngen tobo'o, “Pecayoba: Penagiak-penagiak pajak ngen selawei nakea bakea lebiak deno jijai anggota umat Allah kunei pado udi.

MATIUS 5:46

Sebab amen udi bae, utuk jano Allah harus males jano de udi kulo menea? Padahal tukang tagiak pajak menea awei yo kulo.

2 TIMOTIUS 2:25

Si harus lemah lembut majea tun-tun de galok melawen; mudah-mudahan Allah melei kesepatan ngen tun-tun o utuk tobat kunei duso-duso tobo'o ngen kemnal ajaran de benea.

IBRANI 3:12

Saudaro-saudaro, teateiba jibeak sapei ade neak antaro udi de ateine kembiak kidek ngen coa ade imen, sehinggo si coa pecayo ngen me'uak Allah de idup!

2 PETRUS 2:21

Lebiak baik tun-tun de awei'o coa perneak kemnal dalen benea kunei Allah kunei pado tobo'o kemnal ne, tapi sesudo'o coa lok temotoa periteak de nelei Allah ngen tobo'o.

WAHYU 2:21

Sesudo Uku melei ngen si kesepatan utuk tobat kunei duso-dusone, tapi si coa lok bedan menea hal-hal de zinah o.