MATIUS 10:17 - JANJAI BLAU Lem Bahaso Jang Bebilai

¹⁷ Bejago-jago sebab udi bakea tenakep lajau senreak ngen pengadilan agamo tun Yahudi. Tobo'o bakea semikso udi neak umeak-umeak semyang tobo'o.

MATIUS 10:17 ပူးပေါင်းရင်းမြစ်များ

MATIUS 10:18

Kerno udi penotoa-Ku, udi bakea mbin ngen penguaso-penguaso ngen rajo-rajo. Ngen pado waktau'oba, ko bakea jijai saksi-Ku utuk tobo'o ngen tun-tun de coa kemnal Allah.

MATIUS 20:19

Tobo'o bakea semreak Si ngen bangso-bangso de coa Yahudi, tobo'o kulo mliyam Si, semikso Si ngen semalib Si. Pado bilai ketelau Si idup igai.”

MATIUS 23:34

Ti'ukba baik-baik: uku bakea mbo ngen ko nebai-nebai, tun-tun pacok ngen gu'au-gu'au, pao kunei tobo'o bakea udi munuak ngen udi semalib. Ade de bakea udi semikso neak lem umeak-umeak semyangnu ngen udi jemalang-jemalang kunei do kota moi kota de luyen.

MATIUS 26:59

Imem-imem ngen pemipin pengadilan agamo mesoa bukti-bukti de coa benea utuk mukum matei Yesus.

MATIUS 5:22

Tapi Uku madeak ngen udi, tiep tun de mengiak ngen tun luyen, bakea senidang; api de mino tun luyen bakea de senidang neak pengadilan agamo Yahudi. Api de madeak, ‘Coa blu'at ngen kidek plepne,’ patut nuang moi opoi nerako.

MARKUS 13:12

Suang pasuak bakea senereak pasuakne utuk nunuak. Awei'o kulo suang tieak teadep anok ne. Anok-anok bakea berutak teadep tun tuaine ngen bakea munuak tobo'o.

MARKUS 13:9

Tapi udi yo, atei-ateiba! Udi bakea senereak ngen majelis agamo ngen udi bakea nokoa neak umeak semyang. Ngen bakea nadep ngen tobo gubernur ngen tobo rajo kerno Uku, sebagoi saksai bagiak tobo'o.

LUKAS 12:11

Amen udi nembin moi umeak-umeak semyang utuk nadea neak adep pemeriteak atau penguaso, jibeakba kuatir tetang awei ipe udi harus mbela dirai atau tetang jano de harus udi madeak.

YOHANES 11:47

Lajau imem-imem kepalo ngen tun-tun Farisi menok Mahkamah Agamo utuk bepkopoa ngen tobo'o madeak, “Jano de arus ite menea? Sebab tun o menea dau mujizat.

YOHANES 16:2

Udi bakea kenucea, bakea teko waktaune bahwo tiep tun de munuak udi bakea sako bahwo si males jaso ngen Allah.

KISAH RASUL-RASUL 17:14

Tapi tun-tun pecayo o meluak Paulus segro berakat moi pantai, tapi Silas ngen Timotius masiak tinggea neak Berea.

KISAH RASUL-RASUL 22:19

Uku jemawab: ‘Tuhan, tobo'o namen bahwo uku bi masuk umeak-umeak semyang utuk makep tobo'o ngen mokoa tun-tun de pecayo ngen-Ko.

KISAH RASUL-RASUL 26:11

Neak lem umeak-umeak semyang uku awit semikso tobo'o ngen makso tobo'o utuk muker kepercayaanne. Kebiak panes ateiku teadep tobo'o sapei uku jemalang tobo'o, bahkan sapei moi kota-kota luyen.”

KISAH RASUL-RASUL 9:2

minoi su'et kuaso utuk nembin moi pemipin-pemipin umeak-umeak semyang tun Yahudi neak Damsyik, supayo amen si temmau neak di tun-tun de pecayo ngen Yesus, si dapet temakep tobo'o lajau mbin tobo'o moi Yerusalem.

FILIFI 3:2

Teateiba te'adep tun-tun de menea hal-hal de kidek, tun-tun de patas senbut ‘kuyuk’. Tobo'o demsok supayo tun-tun senunat.

2 TIMOTIUS 4:15

Ko suang harus teatei te'adepne, sebab si kembiak temtang bito ite.

IBRANI 11:36

Ade de cenimet, cenambuk, neket ngen ratoi ngen de nasuk moi lem penjara.