MATIUS 12:42 - JANJAI BLAU Lem Bahaso Jang Bebilai

⁴² Pado Bilai Kiamat, ratu kunei negrai Selatan bakea idup igai kunei mateine besamo tun-tun zaman yo ngen temuduak tobo'o. Sebab utuk temi'uk ajaran Salomo de pitok, ratu'o menea pemaneu de uak sekilai kunei ujung bumai. Tapi neak yo uyo lebiak lai kunei pado Salomo!”

MATIUS 12:42 ပူးပေါင်းရင်းမြစ်များ

MATIUS 12:41

Pado Bilai Kiamat, penduduk Niniwe bakea idup igai kune matei besamo tun-tun zaman uyo ngen temuduak tobo'o. Sebab tun-tun Niniwe'o betobat kunei duso-duso tobo'o, tiko Nebai Yunus berkotbah ngen tobo'o, tapi neak yo adei de kembiak lai kunei pado Nebai Yunus!

MATIUS 12:6

Teni'ukba jano de Uku madeak yo: neak yoo ade de lebiak lai kunei Bait Allah.

MATIUS 17:5

Waktau Petrus gidong miling embun de kembiak te'ang kemliling tobo'o ngen kunei embun'o teti'uk sa'ei de madeak, “Dioba Anok-Ku de Ku kemasiak, Si semnang atei-Ku. Teniukba Si!”

MATIUS 3:17

Lajau tiukba saei Allah de madeak, “Dioba Anok de Uku kamasiak, Si semnang atei-Ku.”

YOHANES 1:14

Firman'o bi jijai manusio, ngen tinggea neak antaro ite, ngen ite bi kemliak kemulioan-Ne adeba kemulioan de nelei ngen Si sebagoi Anok tunggea Bapa, penuak anugrah ngen de benea.

YOHANES 1:18

Coa suang tun de perneak kemliak Allah; tapi anok Tunggea Allah, de ade neak das balung Bapa, Siba de madeak-Ne.