MATIUS 10:22 - JANJAI BLAU Lem Bahaso Jang Bebilai

²² Kerno udi penotoa-Ku, tun bakea jengik ngen udi. Tapi tun de tep pecayo ngen Uku sapei akhir, Allah bakea semlamat si.

MATIUS 10:22 ပူးပေါင်းရင်းမြစ်များ

MATIUS 10:39

Tun de kema'en idupne bakea nyep idupne. Tapi tun denyep idup kerno setia ngen Uku bakea dapet idupne.”

MATIUS 24:13

Tapi tun de beta'en sapei akhirne bakea senlamat.

MATIUS 24:9

Sudo'o udi bakea tenakep ngen semreak utuk senikso ngen nunuak. Ngen kute dunio bakea jemngik udi kerno udi penotoa-Ku.

MATIUS 5:11

Allah melei rahmat ngen udi amen tun luyen madeak ko jahat, senikso ngen de pitneak kerno Uku.

MARKUS 13:13

Udi bakea jenngik kute tun kerno gen-Ku. Tapi tun de betaen sapei ade sudone bakea selamat.”

LUKAS 21:17

Udi bakea jenngik kute tun ngen kerno gen-Ku.

LUKAS 21:19

Amen udi tep betaen, udi bakea dapet idupnu.”

LUKAS 6:22

Bahagiaba udi amen jenngik, tenulok, nino ngen fitneah kerno Anok Manusio.

LUKAS 8:15

Biniak de us neak taneak de subur ibarat tun de temi'uk Bito Baik o, lajau maikne neak lem atei de baik ngen jujur. Tobo'o beta'en sapei masea buak.”

YOHANES 17:14

Uku bi melei firman-Nu ngen tobo'o ngen dunio jengik ngen tobo'o, kerno tobo'o iso kunei dunio, serai awei Uku iso kunei dunio.

YOHANES 7:7

Dunio coa dapet jengik ngen udi, tapi si jengik Uku, sebab Uku saksai tetang si bahwo kerjo-kerjone kidek.

KISAH RASUL-RASUL 9:16

Uku suang bakea temunjuk ngensi kute penderitaan de harus si tanggung kerno Uku.”

ROMA 2:7

Allah melei idup kekal ngen tobo'o de taat menea de baik, mesoa kemuliaan, kehormatan ngen de kekal.

2 KORINTUS 4:11

Sebab keme de masiak idup yo, bogoa senreak ngen maut kerno Yesus, supayo kulo idup Yesus jijai nyato neak lem awok keme de coa kekal yo.

GALATIA 6:9

Jibeakba ite bosan menea baik, kerno amen bi sapei waktaune, ite bakea dapet asea, amen ite coa jijai lemah.

IBRANI 3:14

Ite kute adeba kuat seperjuangan ngen Kristus, asal ite sapei akhir tep yakin de ite temuan pado mulone.

IBRANI 6:11

Keme lok nien supayo udi masing-masing terus semangat sapei akhir, sehinggo udi temimo jano de udi ma'ep o.

YAKOBUS 1:12

Riangba tun de sabar pado waktau si cenubo. Sebab sesudo si berasea taen lem cobaan o, si bakea temimo upeakne, adeba idup de sudo jenanjai Allah ngen tun-tun de cito ngen Allah.

1 YOHANES 3:13

Sebab o, saudaro-saudaroku, jibeakba sele amen tun-tun dunio yo jengik ngen udi.

WAHYU 2:10

Jibeakba saben te'adep penderitaan de coa an igai harus udi meding. Tinget, Iblis bakea embin kekedau kunei udi masuk lem sel utuk cemubo udi. Udi bakea saro puluak bilai an ne. Lokba udi setia ngen Uku sapei matei, mako Uku bakea melei ngen udi idup sejati ngen kekal sebagai hadiah kemenangan.

WAHYU 2:17

Api temuan ti'uk, lokba si temi'uk jano de nadeak Roh Allah ngen jemaat-jemaat! Api de menang, bakea Uku melei izin embuk manna de tebunyin, masing-masing bakea temimo kunei Uku debuak butau putiak. Pado butau o tetulis do gen de belau, de coa namen api bae, seluyen tun de temimone.”

WAHYU 2:26

Tobo'o de menang, ngen sapei akhir bogoa menea jano de Uku lok, bakea Uku melei kuaso de serai awei de Uku temimo kunei Bapa-Ku. Tobo'o bakea temimo kuaso kunei Uku utuk meriteak bangso-bangso ngen tokot besai, ngen utuk majua bangso-bangso o awei ko'on kunei pitok.

WAHYU 2:3

Udi tep sabar ngen udi saro kerno Uku, ngen udi coa putus asa.

WAHYU 2:7

Api dapet temi'uk, lokba temi'uk jano de nadeak Roh Allah ngen jemaat-jemaat! Tobo'o de menang, bakea Uku melei izin mbuk bueak kunei pun kehidupan de idup neak surgo.”

WAHYU 3:21

Tobo'o de menang, bakea Uku melei izin temot neak takhta-Ku besamo Uku, serai awei Uku suang bi menang ngen uyo temot besamo Bapa-Ku neak takhta-Ne.