MATIUS 16:17 - JANJAI BLAU Lem Bahaso Jang Bebilai

¹⁷ Nadeak Yesus: “Butung sekilai ko Simon anok Yonah! Sebab Iso manusio de melei namen hal'o ngen ko tapi Bak-Ku de neak surgo.

MATIUS 16:17 ပူးပေါင်းရင်းမြစ်များ

LUKAS 22:32

Tapi Uku bi bedu'o utuknu, supayo imennu jibeak lemuak. Ngen udi, amen ko sudo insaf, kenuetba pasuak-pasuaknu.”

YOHANES 1:42

Andreas mbin Simon ngen Yesus. Yesus kemliak si ngen madeak, “Ko Simon, anok Yona Ko bakea nelei gen Kefas.” (Kefas serai ngen Petrus, taine: tebo butau.)

YOHANES 6:45

Ade tetulis lem Kiteb Nebai-nebai: Tobo'o kute bakea najea ngen Allah. Ngen tiep tun, de sudo temi'uk ngen belajea kunei Bapa, teko ngen Uku.

1 KORINTUS 15:50

Maksud uku, Saudaro-saudaro, adeba: awok de jenjai kunei daleak ngen daging, coa dapet masuk Dunio Blau Allah; ngen awok de dapet matei coa dapet jijai kekal.

GALATIA 1:16

Allah melei bukti Anok-Ne ngen uku supayo Bito Baik tetang Anok-Ne dapet uku nelei namen ngen tun-tun iso Yahudi. Pado waktau o uku coa lalau ngen suang tun kulo utuk minoi nasihat.

EFESUS 2:8

Allah mengasihi udi, do'o sebabne Allah semlamat udi kerno udi pecayo ngen Yesus; do'o iso asea usahonu, tapi pelei Allah,

EFESUS 3:5

De pado zaman tun-tun bel'o coa nelei namen ngen anok-anok manusio, tapi uyo Roh Allah bi melei namenne ngen rasul-rasul ngen nebai-nebai-Ne.

EFESUS 6:12

Sebab ite berjuang isone melawen manusio, tapi melawen kekuatan kute iblis-iblis de kemuaso zaman de kidek yo. Ite melawen kekuatan roh-roh kidek de kemuaso udara.

IBRANI 2:14

Kerno tun-tun de Si senbut anok o, adeba makhluk manusio de dapet matei, mako Yesus suang jijai serai ngen tobo'o, idup lem keadaan manusio. Si menea awei o, supayo ngen mateine Si dapet majua Iblis de kemuaso kematian.

1 PETRUS 5:1

Uku minoi perhatian tobo pemipin jemaatnu. Uku temulis dio sebagai rekan pemipin ngen sebagai tun de sudo kemliak suang penderitaan Kristus, ngen de bakea milau kulo diagungkan, amen keagungan Kristus kenten ngen manusio. Uku minoi ngen kembiak.

1 YOHANES 4:15

Api makau bahwo Yesus o Anok Allah, Allah idup jijai do ngen tun o, ngen tun o kulo idup jijai do ngen Allah.

1 YOHANES 5:20

Ite namen bahwo Anok Allah bi teko ngen sudo melei pengertian ngen ite, supayo ite kemnal Allah de benea. Ite idup jijai do ngen Allah de benea ngen idup jijai do ngen anok-Ne Yesus Kristus, dioba Allah de benea, ngen dioba idup sejati ngen kekal.