MATIUS 13:44 - JANJAI BLAU Lem Bahaso Jang Bebilai

⁴⁴ “Amen Allah meriteak, keadaanne awei perumpamo yo: Ade harto de tependam neak pitok lajau tenmau ngen su'ang tun, ngen nasuk igai hartone moi lem pitok. Sudo'o kerno kembiak riangne, tun'o lalau jemuea kute hartone, lajau belek igai ngen temukua taneak'o.”

MATIUS 13:44 ပူးပေါင်းရင်းမြစ်များ

MATIUS 13:24

Yesus cemrito igai de bueak perumpamo ngen tun dau, nadeak-Ne, “Amen Allah meriteak, keadaanne awei perumpamo yo: Suang petani tembea biniak de baik neak kebunne.

MATIUS 13:46

Tiko si temau do mutiara de luea biaso baesne, segro si lalau ngen jemua kute hartone, lajau si temukua mutiara de do'o.”

MATIUS 13:47

“Amen Allah meriteak, keadaanne umpamo ngen jalai de nambua moi daneu, lajau dapet mecem-mecem kan.

MATIUS 19:21

Nadeak Yesus ngensi, “Amen ko lok jijai sepurno, lalauba jenuo kute hoknu. Meleiba caci ngen tun peset, ngen ko bakea dapet harto neak surgo. Sesudo'o tekoba temotoa Uku!”

MATIUS 19:27

Lajau Petrus jemawab, “Kemliakba, keme sudo teminggea kutene utuk temotoa Bak. Jijai jano de bakea keme temimo?”

MATIUS 19:29

Ngen tiep tun de sudo teminggea umeak, pasuak semanei atau selawei, bak, mak, anok-anok atau kebun kerno Uku, tun'o bakea temimo igai sotos kilai lipet. Ngen si bakea temimo kulo idup de baka.

MATIUS 6:21

Kerno neak ipe hartonu ade, neak di kulo ateinu!”

LUKAS 14:33

Awei yo kuloba tetiep tun neak antaro udi, de coa melpas diraine kunei kute hokne, coa dapet jijai penotoa-Ku!”

YOHANES 6:35

Nadeak Yesus ngen tobo'o, “Ukuba ruti de melei idup; api bae de teko ngen Uku, si coa bakea perneak nyemen igai, ngen api bae de pecayo ngen Uku, si coa bakea perneak haus igai.

ROMA 15:4

Kute de tetulis neak lem Kiteb Sucai adeba utuk majea ite. Sebab pelajaran de ite temimo kunei Kiteb Sucai menea ite jijai tabah ngen kuet sehinggo ite dapet ma'ep ngen Allah.

KOLOSE 2:3

Kristusba de kemten kute kebijaksanaan ngen pengetahuan Allah de bel'o coa keten.

KOLOSE 3:16

Lokba ajaran-ajaran Kristus de penuak berkat tinggea neak lem ateinu. Lokba udi samo-samo majea ngen samo-samo melei nasihat de bijaksano. Nyanyikanlah mazmur ngen puji-pujian serto legau-legau rohani; nyanyiba utuk Allah ngen perasaan syukur neak lem ateinu.

IBRANI 10:34

ngen udi meding ibo tun de neak lem sel. Ketiko kute de udi temuan mok tun, udi temimo o ngen riang atei, sebab udi namen bahwo udi masiak temuan suaktau de lebiak baik, de bakea taen sekeanne.

WAHYU 3:18

Sebab o Uku melei nasihat udi supayo temukua kunei pado-Ku mas, adeba mas de murni, supayo udi jijai kayo. Nukuaba kulo keracok putiak kunei pado-Ku supayo udi makei keracok ngen temutup awok udi de beleseng ngen nyelek. Ngen mukuaba kulo ubet utuk nusep neak matainu supayo udi dapet ngeliak.