MATIUS 12:32 - JANJAI BLAU Lem Bahaso Jang Bebilai

³² Amen tun miling sesuatu tetang anok manusio, si dapet napun, tapi amen si mino Roh Sucai kunei Allah si coa bakea napun, teak uyo kulo neak akhirat!”

MATIUS 12:32 ပူးပေါင်းရင်းမြစ်များ

MATIUS 11:19

Uyo Anok Manusia teko, Si mukmei ngen menem ngen tun-tun madeak, ‘Keliak tun'o! Rakus, pemabuk, kuat tukang penagiak pajak ngen tun beduso.’ Tapi kepacok Allah tebukti kunei asea-asea-Ne.”

MATIUS 12:31

Kerno'o udi perlu namen amen tun menea duso ngen mino, si dapet napun! Tapi amen si mimo Roh Sucai kunei Allah, si coa bakea napun!

MATIUS 12:8

Kerno Anok Manusio bekuaso pado bilai Sabat tun Yahudi.”

MATIUS 13:22

Biniak de cucia neak tengeak-tengeak belukea tebok awei tun-tun de temi'uk kabar'o, tapi renyeng tetang idup tobo'o ngen lok idup mewah. Kerno'o kabar kunei Allah tipit neak lem atei tobo'o sehinggo coa bebueak.

MATIUS 13:39

Musuak de temanem lalang'o adeba Iblis. Maso panen adeba Bilai Kiamat, ngen tun-tun de manen'o adeba malaikat-malaikat.

MATIUS 13:40

Awei'o lalang nelungguk ngen nemben neak lem opoi, awei'o kulo pado Bilai Kiamat be.

MATIUS 13:55

Iso Si anok tukang keyew? Iso si Mariam'o mak-Ne; ngen pasuak-pasuak-Ne adeba Yakobus, Yusuf, Simon ngen Yudas?

MATIUS 8:20

Yesus jemawab, “Serigala temuan lubang ngen burung temuan sa'ang, tapi anok manusio coa temuan penan Si tidua.”

MARKUS 10:30

Tun'o uyo pado maso uyo kulo bakea temimo igai sotos kilai lipet: Umeak, pasuakne semanei, pasuakne selawei, indok, anok ngen kebun, debatpun senerto berbagoi penganiayaan, pado zaman de bakea teko si bakea temimo idup de kekal.

MARKUS 3:28

Uku madeak ngen udi: sebenea menea duso ngen mino te'adep tun bakea napun.

MARKUS 3:29

Tapi amen suang mengiak ngen Roh Sucai, si coa dapet napun sekeanne, seluyen besaleak kerno menea duso de kekal.”

LUKAS 12:10

Tetiep tun de miling melawen Anok Manusio, si bakea napun; tapi barang api mino Roh Allah, si coa bakea napun.

LUKAS 16:8

Lajau tuan o mujai pegawaine de coa jujur o, kerno si bi betindak ngen pacok. Sebab anok-anok dunio yo lebiak coa jujur te'adep sesamone kunei pado anok-anok te'ang.”

LUKAS 18:30

tun'o bakea temimo igai belipet pado maso yo kulo, ngen pado zaman de bakea teko si bakea temimo idup de kekal.”

LUKAS 23:34

Yesus bedu'o, “Au Bapa! Napunba tobo'o, sebab tobo'o coa namen jano de tobo'o nea.” Ngen tobo'o muang lotre utuk magiak bajau Yesus.

LUKAS 7:34

Sesudo'o Anok Manusio teko, Si mbuk ngen menem, ko madeak keliakba, ‘Si suang jelen ngen pemenem, kuat penagiak pajak ngen tun beduso.’

YOHANES 7:12

Neak antaro tun dau teti'uk dau bisik tetang Si. Ade de madeak, “Si tun baik.” Tapi ade kulo de madeak, “Coa! Si jemijai tun dau limau.”

YOHANES 7:39

De taine adeba Roh de bakea tenimo ngen tobo'o de pecayo ngen Si; kerno Yesus ati mulio.)

YOHANES 7:52

Jawab tobo'o, “Jano ko kulo tun Galilea? Senlidikba Kiteb Sucai ngen bakea namen bahwo coa ade nebai de teko kunei Galilea.”

KISAH RASUL-RASUL 3:19

Kerno o pasuak-pasuak, tobatba kunei duso-dusonu ngen belekba ngen Allah, supayo si mapus duso-dusonu.

EFESUS 1:21

Kedudukan Kristus o uak lebiak lekat kunei kute pemeritek, penguaso, kuaso, kerajaan ngen tiep-tiep gen de dapet senbut, iso cuma neak dunio yo bae, meluyen kulo neak dunio de bakea teko.

1 TIMOTIUS 1:13

Kunyau bel'o uku fitneak ngen semikso serto mino Si. Tapi Allah mengasihi uku, kerno pado waktau o uku ati pecayo, jijai uku coa namen jano de uku nea.

1 TIMOTIUS 1:15

Kecek o benea ngen patut tenimo sepenuakne, “Kristus Yesus teko moi dunio yo utuk semlamat tun beduso.” Ngen neak antaro tobo'o ukuba de kembiak beduso.

1 TIMOTIUS 4:8

Latihan jasmani didik bae gunone, tapi latihan rohani beguno lem kute hal, sebab mengandung janjai utuk idup pado maso uyo ngen maso de bakea teko.

1 TIMOTIUS 6:17

Ngen tun-tun kayo neak dunio yo, lokba ko minoi supayo tobo'o jibeak ombong ngen jibeak ma'ep pado sesuaktau de coa tau awei kekayaan. Tobo'o harus ma'ep ngen Allah de melei kute sesuaktau ngen ite utuk ite nikmati.

2 TIMOTIUS 4:10

kerno Demas bi teminggea uku kerno cito ngen dunio yo. Si bi lalau moi Tesalonika. Kreskes bi lalau moi Galatia, ngen Titus moi Dalmatia.

TITUS 2:12

Rahmat Allah o majea ite supayo coa igai idup melawen kelok Allah ngen coa temotoa kelok duniawi. Ite najea utuk idup lem dunio yo ngen namen temaen dirai, tulus, setia ngen Allah.

YAKOBUS 1:27

Ketaatan beragamo de sucai ngen sejati temurut pandangan Allah Bapa adeba: temulung anok-anok yatim ngen rando-rando de saro, jemago dirai su'ang supayo jibeak nusak dunio yo.