MATIUS 15:32 - JANJAI BLAU Lem Bahaso Jang Bebilai

³² Sudo'o Yesus menok penotoa-Ne lajau madeak, “Uku selen kemliak tun dau yo. Sudo telau bilai tobo'o serepok Uku ngen coa temuan kembuk. Uku coa lok munyau tobo'o belek ngen te'nei nyemen, be tobo'o kelpai neak dalen.”

MATIUS 15:32 ပူးပေါင်းရင်းမြစ်များ

MATIUS 12:40

Nebai Yunus tinggea telau bilai telau malem neak lem tenei kan lai. Awei'o kulo Anok Manusio bakea tinggea telau bilai telau malem neak lem tenei bumai.

MATIUS 14:13

Waktau Yesus temi'uk berita'o, Si kemnek biduk suang ngen teminggea penan'o, utuk lalau moi do penan de sunyai. Tapi ketiko tun-tun temi'uk tetang hal'o, tobo'o teminggea kota-kota tobo'o ngen lalau semusul Yesus liwet dalen daet.

MATIUS 15:33

Lajau penotoa Yesus betanye ngen-Si, “Neak ipe ite lok dapet kembuk utuk tun dau yo neak penan sunyai yo?”

MATIUS 20:34

Yesus selen ngen tobo'o, lajau megong matai tobo'o. Waktau'o kulo tobo'o dapet ngeliak. Lajau tobo'o temotoa Yesus.

MATIUS 27:63

Ngen madeak, “Tuan, keme tinget waktau tukang nike'o masiak idup, Si pernea madeak, ‘Sesudo telau bilai Uku bakea idup igai.’

MATIUS 9:36

Waktau Yesus kemliak tun dau'o, Si selen ngen tobo'o, renyeng ngen coa bedayo, awei domba coa gen pengangon.

MARKUS 9:22

Ngen bi awit roh'o seme'etne moi lem opoi atau moi lem bioa utuk mabisne. Kerno'o amen Kumu dapet menea sesuaktau, tulungba keme ngen selenba ngen keme.”

LUKAS 7:13

Ngen ketiko Tuhan kemliak jando o, tegerokba atei-Ne ngen belas kasiak, lajau Si madeak ngen si, “Jibeak ngindoi!”

KISAH RASUL-RASUL 27:33

Ayok pueng, Paulus majok kute tun utuk mukmei, nadeakne, “Sudo pat blas bilai udi cuma mbot bae, maen nyemen ngen coa mbuk jejano.

IBRANI 4:15

Imem Lai ite o isoba imem de coa dapet meding kelemahan-kelemahan ite. Se belek ne, Si sudo cenubo lem kute hal, serai awei ite suang; cuma Si coa menea duso!