MATIUS 19:28 - JANJAI BLAU Lem Bahaso Jang Bebilai

²⁸ Yesus madeak ngen tobo'o, “Pecayoba: Neak dunio de Belau, Anok Manusio bakea temot neak das kersaine de mulio utuk meriteak. Pado waktau'o udi de penotoa-penotoa-Ku bakea temot neak das keduai belas kersai penan Uku meriteak ngen makim keduai belas sukau bangso Israel!

MATIUS 19:28 ပူးပေါင်းရင်းမြစ်များ

MATIUS 16:27

Coa an igai Anok manusio bakea serpok ngen malaikat-malaikat-Ne teko ngen kuaso Bak-Ne. Waktau'o Si bakea males tiep-tiep tun temurut plepne.

MATIUS 19:27

Lajau Petrus jemawab, “Kemliakba, keme sudo teminggea kutene utuk temotoa Bak. Jijai jano de bakea keme temimo?”

MATIUS 20:21

“Mak lok jano?” tanye Yesus. Mak'o jemawab, “Uku lok keduai anokku yo temot neak kideu ngen kanan Bak, amen Bak kenyo jijai Rajo.”

MATIUS 25:31

“Amen Anok Manusio teko utuk ijai Rajo, kute malaikat-Ne bakea mi'ing Si. Si bakea temot neak penan Si meriteak.

MATIUS 6:33

Tapi kesoaba kileak supayo Kerajaan Allah mriteak das idupnu ngen meneaba kelokne. Mako Allah bakea melei hal-hal de luyenne ngen ko.

MATIUS 8:20

Yesus jemawab, “Serigala temuan lubang ngen burung temuan sa'ang, tapi anok manusio coa temuan penan Si tidua.”

MARKUS 10:37

Lajau nadeak tobo'o, “Nizin ba keme temot lem kemulioan-Nu be, de su'ang neak pak kanen-Nu ngen de su'ang neak pak kideu-Nu.”

KISAH RASUL-RASUL 3:21

Si arus tinggea neak surgo sapei Allah jemijai kutene belau awei de nadeak Allah liwet nebai-nebai-Ne waktau zaman bel o.

2 TIMOTIUS 2:12

Amen ite tep tabah, ite bakea meriteak kulo besamo Si. Amen ite muker Si, Si kulo bakea muker ite.

2 PETRUS 3:13

Tapi ite mbot jano de sudo jenanjai Allah, adeba lenget de belau ngen bumai de belau, neak ipe ade keadilan.

WAHYU 11:16

Mako keduai puluak pat pemipin de temot neak takhta tobo'o neak adep Allah, tukup ngen nyembeak Allah.

WAHYU 12:1

Lajau keten neak lenget suaktau de ajaib ngen luea biaso. Suang selawei de makei matai bilai sebagai keracokne, gidong je neak das bulan. Neak ulaune ade debueak mahkota kunei duai belas bitang.

WAHYU 20:4

Lajau uku kemliak takhta-takhta, ngen tun-tun de temot neak takhta-takhta o nelei kuaso utuk melei keputusan ukuman. Uku kemliak kulo tun-tun de sudo tentus ulaune kerno tobo'o melei saksai tetang Yesus, ngen melei namen firman Allah. Tun-tun o coa nyembeak benatang, atau patungne. Tobo'o kulo coa perneak temimo tando benatang o neak ning atau tangen tobo'o. Mako tobo'o idup igai ngen meriteak sebagai rajo besamo Kristus selamo seribau taun.

WAHYU 21:5

Lajau Si de temot neak das takhta o madeak, “Uyo Uku bi menea kutene blau!” Si madeak kulo ngen uku, “Tulisba dio, sebab kecek-kecek yo benea ngen dapet cayo.”

WAHYU 22:2

Neak tengeak-tengeak dalen neak kota o, adeba neak seb'ang bioa o, ade pun-pun kehidupan de bebuak duai belas kilai lem de taun, adeba bulen debat. Daunne nakei utuk kemaen bangsa-bangsa.

WAHYU 22:5

Tobo'o coa bakea perlu lapu atau cahayo matai bilai, sebab kelmen coa ade igai, ngen Tuhan Allah su'ang bakea tem'ang tobo'o. Mako tobo'o bakea meriteak sebagai rajo utuk selamo-lamone.

WAHYU 3:21

Tobo'o de menang, bakea Uku melei izin temot neak takhta-Ku besamo Uku, serai awei Uku suang bi menang ngen uyo temot besamo Bapa-Ku neak takhta-Ne.

WAHYU 4:4

Lem betuk lingkaran sekeliling takhta o ade duai puluak pat takhta de luyen. Neak di temot duai puluak pat pemipin de makei keracok putiak, ngen makei mahkota mas.

WAHYU 7:4

Lajau uku nelei namen bahwo ade 144.000 tun de nelei tando segel kunei Allah neak ning tobo'o. Tobo'o nemok kunei keduai belas suku bangso Israel;