MATIUS 2:22 - JANJAI BLAU Lem Bahaso Jang Bebilai

²² Tiko Yusuf temi'uk bahwo Arkhelaus, anok Herodes sudo gitei bakne jijai rajo neak kota Yudea, Yusuf saben moi mini. Sesudo'o si dapet petunjuk Tuhan lem mipai, si lalau moi daerah Galilea.

MATIUS 2:22 ပူးပေါင်းရင်းမြစ်များ

MATIUS 1:20

Waktau si meker klokne'o, malaikat Tuhan keten lem mipaine. Malaikat'o madeak, “Yusuf turunan Daud, jibeak saben nikeak Mariam; kerno Anok de neak lem kandungan Mariam tejijai kerno kuaso Roh Sucai kunei Allah.

MATIUS 2:1

Yesus laher neak kota Betlehem, taneak Yudea, waktau Rajo Herodes dong meriteak. Waktau'o kekedau tun pacok lemau bitang teko kunei timur moi kota Yerusalem.

MATIUS 2:19

Sesudo Herodes ninggea, Malaikat Tuhan kemten dirai igai ngen Yusuf neak lem mipai. Waktau'o Yusuf gi masiak neak Mesir.

MATIUS 2:21

Sesudo Yusuf klongon, nembinne Anok ngen Mariam lalau moi Israel.

MATIUS 3:13

Lalauba Yesus kunei daerah Galilea moi Bioa Yordan neak di Si teko ngen Yohanes utuk dibaptis.

LUKAS 2:39

Sesudo Yusuf ngen Maria menea kute de harus kunei Ukum Tuhan, tobo'o belek moi Nazaret neak Galilea.

YOHANES 7:52

Jawab tobo'o, “Jano ko kulo tun Galilea? Senlidikba Kiteb Sucai ngen bakea namen bahwo coa ade nebai de teko kunei Galilea.”