MATIUS 13:23 - JANJAI BLAU Lem Bahaso Jang Bebilai

²³ Ngen biniak de cucia moi pitok de subur awei tun-tun de temi'uk kabar'o ngen mahamne. Tobo'o bebueak dau, ade de sotos, ade de num puluak, ade de telau puluak kilai lipet aseane.”

MATIUS 13:23 ပူးပေါင်းရင်းမြစ်များ

MATIUS 12:33

“Utuk dapet bueak de baik, punne coa subur. Amen punne harus subur, bueakne coa baik kulo. Subur coane suatupun tekeliak kunei bueakne.

MATIUS 13:8

Tapi ade kulo biniak de cucia neak pitok de subur, lajau bebueak; ade de sotos, ade de nam puluak, ade kulo de telau puluak kilai lepet.”

MATIUS 3:10

Kapok bi siap utuk tembang pun sapei balet-baletne pun de coa baik bueakne mestai tembang ngen nuang lem opoi.

MATIUS 3:8

Kemtenba uleaknu amen ko bi betobat kunei duso-dusonu.

MARKUS 10:15

Sesungguakne Uku madeak ngen udi: api bae de semambut Allah meriteak sebagai Rajo awei anok titik, si coa nam masuk moi lemne.”

MARKUS 4:20

Ngen akhirne de tenbea neak pitok de baik, adeba tun temi'uk ngen semambut firman'o lajau bebuak, ade de telau puluak kilai lipet, ade de num puluak lipet, ngen ade de sotos kilei lipet.”

LUKAS 13:9

mukin taun muko si bebuak; amen coa, tembangba pun o!’ ”

LUKAS 8:15

Biniak de us neak taneak de subur ibarat tun de temi'uk Bito Baik o, lajau maikne neak lem atei de baik ngen jujur. Tobo'o beta'en sapei masea buak.”

LUKAS 8:8

Tapi ade kulo biniak de us neak taneak de subur, lajau temuak ngen masea buak sotos kilai lipet.” Sesudo miling awei yo Yesus madeak, “Api temuan ti'uk utuk temi'uk, lokba si temi'uk!”

YOHANES 15:16

Iso udi de miliak Uku, tapi Uku ba de miliak udi, Uku bi temtep udi, supayo udi lalau ngen asea buak de dau, supayo jano de udi minoi ngen Bapa lem gen-Ku neleine ngen udi.

YOHANES 8:47

Api bae berasal kunei Allah, si temi'uk firman Allah. Do'oba sebabne udi coa temi'ukne, kerno udi coa berasal kunei Allah.”

KISAH RASUL-RASUL 16:14

Saleak suang kunei seselawei o de genne Lidia turut temi'uk. Si asalne kunei kota Tiatira, si suang tun tukang jagea kain ungu de mengasihi Allah. Tuhan mukok ateine, sehiggo si temi'uk jano de nadeak Paulus.

KISAH RASUL-RASUL 17:11

Tun-tun Yahudi neak kota o lebiak tukok ateine kunei pado tun-tun Yahudi neak Tesalonika, kerno tobo'o temimo Firman o ngen kute kerelaan atei, tiep bilai tobo'o semlidik Kitep Sucai utuk namen, jano kutene o benea awei o.

2 KORINTUS 9:10

Allah de semiap biniak utuk penebea ngen kembuk utuk ite. Si kulo bakea semiap ngen nambeak dau jano de udi tenbea, supayo asea kemurahan ateinu betambeak kulo.

FILIFI 1:11

Idupnu bakea penuak ngen plep de sungguak-sungguak baik de cuma dapet kunei Yesus Kristus suang; mako Allah bakea dimuliakan ngen nujai.

FILIFI 4:17

Do'o iso taine uku cuma lok temimo pelei. De uku lok adeba supayo uku dapet kemliak asea-asea de temambeak utung.

KOLOSE 1:10

Ngen awei o udi dapet idup temurut kelok Allah, ngen bogoa semnang atei-Ne, sehinggo lem kute sesuaktau udi dapet melei hal-hal de baik. Ngen pengetahuan udi tetang Allah kulo bakea tambeak kulo.

KOLOSE 1:6

Bito kunei Allah o tesebea moi kute dunio, ngen tun-tun te'us diberkati bito o, serai awei udi diberkati sejok udi temi'uk tetang rahmat Allah ngen sebeneane.

1 TESALONIKA 4:1

Akhirne Saudaro-saudaro, keme sudo melei teladan ngen udi tetang awei ipe udi harus idup utuk semnang atei Allah. Memang udi bi idup awei o. Tapi uyo das kuaso Tuhan Yesus, keme minoi nien ngen udi, makso supayo udi lebiak berusaho igai lem hal o!

2 TESALONIKA 2:10

Si bakea makei ca'o kidek utuk sesat tun-tun de bakea binaso. Tobo'o bakea binaso sebab temulok ngen coa senang bito de benea kunei Allah de dapet semlamat tobo'o.

IBRANI 4:2

Kerno Bito Baik o bi nelei namen ngen ite serai ngen tobo'o. Tapi ngen tobo'o, bito o coa de gunone. Kerno ketiko tobo'o temi'ukne, tobo'o coa pecayo.

IBRANI 6:7

Pitok de mesep bioa ujen de cet tu'un moi dasne, lajau idup tanem-tanem de beguno utuk tun de temanemne, pitok o diberkati Allah.

IBRANI 8:10

Tapi uyo, dioba janjai de bakea Uku nea ngen umat Israel pado bilai-bilai de bakea teko, nadeak Tuhan: Uku bakea mpek hukum-Ku moi lem pekeran tobo'o, ngen temulisne neak atei tobo'o. Uku bakea jijai Allah tobo'o, ngen tobo'o bakea jijai umat-Ku.

2 PETRUS 3:18

Lokba udi tambeak meding rahmat Yesus Kristus, Tuhan ngen Rajo Penyelamat ite, lokba udi kulo tambeak kemnal Si. Tepujaiba Si, uyo sapei selamo-lamone! Amin.

1 YOHANES 5:20

Ite namen bahwo Anok Allah bi teko ngen sudo melei pengertian ngen ite, supayo ite kemnal Allah de benea. Ite idup jijai do ngen Allah de benea ngen idup jijai do ngen anok-Ne Yesus Kristus, dioba Allah de benea, ngen dioba idup sejati ngen kekal.