MATIUS 14:6 - JANJAI BLAU Lem Bahaso Jang Bebilai

⁶ Pado waktau Herodes merayo bilai ulang taunne, anokselawei Herodias na'ai neak adep tamu. Ta'aine kembiak semnang atei Herodes.

MATIUS 14:6 ပူးပေါင်းရင်းမြစ်များ

MATIUS 14:3

Kerno ayok'o Herodes meluak temakep Yohanes ngen meket si serto mbin moi lem sel. Herodes menea awei'o kerno sual Herodias, ngenyen pasuakne dewek, Filipus.

MATIUS 14:7

Sehinggo Herodes bejanjai ngen si ngen besupeak bahwo jano bae dei si kemlok bakea nelei ngen si.

MATIUS 22:24

“Pak gu'au,” nadeak tobo'o, “Musa majea awei yo: Amen suang semanei matei ngen si coa temuan mok, ngen pasuakne mestai nikeak ngen jandone supayo melei anok ngen tun de sudo matei'o.

MARKUS 6:14

Rajo Herodes kulo temi'uk tetang Yesus, sebab genne bi tenamo ngen tun madeak, “Yohanes Pembaptis bi idup igai kunei antaro tun matei ngen do'oba sebabne kuaso-kuaso'o bekerjo neak lem Si.”

MARKUS 6:17

Sebab Herodes ba gi meluak tun temakep Yohanes ngen mbelenggaune neak penjaro berhubung ngen peristiwo Herodias, ngenyan Filifus pasuakne, kerno Herodes de ngemok si sebagoi ngenyan.

MARKUS 6:19

Kerno, o Herodias dendem ngen Yohanes ngen beniat utuk munuak si, tapi coa dapet,

MARKUS 8:15

Lajau Yesus melei peringatan ngen tobo'o, nadeak-Ne, “Bejago-jagoba ngen teatei te adep agai tun Farisi ngen agai Herodes.”

LUKAS 13:31

Pado waktau o teko kekedau tun Farisi ngen madeak ngen Yesus, “Lalauba, teninggeaba penan yo, kerno Herodes lok munuak Ko.”

LUKAS 23:11

Herodes ngen anggota-anggota tentrane meliam ngen mimok Yesus, lajau Herodes mpek bajau kebesaran ngen Yesus. Sesudo'o kemirim Yesus ngen Pilatus.

LUKAS 23:7

Ngen waktau si namen, bahwo Yesus suang kunei wilayah Herodes, Pilatus kemirim Yesus madep Herodes, de pado waktau o ade kulo neak Yerusalem.

LUKAS 3:1

Lem taun kelemo belas kunei pemeriteak Kaisar Tiberius, ketiko Pontius Pilatus jijai Gubernur neak Yudea, ngen Herodes rajo neak Galilea, Filipus, pasuakne, rajo neak Iturea ngen Trakhonitis, ngen Lisanias rajo neak Abilene.

LUKAS 3:19

Tapi Herodes, penguaso Galilea, tengur ngen Yohanes tetang nikeakne ngen Herodias, ngenyan pasuakne, ngen tetang kute kejahatan luyen de bi si menea.

LUKAS 8:3

Yohana ngenyan Khuza pegawai istana Herodes, Susana ngen dau selawei-selawei luyen. Ngen biaya suang, tobo'o temulung Yesus ngen murid-murid-Ne.

KISAH RASUL-RASUL 12:1

Kekiro pado waktau'o Rajo Herodes muloi betindak te'adep kekedau tun kunei jemaat.

KISAH RASUL-RASUL 4:27

Sebab Herodes ngen Pontius Pilatus bi menea pertemuan ngen tun-tun de coa kemnal Tuhan ngen tun-tun Israel neak kota yo. Tobo'o temau utuk melawen Yesus Hambo-Nu de sucai o, de sudo Ko maket jijai Rajo Penyelamat.