MATIUS 15:36 - JANJAI BLAU Lem Bahaso Jang Bebilai

³⁶ Sudo'o Si mok tujuak ruti ngen kan'o, ngucep sukur ngen Allah. Yesus megit ruti ngen kan'o ngen tangen-Ne, lajau Si melei penotoa-Ne ngen tobo'o magiak ngen tun dau'o.

MATIUS 15:36 ပူးပေါင်းရင်းမြစ်များ

ROMA 14:6

Api de bepegong ngen do bilai tertentu, si meneane utuk Tuhan. Ngen api mukmei, si meneane utuk Tuhan, sebab si mucep syukur ngen Allah. Ngen api coa mukmei, si meneane utuk Tuhan, ngen si kulo mucep syukur ngen Allah.

LUKAS 22:19

Lajau Yesus mok ruti. Sesudo mucep syukur, Si memecuakne ngen meleine ngen tobo'o, nadeak-Ne, “Dioba awok-Ku de senreak bagiak udi; neaba dio utuk minget Uku.”

KISAH RASUL-RASUL 27:35

Sesudo Paulus madeak awei o, si mok ruti, mucep syukur ngen Allah neak adep tobo'o kutene, mecuak-mecuakne, lajau muloi mbuk.

YOHANES 6:11

Lajau Yesus mok ruti o, mucep syukur ngen magiakne ngen tobo'o de temot neak di, awei o kulo nea-Ne ngen kan-kan o, kekedau de tobo'o kelok.

1 KORINTUS 10:31

Jano bae de Saudaro nea – Saudaro embuk atau Saudaro menem – neaba kutene o utuk menea Allah mulio.

YOHANES 6:23

Sementaro o kekedau biduk luyen teko kunei Tiberias pa'ok moi penan tobo'o mbuk ruti, sesudo Tuhan mucep syukur dasne.

LUKAS 24:30

Waktau Si temot mukmei ngen tobo'o, Si mok ruti, mucep berkat, lajau memecuakne ngen meleine ngen tobo'o.

LUKAS 22:17

Sesudo'o Si mok makuk anggur, mucep syukur, lajau madeak, “Mokba dio ngen nagiakba neak antaro udi.

MATIUS 14:19

Sudo'o Si meluak tun dau'o temot neak das dukut. Lajau Si mok lemo ruti ngen duai kan'o, ngen cungok moi lenget, lajau mucep syukur ngen Allah. Sudo'o Si megit ruti'o ngen tangan-Ne ngen mlei-Ne ngen penotoa-penotoa-Ne utuk nagiak-nagiak ngen tun dau'o.

MATIUS 15:35

Lajau Yesus meluak tun dau'o temot neak das pitok.

1 KORINTUS 14:16

Sebab amen Saudaro mucep mokasih ngen Allah ngen rohnu bae, ngen ade tun luyen de coa ngertai bahaso ajaib de kunei Roh Allah o, mako tun coa dapet madeak, “Uku tujau” te'adep du'o sukurnu o; kerno si coa namen jano de Saudaro nadeak.