MATIUS 19:29 - JANJAI BLAU Lem Bahaso Jang Bebilai

²⁹ Ngen tiep tun de sudo teminggea umeak, pasuak semanei atau selawei, bak, mak, anok-anok atau kebun kerno Uku, tun'o bakea temimo igai sotos kilai lipet. Ngen si bakea temimo kulo idup de baka.

MATIUS 19:29 ပူးပေါင်းရင်းမြစ်များ

MATIUS 10:22

Kerno udi penotoa-Ku, tun bakea jengik ngen udi. Tapi tun de tep pecayo ngen Uku sapei akhir, Allah bakea semlamat si.

MATIUS 13:23

Ngen biniak de cucia moi pitok de subur awei tun-tun de temi'uk kabar'o ngen mahamne. Tobo'o bebueak dau, ade de sotos, ade de num puluak, ade de telau puluak kilai lipet aseane.”

MATIUS 13:8

Tapi ade kulo biniak de cucia neak pitok de subur, lajau bebueak; ade de sotos, ade de nam puluak, ade kulo de telau puluak kilai lepet.”

MATIUS 16:25

Sebab tun delok semlamat tema'en idupne, bakea kelnyep idupne. Tapi tun de rela kurban idupne utuk Uku bakea dapet idup.

MATIUS 19:16

Pado do bilai teko ngen Yesus ngen suang semenai nadeakne, “Pak gu'au, jano plep de baik de harus uku menea supayo dapet temimo idup de baka?”

MATIUS 25:34

Sudo'o Rajo'o bakea madeak ngen tobo'o neak depeak kanen-Ne, ‘Maro, udi de melei rahmat ngen Bak-Ku. Masukba neak lem Kerajaan de bi sendio bagiaknu, sejok dunio jenijai.

MATIUS 25:46

Lajau tun-tun'o bakea nukum ngen ukuman de baka, tapi tun-tun de menea kelok Allah bakea idup de baka.”

MATIUS 5:11

Allah melei rahmat ngen udi amen tun luyen madeak ko jahat, senikso ngen de pitneak kerno Uku.

MATIUS 6:33

Tapi kesoaba kileak supayo Kerajaan Allah mriteak das idupnu ngen meneaba kelokne. Mako Allah bakea melei hal-hal de luyenne ngen ko.

LUKAS 14:26

“Amen tun teko ngen-Ku, tapi lebiak kemasiak indokne, bapokne, ngenyanne, anok-anokne, pasuak-pasuakne, ngen diraine suang, si coa nam jijai penotoa-Ku.

LUKAS 5:11

Ngen sesudo tobo'o seme'et biduk-bidukne moi da'et, tobo'o kulo teminggea kutene, lajau temotoa Yesus.

LUKAS 6:22

Bahagiaba udi amen jenngik, tenulok, nino ngen fitneah kerno Anok Manusio.

YOHANES 15:19

Sekirone udi kunei dunio, pasetba dunio mengasiak udi awei milikne. Tapi kerno udi iso kunei dunio, tapi Uku bi miliak udi kunei dunio, sebab do'oba dunio jengik ngen udi.

YOHANES 4:36

Uyo kulo tukang panen bi temimo upeakne ngen si melungguk buak utuk idup de kekal, sehinggo tukang tanem ngen tukang panen samo-samo riang.

KISAH RASUL-RASUL 9:16

Uku suang bakea temunjuk ngensi kute penderitaan de harus si tanggung kerno Uku.”

1 KORINTUS 2:9

Sebelekne hal o adeba awei de tetulis lem Kiteb Sucai, “Jano de coa perneak kenliak atau teni'uk manusio, ngen coa perneak kulo timboa lem pekeran manusio, do'oba de seniap Allah utuk tun-tun de sayang ngen-Si.”

2 KORINTUS 5:16

Sebab o, keme coa igai menilai suang tun kulo temurut ukuran manusio, uyo keme coa igai menilai-Ne awei o.

FILIFI 3:8

Iso bae hal-hal o; tapi kute sesuaktau uku manggap sebagoi hal-hal de cuma jijai rugai bae. De uku temuan uyo yo adeba lebiak bego: adeba kemnal Kristus Yesus, Tuhanku. Kerno Kristus, mako uku bi temanggea kekutene. Uku anggap kutene o sebagoi sampah bae, supayo uku dapet Kristus,

1 PETRUS 4:14

Udi butung amen udi nino sebab udi penotoa Kristus. Do'o beartai Roh de mulio, adeba Roh Allah, ade padonu.

3 YOHANES 1:7

Sebab lem pemaneu utuk melayan Kristus, tobo'o coa temimo batuan jano bae kunei tun-tun de coa kemnal Allah.