MATIUS 2:13 - JANJAI BLAU Lem Bahaso Jang Bebilai

¹³ Sesudo tun-tun pacok lemau bitang'o lalau malaikat Tuhan kemten diraine ngen Yusuf neak lem mipai, Malaikat'o madeak, “Klongonba, mokba Anok'o ngen mak-Ne, kerno Herodes mesoa Anok'o utuk munuak-Ne. Kerno'o klongonba mbin Anok ngen mak-Ne nyikir moi Mesir.”

MATIUS 2:13 ပူးပေါင်းရင်းမြစ်များ

MATIUS 1:20

Waktau si meker klokne'o, malaikat Tuhan keten lem mipaine. Malaikat'o madeak, “Yusuf turunan Daud, jibeak saben nikeak Mariam; kerno Anok de neak lem kandungan Mariam tejijai kerno kuaso Roh Sucai kunei Allah.

MATIUS 10:23

Amen udi senikso neak de bueak kota mlilaiba moi kota de luyen. Uku madeak ngen ko: Ayok udi selsei lalau moi kute kota-kota Israel, Anok Manusio bi teko.

MATIUS 2:12

Allah minget tobo'o supayo jibeak belek moi rajo Herodes. Jijai liwet dalen luyen.

MATIUS 2:14

Tinggeaba neak di sapei Uku miling igai ngen ko. Yusuf klongon, klemen'o kulo simok Anok'o ngen mak-Ne nyikir moi Mesir.

MATIUS 2:16

Tiko Herodes namen tun-tun pacok lemau bitang'o kunei timur nikene, Herodes kembiak mengiak. Si meluak munuak kute anok-anok semanei de be omor duai taun mimbeak neak kota Betlehem ngen biding-bidingne. Hal'o pas ngen jano de nadeak tun pacok lemau bitang ngen si, tetang bitang'o timboa.

MATIUS 2:22

Tiko Yusuf temi'uk bahwo Arkhelaus, anok Herodes sudo gitei bakne jijai rajo neak kota Yudea, Yusuf saben moi mini. Sesudo'o si dapet petunjuk Tuhan lem mipai, si lalau moi daerah Galilea.

KISAH RASUL-RASUL 10:22

Jawab tobo'o, “Kornelius, Si tun de baik, Si saben ngen Allah, de paling baik neak antaro kute bangso Yahudi, bi nelei petunjuk ngen suang malaikat sucai, kunyau si mundang ko moi umeakne ngen temi'uk jano de bakea ko madeak.”

KISAH RASUL-RASUL 10:7

Sesudo'o malaikat de miling ngensi o teminggea si, nokne duai tun pelayanne beserto suang prajurit de saleh. Kunei tun-tun de bogoa besamo-samo ngensi.

KISAH RASUL-RASUL 12:11

Sesudo sadar, Petrus madeak, “Uyo namenba uku benea-benea bahwo Tuhan bi meluak malaikat-Ne ngen semlamat uku kunei tangen Herodes, kunei kute sesuatau de naep tun Yahudi.”

KISAH RASUL-RASUL 12:7

Tetibo je ba suang malaikat Tuhan pa'ok Petrus ngen cahayo besinea lem bilik sel'o. Malaikat'o minggut Petrus, nadeakne, “Kelongonba!” Lajau putusba ratoi'o kunei tangen Petrus.

KISAH RASUL-RASUL 16:36

Kepalo sel temrus pesen o ngen Paulus, nadeakne, “Pejabat-pejabat kota bi meluak mpas udi; jijai kelueaba udi uyo, lalauba ngen damoi!”

KISAH RASUL-RASUL 5:19

Tapi kelemenne, suang Malaikat Tuhan mukok bang-bang sel, lajau mbin rasul-rasul o moi luea. Malaikat o madeak ngen rasul-rasul o,

KISAH RASUL-RASUL 7:19

Rajo o meliam bangso ite ngen kejam te'adep ninik puyang ite. Si makso tobo'o de pei laher nuang, supayo bangso ite jibeak bekembang.

WAHYU 12:14

Tapi selawei o nelei duai sayep burung rajowali de lai, supayo si tebang moi penanne neak benei libea, neak ipe si bakea nurus selamo telau setengeak taun, bebas kunei serangan nagai.

WAHYU 12:4

Ngen ikoane si seme'et sepertelau kunei bitang-bitang neak lenget ngen nuangne moi bumai. Nagai o je neak adep selawei de lok melaher o ngen maksud temlen anokne, sesudo anokne laher.

WAHYU 12:6

Mako selawei o melilai moi benei libea, moi penan de sudo seniap Allah utukne. Neak penan o si bakea nurus 1260 bilai anne.