MATIUS 20:28 - JANJAI BLAU Lem Bahaso Jang Bebilai

²⁸ Samo awei Anok Manusio'o kulo; Si teko coa utuk nelayan, tapi utuk mlayan ngen semreak nyabaine utuk mbebas tun dau.”

MATIUS 20:28 ပူးပေါင်းရင်းမြစ်များ

MATIUS 20:27

Ngen tun de lok jijai de pertamo neak antaro udi harus jijai hambanu.

MATIUS 26:28

Sebab dioba daleak-Ku, de ijai tando janjai de sah kunei Allah de tenu peak bagiak dau tun utuk mapun duso tobo'o.

MATIUS 8:20

Yesus jemawab, “Serigala temuan lubang ngen burung temuan sa'ang, tapi anok manusio coa temuan penan Si tidua.”

MARKUS 10:45

Kerno anok manusio kulo teko iso utuk nelayan, seluyen utuk melayan ngen utuk melei nyabaine jijai tebusan utuk dau tun.”

MARKUS 14:24

Ngen Si madeak ngen tobo'o, “Dioba daleak-Ku, daleak perjanjian de tenupeak bagiak dau tun.

LUKAS 22:27

Api de lebiak lai: tun de temot mukmei, jano de melayan? Paset tun de temot o. Tapi Uku ade neak tengeak-tengeak udi awei pelayan.

YOHANES 10:15

Serai awei Bak namen ngen Uku ngen Uku namen ngen Bak, Uku melei nyabai-Ku utuk bebirai-Ku.

ROMA 4:25

Adeba Yesus, de sudo senreak kerno duso ite ngen nidup igai kerno pembenaran ite.

2 KORINTUS 8:9

Kerno udi bi kemnal anugerah Tuhan te Yesus Kristus bahwo sekilai kulo si kayo, kerno udi Si jijai peset, supayo udi jijai kayo kerno peset-Ne.

GALATIA 3:13

Kristus bi mbebas ite kunei kutukan hukum agamo. Si menea o ngen munyau dirai-Ne terkutuk kerno ite. Sebab ade tetulis, “Terkutukba tun de matei genatung neak kieu salib!”

EFESUS 1:7

Sebab, ngen mateine Kristus, Allah mbebas ite, taine Allah bi mapun ite kunei duso-duso ite.

EFESUS 5:2

Idupba neak lem kasih, awei ipe Kristus Yesus kulo bi mengasihi udi ngen bi semreak dirai-Ne utuk ite sebagoi persembahan ngen kurban de semnang atei Allah.

1 TIMOTIUS 2:6

Si suang manusio de sudo semreak dirai-Ne utuk mbebas kute tun kunei duso-duso tobo'o. Ngen o Allah kemten pado waktau de tepat, bahwo Si lok kunyau kute tun senlamat.

TITUS 2:14

Si bi melei dirai-Ne bagiak ite utuk mbebas ite kunei kute kejahatan, ngen jemijai ite umat de bebas kunei duso, de jijai de Si temuan bae, serto de rajin menea baik.

IBRANI 2:10

Memang bi sepatutne Allah – de menea kute sesuaktau utuk maksud-Ne su'ang – menea Yesus penyelamat de sempurno liwet penderitaan. Ngen o Allah dapet majok dau tun utuk turut diagungkan besamo Yesus. Sebab Siba meretes dalen bagiak tobo'o utuk dapet selamat.

IBRANI 5:8

Yesus adeba Anok Allah, tapi kunyau awei o, Si belajea jijai taat liwet penderitaan-Ne.

IBRANI 9:28

Awei o kulo Kristus debat bae senreak sebagai kurban utuk mapus duso tun dau. Si bakea teko igai keduai kilaine, iso utuk semlesei persoalan duso, tapi utuk semlamat tun-tun de mbot Si.

1 PETRUS 2:24

Kristus su'ang musung duso-duso ite pado dirai-Ne neak das kieu salib, supayo ite bebas kunei kuaso duso, idup temurut kelok Allah. Sileak-sileak Kristusba de kema'en udi.

1 PETRUS 3:18

Sebab Kristus suang matei cuma debat bae, utuk selamo-lamone kerno duso manusio – suang tun de coa saleak, matei utuk tun de saleak. Kristus menea do'o supayo Si dapet bimbing udi ngen Allah. Si nunuak seca'o jasmani, tapi nidup igai seca'o rohani.

1 YOHANES 2:2

Ngen liwet Yesus Kristus o ba duso-duso ite napun. Iso duso-duso ite bae, tapi duso kute umat manusio kulo.

WAHYU 1:5

ngen kunei Yesus Kristus, saksai de setia. Siba de pertamo-tamo idup igai kunei matei ngen Siba penguaso das rajo-rajo dunio. Yesus mengasiak ite, ngen kematian-Ne Si bebas kunei duso-duso ite,