MATIUS 12:18 - JANJAI BLAU Lem Bahaso Jang Bebilai

¹⁸ “Keliakba, dioba utusan-Ku de niliak-Ku, Tun de Uku kemasiak ngen de semnang atei-Ku, Uku bakea melei Roh-Ku ngen-Si, Si bakea melei namen bangso-bangso bahwa tobo'o bakea temimo ukuman-Ku de adea.

MATIUS 12:18 ပူးပေါင်းရင်းမြစ်များ

MATIUS 12:17

Jijai genepba jano de nadeak Allah liwet Nebai Yesaya.

MATIUS 17:5

Waktau Petrus gidong miling embun de kembiak te'ang kemliling tobo'o ngen kunei embun'o teti'uk sa'ei de madeak, “Dioba Anok-Ku de Ku kemasiak, Si semnang atei-Ku. Teniukba Si!”

MARKUS 1:11

Lajau teni'ukba sa'ei kunei surgo, “Ko ba Anok-Ku de Uku kemasiak, ngen Ko ba semnang atei-Ku.”

MARKUS 9:7

Mako tekoba mbun melitas tobo'o ngen kunei mbun'o teni'uk saei, “Dioba anok de Uku kasihi, teni'ukba Si.”

LUKAS 23:35

Tun dau je neak di ngen kemliak kutene. Pemipin-pemipin ngupet Si, nadeakne, “Tun luyen Si semlamat, kunyauba uyo Si semlamat dirai-Ne suang, amen Si adeba Mesias, tun de niliak Allah.”

LUKAS 3:22

Roh Allah tu'un moi das Yesus awei burung daro. Lajau teti'uk sa'ei Allah madeak, “Koba Anok-Ku de Uku kemasiak. Ko semnang atei-Ku.”

LUKAS 4:18

“Roh Tuhan ade pado-Ku, ngen sebab Si bi melatik Uku, utuk semapei Bito Baik ngen tun-tun peset. Ngen Si bi mutus Uku utuk melei bito tetang bebas tun-tun tahanan, ngen pengeliak bagiak tun-tun sutai, utuk mbebas tun-tun de jijai budok,

LUKAS 9:35

Lajau teti'ukba sa'ei kunei lem mbun o, de madeak, “Dioba Anok-Ku de Uku miliak, teni'ukba Si.”

YOHANES 3:34

Sebab api de nutus Allah, Siba de senapei Firman Allah, kerno Allah melei karunio Roh-Ne ngen ade batas.

KISAH RASUL-RASUL 10:38

Udi namen bahwo Allah bi miliak Yesus tun Nazaret o, melei namen ngen-Si Roh Sucai ngen kuaso. Udi namen kulo bahwo Yesus o lalau moi ipe bae utuk menea baik, Si kemaen kute tun de kenuaso Iblis, kerno Allah semerto Si.

KISAH RASUL-RASUL 11:18

Waktau tobo'o temi'uk hal'o, tobo'o jijai tenang, lajau memulikan Allah, nadeakne, “Jijai, bangso-bangso luyen kulo Allah melei karunio utuk tobat kunei duso-dusone.”

KISAH RASUL-RASUL 14:27

Sapeine neak di tobo'o menok jemaat bekopoa, lajau tobo'o cemrito kute sesuaktau de Allah menea liwet tobo'o, bahwo si bi mukok bang utuk bangso-bangso luyen ngen imen.

EFESUS 1:6

Tepujaiba Allah de agung, kerno liwet Anok-Ne de tecito Si kebiak sayang ngen ite.

KOLOSE 1:1

Saudaro-saudaro umat Allah neak Kolose de setia jijai do ngen Kristus! Sebagai rasul Kristus Yesus, – kerno tenunjuk Allah – uku, Paulus, besamo-samo ngen Saudaro ite Timotius, ma'ep semoga Allah Bapa ite melei berkat, sejahtera ngen udi.

KOLOSE 1:13

Si bi mbebas ite kunei kuaso kegelapan ngen maliak ite moi lem kerajaan Anok-Ne de kenasiak-Ne.

1 PETRUS 2:4

Kerno o, tekoba ngen Tuhan. Si awei butau de idup, butau de nuang manusio kerno nanggap coa beguno; tapi de niliak Allah sebagai butau de bego.

2 PETRUS 1:17

Keme berade neak di ketiko Si dihormati ngen diagungkan ngen Allah Bapa. Pado waktau o tetiuk sa'ei kunei De Mahamulio, de madeak ngen-Ne, “Diyoba Anok-Ku de Kukemasiak. Si semnang atei-Ku!”