MATIUS 12:34 - JANJAI BLAU Lem Bahaso Jang Bebilai

³⁴ Ko tun jahat, kero ko dapet mucep hal-hal de baik amen ko jahat? Jano de nucep bibia do'oba de keluea kunei atei!

MATIUS 12:34 ပူးပေါင်းရင်းမြစ်များ

MATIUS 12:35

Tun de baik mucep hal-hal de baik kerno si penuak ngen hal-hal de baik. Kebelekne tun de jahat mucep hal-hal de jahat kerno si penuak ngen hal-hal jahat.

MATIUS 15:18

Tapi de kunei bibia, asalne kunei atei. Do'oba de menea tun ijai najis.

MATIUS 23:33

Udi jahat ngen udi kulo anok tun jahat! Awei ipe udi dapet semlamat dirai kunei hukuman neak nerako?

MATIUS 3:7

Tapi waktau Yohanes kemliak dau tun Farisi ngen tun Saduki teko utuk dibaptis, si madeak ngen tobo'o, “Udi tun jahat! Api madeak ngen udi amen udi nam nilok kunei murko gi bakea teko?

LUKAS 3:7

Dau tun teko ngen Yohanes utuk dibaptis. Yohanes madeak ngen tobo'o, “Ko tun jahat! Api de madeak ko dapet lolos kunei ukuman Allah de bakea teko?

LUKAS 6:45

Tun de baik kemluea hal-hal baik kerno ateine baik. Tun de jahat kemluea hal-hal de jahat kerno ateine penuak ngen jahat. Sebab jano de nucep ngen bibia do'oba de keluea kunei atei.”

YOHANES 8:44

Udi berasal kunei baknu, adeba Iblis, ngen udi lok menea kenlok baknu. Si adeba tukang munuak manusio kunei ke'an yo ngen coa idup lem de kebenea, kerno neak lemne coa ade kebenea. Amen si miling coa benea, si miling kunei diraine suang. Sebab si adeba tukang ngike ngen bak tukang ngike.

EFESUS 4:29

Jibeakba ade kecek de coa baik keluea kunei bibianu, tapi pakeiba kecek de baik utuk mbimbing ngen mulung tun luyen. Kecek-kecek awei o bakea jijai kebaikan ngen tun-tun de temi'ukne.

EFESUS 5:4

Awei o kulo kecek de coa baik, de kosong atau basing bae – kerno hal-hal o coa patas – tapi sebelekne mucepba syukur.

YAKOBUS 3:2

Ite kute cet menea saleak. Tapi tun de coa perneak menea saleak ngen kecek-kecekne, si tun de sempurno, de dapet kemuaso kute diraine.

1 YOHANES 3:10

Dioba bedane anok-anok Allah ngen anok-anok Iblis: api de coa menea kelok Allah, atau coa mengasiak saudarone, si iso Anok Allah.