MATIUS 1:21 - JANJAI BLAU Lem Bahaso Jang Bebilai

²¹ Mariam bakea melaher anok semenei. Ko harus melei genne Yesus, kerno Si bakea semlamat umat-Ne kunei duso-duso tobo'o.”

MATIUS 1:21 ပူးပေါင်းရင်းမြစ်များ

MATIUS 1:25

Tapi Yusuf coa capua ngen Mariam sapei Mariam melaher anok semaneine, Yusuf pek gen-Ne Yesus.

LUKAS 1:13

Tapi malaikat o madeak ngen si, “Jibeak saben, hoi Zakharia, sebab du'onu bi kenabul. Elisabet, ngenyannu, bakea melaher suang anok semanei ngen arusba ko tem gen si Yohanes.

LUKAS 1:31

Sesungguakne ko bakea kemandung ngen bakea melaher suang anok semanei ngen ko temgen Si Yesus.

LUKAS 2:11

Bilai yo bi laher utuk udi juruselamat, adeba Kristus, Tuhan, neak kota Daud.

LUKAS 2:21

Waktau genep lapen bilai, Anok o senunat. Si nelei gen Yesus, gen de senbut malaikat ayok Maria ngandung.

YOHANES 1:29

Bilai menne Yohanes kemliak Yesus teko. Yohanes madeak, “Keliak ba Anok Bebirai Allah de mapus duso dunio.

YOHANES 4:42

Tobo'o madeak ngen selawei'o, “Keme pecayo, tapi iso igai kerno jano de ko nadeak, sebab keme suang bi temi'uk Si ngen keme namen, bahwo Siba benea-benea Juru Selamat dunio.”

KISAH RASUL-RASUL 13:23

Sesuoi ngen de sudo jenanjai-Ne, kunei royotneba Allah bi semdio Juruslamat bagiak tun Israel, adeba Yesus.

KISAH RASUL-RASUL 3:26

Do'o sebabne Allah miliak Hambo-Ne, lajau meluak Si teko ngen udi lebiak dute, supayo Si berkat udi. Ca'one Si berkat adeba ngen menea pasuak-pasuak kute betobat kunei ca'o idupnu de kidek.”

KISAH RASUL-RASUL 4:12

Coa ade keselamatan neak lem api bae kulo seluyen neak lem Si, sebab neak beak lenget yo coa ade gen luyen di nelei ngen manusio de kunei Yesus ite dapet selamat.”

KISAH RASUL-RASUL 5:31

Allah sudo melei ngen Si penan ngen kuaso de lekat awei Pemipin ngen Penyelamat; supayo bangso Israel nelei kesempatan utuk betobat kunei duso-dusone ngen dapet apun.

TITUS 2:14

Si bi melei dirai-Ne bagiak ite utuk mbebas ite kunei kute kejahatan, ngen jemijai ite umat de bebas kunei duso, de jijai de Si temuan bae, serto de rajin menea baik.

IBRANI 7:25

Kerno o utuk selamo-lamone Yesus dapet semlamat tun-tun de teko ngen Allah liwet Si, sebab Si idup selamo-lamone utuk melei permohonan ngen Allah bagiak tun-tun o.

1 YOHANES 1:7

Tapi amen ite idup neak lem teang serai awei Allah ade neak lem te'ang, mako ite idup erat, rukun do ngen de luyenne, ngen daleak Yesus, Anok-Ne, semucai ite kunei kute duso.

1 YOHANES 3:5

Udi namen bahwo Kristus teko utuk mapus duso-duso manusio, ngen neak lem Si coa ade duso.

WAHYU 7:14

“Uku coa namen, Tuan, Tuan suang de namen,” jawab uku. Mako si madeak ngen uku, “Dioba tun-tun de sudo ngen selamat kunei kesusahan de luea biaso. Tobo'o bi mpuk jubah tobo'o ngen meneane jijai putiak ngen daleak Anok Bebirai o.