MATIUS 18:10 - JANJAI BLAU Lem Bahaso Jang Bebilai

¹⁰ “Awas! Jibeak mino suang tun-tun titik yo. Sebab ingetba, malaikat-malaikat tobo'o selalu ade neak adep Bak-Ku neak surgo. [

MATIUS 18:10 ပူးပေါင်းရင်းမြစ်များ

MATIUS 1:20

Waktau si meker klokne'o, malaikat Tuhan keten lem mipaine. Malaikat'o madeak, “Yusuf turunan Daud, jibeak saben nikeak Mariam; kerno Anok de neak lem kandungan Mariam tejijai kerno kuaso Roh Sucai kunei Allah.

MATIUS 12:20

Buluak de tekulaicoa bakea natiak-Ne lapu de pudea coa bakea padem-Ne. Si bakea bejuang sapei tecapai de adea.

MATIUS 18:14

Awei'o kulo Baknude neak surgo kunei tun-tun de tembei pecayo ngen Uku yo nyep.”

MATIUS 18:6

“Api semaleak do kunei anok titik yo coa pecayo igai ngen-Ku, lebiak baik butau lai neket moi kagenne ngen si ndem neak laut lem.

MATIUS 2:13

Sesudo tun-tun pacok lemau bitang'o lalau malaikat Tuhan kemten diraine ngen Yusuf neak lem mipai, Malaikat'o madeak, “Klongonba, mokba Anok'o ngen mak-Ne, kerno Herodes mesoa Anok'o utuk munuak-Ne. Kerno'o klongonba mbin Anok ngen mak-Ne nyikir moi Mesir.”

MATIUS 2:19

Sesudo Herodes ninggea, Malaikat Tuhan kemten dirai igai ngen Yusuf neak lem mipai. Waktau'o Yusuf gi masiak neak Mesir.

MATIUS 24:31

Trupet lai bakea sena'ei, ngen Anok Manusio bakea mluak malaikat-malaikat-Ne kemopoa umatne kunei kepat sudut bumai, kunei ujung lenget dedo sapei ujung lenget de luyen.”

LUKAS 1:19

Jawab malaikat o ngen si, “Ukuba Gabriel de melayan Allah ngen uku bi nutus utuk miling ngen ko ngen utuk semapei Bito Baik yo ngen ko.

LUKAS 10:16

Lajau Yesus madeak ngen penotoa-penotoa-Ne, “Tun de temi'uk udi, temi'uk Uku. Tun de temulok udi, temulok Uku. Ngen tun de temulok Uku, kulo temulok Si de mbo Uku.”

LUKAS 16:22

Tun peset sesudo'o meninggea lajau nembin malaikat moi penan tehormat neak depeak Abraham neak surgo. Tun kayo o meninggea kulo ngen kenubua.

KISAH RASUL-RASUL 10:3

Pado do bilai kekiro jam telau kebilai si kemliak ngen jelas suang malaikat Allah teko, menok si, “Kornelius!”

KISAH RASUL-RASUL 12:15

Tobo'o madeak ngen selawei'o, “Ko mipai.” Tapi si tep madeak bahwo benea-benea awei yo. Nadeak tobo'o, “Do'o malaikatne.”

KISAH RASUL-RASUL 12:23

Seketiko'o kulo si tenpok malaikat Tuhan kerno si coa melei hormat ngen Allah; si matei nembuk gelong-gelong.

KISAH RASUL-RASUL 27:23

Kerno kelemen nano suang malaikat kunei Allah de uku sembeak, adeba Allah de temuan uku, teko ngen uku.

KISAH RASUL-RASUL 5:19

Tapi kelemenne, suang Malaikat Tuhan mukok bang-bang sel, lajau mbin rasul-rasul o moi luea. Malaikat o madeak ngen rasul-rasul o,

ROMA 14:10

Tapi Saudaro-saudaro, getai ko semaleak saudaronu? Atau getai ko mino saudaronu? Sebab ite kute harus madep takhta pengadilan Allah.

ROMA 14:21

Lebiak baik jibeak mbuk daging atau menem anggur atau menea jano bae amen hal o menea su'ang saudaro do imen jijai beduso.

ROMA 15:1

Ite de sungguak-sungguak yakin ngen jano de ite pecayo, harusba sabar teadep kelemahan-kelemahan tun de coa kuet imenne. Jibeakba ite lok semnang dirai ite su'ang bae.

1 KORINTUS 11:22

Getai awei'o? Jano Saudaro coa temuan umeak? Saudaro dapet embuk ngen menem neak di! Jano Saudaro lok mino jemaat Allah ngen semelek tun-tun peset? Jano de harus uku nadeak ngen udi? Jano uku harus mujai udi? Coa! Debat bae uku coa bakea mujai udi.

1 KORINTUS 16:11

Jibeak sapei ade de cayeak ngen si. Tulungba si supayo si dapet temrus pemaneune igai ngen uku seca'o selamat, sebab uku mbot teko besamo ngen Saudaro-saudaro de luyenne.

1 KORINTUS 9:22

Neak tengeak-tengeak tun-tun de imenne de coa kuet, uku kulo besikep awei tun de imenne coa kuet supayo uku dapet temarik tobo'o jijai penotoa Kristus. Siketne, uku jijai kekutene utuk kute tun supayo ngen dalen de awei ipe kulo uku dapet semlamat pao kunei tobo'o.

2 KORINTUS 10:1

Uku, Paulus, suang tun de coa binai amen sekadep papea ngen udi, tapi binai teadep udi amen kunei ku'uak, uku minget udi demi Kristus de lemah lembut ngen ramah.

2 KORINTUS 10:10

Tun madeak, “Su'et-su'et Paulus o tegas ngen berwibawa, tapi amen si suang ade neak tengeak-tengeak ite, pribadinya lemah ngen kecek-kecekne coa ade taine!”

GALATIA 6:1

Saudaro-saudaro, amen suang tun menea duso, lokba udi de idup temurut Roh Allah, melei nasihat tun o belek moi dalen de benea. Tapi udi harus menea o ngen lemah lembut, ngen jagoba jibeak sapei udi suang tergoda kulo.

1 TESALONIKA 4:8

Tun de temulok ajaran iyo, iso temulok manusio, meluyen temulok Allah de melei Roh-Ne de sucai ngen udi.

1 TIMOTIUS 4:12

Jibeak suang tun kulo manggap ko rendeak kerno ko u'ai. Sebelekne, lokba ko jijai teladan bagiak tun-tun pecayo lem keceknu ngen plepnu, lem ca'o ko mengasihi sesamo ngen pecayo ngen Yesus Kristus, lem kesetiaannu ngen lem kemurnian.

IBRANI 1:14

Amen awei o, malaikat-malaikat o jano sebeneane? Tobo'o adeba roh-roh de melayan Allah, de neluak Allah utuk temulung tun-tun de bakea tenimo keselamatan.

IBRANI 9:24

Sebab Kristus coa masuk moi Ruang Sucai nea manusio, de cuma jijai lambang Ruang Sucai de sebeneane. Kristus masuk moi surgo suang; neak di Si uyo madep Allah utuk kepetingan ite.

WAHYU 8:2

Lajau uku kemliak ketujuak malaikat de je neak adep Allah, ngen tobo'o nelei tujuak bueak trupet.