MATIUS 19:14 - JANJAI BLAU Lem Bahaso Jang Bebilai

¹⁴ Mako Yesus madeak ngen penotoa-penotoa-Ne, “Kunyauba anok-anok'o teko ngen Uku! Jibeakba tengeak tobo'o, Sebab tun-tun de awei yo de jijai anggota umat Allah.”

MATIUS 19:14 ပူးပေါင်းရင်းမြစ်များ

MATIUS 11:25

Pado waktau'o Yesus bedu'o, “Bapa, Tuhan de kemuaso lenget ngen bumai! Uku mucep syukur ngen-Ko, kerno kutene'o Ko mresione kunei tun-tun pacok ngen pitar, tapi Ko melei namen ngen tun-tun biaso.

MATIUS 18:3

Lajau Yesus madeak, “Pecayoba! Amen udi bubeak ngen jijai awei anok titik, udi bakea jijai anggota umat Allah.

MATIUS 19:15

Lajau Yesus mletok tangen-Ne utuk melei rahmat neak das ulau anok-anok'o, sudo'o Si lalau kunei di.

MATIUS 5:10

Allah melei rahmat ngen tun de senikso kerno kemerjo priteak Allah; tobo'o adeba anggota umat Allah!

MATIUS 5:3

“Allah melei rahmat ngen tun de coa bedayo ngen de begatung ngen Tuhan bae; tobo'o adeba anggota umat Allah!

MARKUS 10:14

Kemliak hal'o, Yesus mengiak ngen madeak ngen tobo'o, “Kunyauba anok-anok'o teko ngen Uku, jibeak kemadang tobo'o, sebab tun-tun awei yo ba de jijai anggota umat Allah.

MARKUS 10:15

Sesungguakne Uku madeak ngen udi: api bae de semambut Allah meriteak sebagai Rajo awei anok titik, si coa nam masuk moi lemne.”

1 KORINTUS 14:20

Saudaro-saudaro! Jibeakba meker awei anok titik. Lem hal-hal kejahatan, lokba udi tep awei anok titik. Tapi lem pekeran, lokba udi jijai tun lai.