MATIUS 16:16 - JANJAI BLAU Lem Bahaso Jang Bebilai

¹⁶ Simon Petrus jemawab, “Bak adeba Rajo Penyelamat, Anok Allah De Idup.”

MATIUS 16:16 ပူးပေါင်းရင်းမြစ်များ

MATIUS 14:33

Mako penotoa-penotoa Yesus sujut nyembeak Si. Tobo'o madeak, “Sungguak Tuhan adeba Anok Allah!”

MATIUS 16:15

“Tapi temurut udi, api Uku yo?” tanye Yesus ngen penotoa-penotoa-Ne.

MATIUS 26:63

Tapi Yesus diem bae. Lajau nadeak imem lai'o ngen Yesus, “Kerno Allah'o idup, nadeakba ngen keme, jano Ko Rajo Penyelamat, Anok Allah atau coa?”

MATIUS 27:54

Pemipin tentra serpok ngen tentra-tentrane de gidong jemagai Yesus jijai saben nien waktau kemliak gepo, ngen kute de tejijai'o. Tobo'o madeak, “Sungguak Si yo Anok Allah!”

MATIUS 4:3

Iblis teko ngen madeak ngen Yesus, “Amen Ko Anok Allah, keluakba butau-butau yo jijai ruti.”

MARKUS 14:61

Tapi Si tep diem ngen coa jenawab jano-jano. Imem Lai'o betanye igai ngen-Si, “Ko jano Rajo Penyelamat, Anok kunei De Terpujai?”

LUKAS 2:11

Bilai yo bi laher utuk udi juruselamat, adeba Kristus, Tuhan, neak kota Daud.

YOHANES 1:49

Nadeak Natanael ngen Si, “Rabi, Ko Anok Allah, Ko Rajo Tun Israel!”

YOHANES 11:27

Jawab Marta, “Au, Tuhan, uku pecayo, bahwo Ko ba Rajo Penyelamat, Anok Allah, de bakea teko moi lem dunio yo.”

YOHANES 20:31

Tapi hal-hal yo bi cenatet, supayo udi pecayo bahwo Yesusba Rajo Penyelamat, Anok Allah, ngen supayo kerno pecayo, udi dapet idup lem gen-Ne.

YOHANES 6:57

Bapa de idup o, mutus Uku ngen Uku kulo idup kunei Bapa. Awei o kulo tun de mbuk daging-Ku bakea idup kunei Uku.

YOHANES 6:68

Jawab Simon Petrus ngen-Si, “Tuhan, ngen api keme bakea lalau? Kecek-Nu adeba kecek idup de kekal.

YOHANES 6:69

Ngen keme bi pecayo ngen namen bahwo Ko ba de sucai kunei Allah.”

KISAH RASUL-RASUL 14:15

“Hoi udi kute, getai udi menea awei yo? Keme yo manusio biaso serai awei udi. Keme ade neak yo utuk melei namen Bito Baik ngen udi, supayo udi teminggea hal-hal de coa beguno ngen belek ngen Allah de idup, de sudo cemipto lenget, bumai, laut ngen kute si'ingne.

KISAH RASUL-RASUL 8:36

Tobo'o melanjut pemane tobo'o, sapei neak do penan de ade bioa. Lajau nadeak pejabat istana o, “Keliak, neak di ade bioa; jano ade halangan bagiakku utuk dibaptis?” [

KISAH RASUL-RASUL 8:37

Simbet Filipus, “Amen Tuan pecayo ngen segenep atei, buliak.” Jawabne, “Uku pecayo bahwo Yesus Kristus adeba Anok Allah.”]

KISAH RASUL-RASUL 9:20

Si lasung lalau moi umeak-umeak semyang muloi melei namen bahwo Yesus do'oba Anok Allah.

ROMA 1:4

tapi seca'o ilahi ternyato adeba Anok Allah. Do'o tebukti ngen kuaso de luea biaso liwet idup-Ne igai kunei matei.

2 KORINTUS 1:19

Kerno Yesus Kristus, Anok Allah, de sudo keme melei namen neak tengeak-tengeak udi, ngen Silas, Timotius, ngen uku suang isoba tun “Au” ngen “Coa” tapi sebelekne neak lem Si cuma ade “Au”.

2 KORINTUS 3:3

Tobo'o suang dapet kemliak bahwo Saudaro adeba su'et de tenulis Kristus, de mbo liwet keme. Su'et o tenulis iso ngen dawat, tapi ngen Roh Allah de idup; iso kulo neak das butau tulis, tapi neak lem atei manusio.

2 KORINTUS 6:16

Jano hubunganne Bait Allah ngen umeak berhala? Ite yo Bait Allah, adeba Allah de idup. Allah suang madeak, “Uku bakea tinggea besamo-samo ngen tobo'o, ngen idup neak tengeak-tengeak tobo'o. Uku bakea jijai Allah tobo'o, ngen tobo'o bakea jijai umat-Ku.

1 TESALONIKA 1:9

Kute tun miling tetang awei ipe udi temimo keme ketiko keme bel'o teko ngen udi. Tobo'o miling tetang awei ipe udi teminggea patung-patung, teko ngen do-done Allah de idup utuk mengabdi ngen-Si.

1 TIMOTIUS 3:15

supayo amen uku cendok, ko bi namen awei ipe ite harus idup sebagai keluargo Allah, adeba jemaat Allah de idup. Jemaat dioba de adeba tiang penegok ngen pendukung ajaran de benea kunei Allah.

1 TIMOTIUS 4:10

Do'oba sebabne ite berjuang ngen kerjo keras, sebab ite ma'ep sepenuakne ngen Allah de idup; Siba penyelamat kute tun, terutamo tun-tun de pecayo.

IBRANI 10:31

Padeak ngerine amen us moi tangen Allah De Idup!

IBRANI 12:22

Sebelekne, udi bi teko moi Tebo Sion ngen kota Allah de idup, adeba Yerusalem de neak surgo ngen beribau malaikatne.

IBRANI 3:12

Saudaro-saudaro, teateiba jibeak sapei ade neak antaro udi de ateine kembiak kidek ngen coa ade imen, sehinggo si coa pecayo ngen me'uak Allah de idup!

IBRANI 9:14

Nah, amen daleak nge abu o dapet semucai tun-tun o, jano igai daleak Kristus! Liwet Roh de kekal, Kristus melei dirai-Ne suang ngen Allah sebagai kurban de sempurno. Daleak-Ne semucai atei nurani ite kunei upacara agamo de coa beguno, supayo ite dapet melayan Allah de idup.

1 YOHANES 4:15

Api makau bahwo Yesus o Anok Allah, Allah idup jijai do ngen tun o, ngen tun o kulo idup jijai do ngen Allah.

1 YOHANES 5:20

Ite namen bahwo Anok Allah bi teko ngen sudo melei pengertian ngen ite, supayo ite kemnal Allah de benea. Ite idup jijai do ngen Allah de benea ngen idup jijai do ngen anok-Ne Yesus Kristus, dioba Allah de benea, ngen dioba idup sejati ngen kekal.

1 YOHANES 5:5

Api dapet maleak dunio? Cuma tun de pecayo bahwo Yesus adeba Anok Allah.

WAHYU 7:2

Lajau uku kemliak suang malaikat de luyen teko kunei peak timur. Si mbin segel kunei Allah de idup. Ngen sa'ei lek malaikat o menok kepat malaikat de sudo kenuaso kunei Allah utuk musak bumai ngen laut.