MATIUS 11:25 - JANJAI BLAU Lem Bahaso Jang Bebilai

²⁵ Pado waktau'o Yesus bedu'o, “Bapa, Tuhan de kemuaso lenget ngen bumai! Uku mucep syukur ngen-Ko, kerno kutene'o Ko mresione kunei tun-tun pacok ngen pitar, tapi Ko melei namen ngen tun-tun biaso.

MATIUS 11:25 ပူးပေါင်းရင်းမြစ်များ

MATIUS 16:17

Nadeak Yesus: “Butung sekilai ko Simon anok Yonah! Sebab Iso manusio de melei namen hal'o ngen ko tapi Bak-Ku de neak surgo.

MATIUS 21:16

Tobo'o madeak ngen Yesus, “Ko temi'uk jano de nadeak tobo'o?” “Au, Uku temi'uk,” Yesus jemawab. “Jano udi ati perneak mbaco lem kiteb yo: ‘Anok-anok ngen cupik ko bi majea pujian de sepurno’?”

LUKAS 22:42

Nadeak-Ne, “Au Bapa-Ku, amen Ko lok, mokba saro yo kunei pado-Ku; tapi isoba kelok-Ku, tapi kelok-Nuba de tejijai.” [

LUKAS 23:34

Yesus bedu'o, “Au Bapa! Napunba tobo'o, sebab tobo'o coa namen jano de tobo'o nea.” Ngen tobo'o muang lotre utuk magiak bajau Yesus.

YOHANES 11:41

Tobo'o maket butua o. Lajau Yesus nanggeak moi das ngen madeak, “Bak, Uku mucep syukur ngen Ko, kerno Ko bi temi'uk Uku.

YOHANES 12:27

Atei-Ku temes, “Jano de arus Uku madeak uyo? Jano arus Uku madeak, ‘Bak, senlamat ba Uku kunei saat yo’? Tapi waktau meding saro dioba Uku teko.

YOHANES 12:28

Bak, de mulio ba gen-Nu!” Lajau temi'uk sa'ei kunei surgo, “Uku bi mulione ngen Uku bakea mulione igai!”

KISAH RASUL-RASUL 17:24

Allah de sudo jemijai bumai ngen kute si'ingne, Siba Tuhan das lenget ngen bumai, coa tinggea lem umeak-umeak diwo de nea manusio.

1 KORINTUS 2:10

Kerno ngen ite Allah bi kemtenne ngen Roh, sebab Roh semlidik kute sesuaktau, bahkan hal-hal de coa keten lem dirai Allah.

2 KORINTUS 3:14

Pekeran tobo'o bi tetutup. Sapei pado bilai yo kulo pekeren tobo'o masiak tetutup ngen selikep pado waktau tobo'o mbaco bukau-bukau tetang janjai de an. O coa tukok, kerno cumu lem Kristus selikep o nam tukok.