MATIUS 10:28 - JANJAI BLAU Lem Bahaso Jang Bebilai

²⁸ Jibeakba saben ngen, tobo'o de munuak awok, tapi coa ade kuaso munuak jiwo. Sabenba ngen Allah de bekuaso mbenaso awok ngen jiwonu lem nerako.

MATIUS 10:28 ပူးပေါင်းရင်းမြစ်များ

MATIUS 10:26

“Jibeakba saben ngen manusio coa ade de tekunyin de coa bakea keten ngen coa ade de resio de coa bakea nukok.

MATIUS 25:46

Lajau tun-tun'o bakea nukum ngen ukuman de baka, tapi tun-tun de menea kelok Allah bakea idup de baka.”

MATIUS 5:22

Tapi Uku madeak ngen udi, tiep tun de mengiak ngen tun luyen, bakea senidang; api de mino tun luyen bakea de senidang neak pengadilan agamo Yahudi. Api de madeak, ‘Coa blu'at ngen kidek plepne,’ patut nuang moi opoi nerako.

YOHANES 5:29

Ngen tobo'o de menea baik bakea keluea ngen idup igai utuk idup de kekal. Tapi tobo'o de menea kidek bakea idup igai utuk nukum.”

KISAH RASUL-RASUL 21:13

Tapi Paulus jemawab, “Getai udi ngindoi, sehinggo menea ateiku ajua? Kerno uku yo rela iso bae utuk neket, tapi kulo utuk matei neak Yerusalem demi gen Tuhan Yesus.”

IBRANI 10:31

Padeak ngerine amen us moi tangen Allah De Idup!

IBRANI 11:35

Kerno berimen, mako selawei-selawei dapet igai tun-tunne de bi matei, sebab tobo'o nidup igai. Ade kulo de rela senikso sapei matei, ngen temulok utuk bebas, kerno lok nidup igai debuak kehidupan de lebiak baik.

YAKOBUS 4:12

Padahal cuma do de berhok melei hukum ngen manusio, semidang manusio. Adeba Allah de bekuaso semelamat ngen mbinaso. Jijai, api udi, sehinggo udi lok semaleak sesamo manusio?

1 PETRUS 3:14

Tapi kunyau udi harus saro kerno menea hal-hal de baik, udi butung! Jibeakba saben ngen api bae, jibeak khawatir.

WAHYU 2:10

Jibeakba saben te'adep penderitaan de coa an igai harus udi meding. Tinget, Iblis bakea embin kekedau kunei udi masuk lem sel utuk cemubo udi. Udi bakea saro puluak bilai an ne. Lokba udi setia ngen Uku sapei matei, mako Uku bakea melei ngen udi idup sejati ngen kekal sebagai hadiah kemenangan.