MATIUS 19:16 - JANJAI BLAU Lem Bahaso Jang Bebilai

¹⁶ Pado do bilai teko ngen Yesus ngen suang semenai nadeakne, “Pak gu'au, jano plep de baik de harus uku menea supayo dapet temimo idup de baka?”

MATIUS 19:16 ပူးပေါင်းရင်းမြစ်များ

MATIUS 19:15

Lajau Yesus mletok tangen-Ne utuk melei rahmat neak das ulau anok-anok'o, sudo'o Si lalau kunei di.

MATIUS 19:26

Yesus denong tobo'o ngen madeak, “Utuk manusio hal yo mustahil! Tapi utuk Allah kutene mukin.”

MATIUS 19:29

Ngen tiep tun de sudo teminggea umeak, pasuak semanei atau selawei, bak, mak, anok-anok atau kebun kerno Uku, tun'o bakea temimo igai sotos kilai lipet. Ngen si bakea temimo kulo idup de baka.

MATIUS 25:46

Lajau tun-tun'o bakea nukum ngen ukuman de baka, tapi tun-tun de menea kelok Allah bakea idup de baka.”

YOHANES 10:28

Uku melei idup de kekal ngen tobo'o ngen coa bakea benaso sapei seke'anne ngen coa suang tun mok tobo'o kunei tangen-Ku.

YOHANES 12:25

Api bae de cito nyabaine, si bakea nyep nyabaine. Tapi api bae de jengik ngen nyabaine neak dunio yo, si bakea miarone utuk idup de kekal.

YOHANES 3:15

supayo tiep tun de pecayo ngen Si coa benaso, meluyen dapet idup de kekal.”

YOHANES 4:14

Tapi api bae de menem bioa de bakea Uku melei, si coa bakea haus utuk seke'anne. Sebelekne bioa de bakea Uku melei, bakea jijai matai bioa neak lem dirai ne, de terus bae kemluea bioa sapei pado idup de kekal.”

YOHANES 5:39

Udi semlidik Kiteb Sucai, sebab udi sako bahwo neak lem-Ne udi temau idup de kekal. Tapi kunyau Kiteb Sucai o melei saksai tetang Uku.

YOHANES 6:47

Uku madeak ngen udi: Sesungguakne api bae de pecayo, si temuan idup de kekal.

YOHANES 6:68

Jawab Simon Petrus ngen-Si, “Tuhan, ngen api keme bakea lalau? Kecek-Nu adeba kecek idup de kekal.

KISAH RASUL-RASUL 16:30

Si mbes tobo'o moi luea, samo madeak, “Tuan-tuan, jano de harus uku nea, supayo uku senlamat?”

ROMA 2:7

Allah melei idup kekal ngen tobo'o de taat menea de baik, mesoa kemuliaan, kehormatan ngen de kekal.

ROMA 5:21

Supayo, serai awei duso bekuaso lem alam maut, awei o kasih karuni bakea bekuaso kerno kebenaran utuk idup de kekal, kerno Yesus Kristus, Tuhan ite.

1 TIMOTIUS 1:16

Tapi justru kerno'oba Allah mengasihi uku, supayo Kristus Yesus dapet kemten kute kesabaran-Ne te'adep uku, tun de kembiak beduso yo. Ngen dio jijai suaktau contoh utuk kute tun de be bakea pecayo ngen-Si ngen dapet idup sejati ngen kekal.

1 TIMOTIUS 6:12

Berjuangba sungguak-sungguak utuk idup sebagai tun Kristen supayo ko mbut hadiah sejati ngen kekal. Sebab utuk o ba Allah menok ko pado waktau ko ngakau neak adep dau tun bahwo ko pecayo ngen Kristus.

1 TIMOTIUS 6:19

Ngen awei o tobo'o melungguk hok de jijai modal de baik utuk masa depan. Utuk dapet idup de sebeneane, adeba idup de sejati.

TITUS 1:2

Ajaran o das dasar harapan bahwo ite bakea temimo idup sejati ngen kekal. Allah bi melei janjai idup o ayok mulone zaman – ngen Allah coa mukin ngike.

TITUS 3:7

supayo rahmat Yesus, menea ite baik igai ngen Allah, ite temimo idup sejati ngen kekal.

1 YOHANES 1:2

Ketiko idup o ade, keme kemliakne. Do'oba sebabne keme melei saksai tetang si. Keme melei namen ngen udi tetang hidup sejati ngen kekal, de ade besamo Bapa, de sudo nelei ngen keme.

1 YOHANES 2:25

Dioba de jenanjai Kristus su'ang ngen ite: idup sejati ngen kekal.

1 YOHANES 5:20

Ite namen bahwo Anok Allah bi teko ngen sudo melei pengertian ngen ite, supayo ite kemnal Allah de benea. Ite idup jijai do ngen Allah de benea ngen idup jijai do ngen anok-Ne Yesus Kristus, dioba Allah de benea, ngen dioba idup sejati ngen kekal.

YUDAS 1:21

ngen idupba terus neak lem naungan kasih Allah selamo udi mbot rahmat Yesus Kristus Tuhan ite, de bakea melei ngennu idup sejati ngen kekal.