MARKUS 3:3 - JANJAI BLAU Lem Bahaso Jang Bebilai

³ Nadeak Yesus ngen tun de tangenne matei depeak'o, “Maro, je ba neak donok!”

MARKUS 3:3 ပူးပေါင်းရင်းမြစ်များ

MATIUS 12:10

Neak di ade tun de tangenne lupuak depeak. Kekedau tun de lok mesoa saleak Yesus, betanye ngen-Si, “Jano buliak kema'en tun pado bilai Sabat tun Yahudi?”

MARKUS 3:2

Tobo'o bogoa kemliak Yesus, amen Si kema'en tun'o pado bilai Sabat, supayo tobo'o dapet semaleak-Si.

MARKUS 3:4

Sesudo'o nadeak-Ne ngen tobo'o, “Ipe debuliak pado bilai Sabat? Menea baik jano menea kidek? Semlamat nyabai tun jano de munuak tun?” Tapi tobo'o diem bae.

LUKAS 6:8

Tapi Yesus namen pekeran tobo'o. Mako Si madeak ngen tun de tangenne pakuak o, “Maro je neak muko yo!” Tun o klongon, lajau je neak di.

YOHANES 9:4

Ite arus kemerjo kerjo Si de mutus Uku, selamo masiak kebilai; bakea teko kelemen neak ipe coa ade suang tun de dapet bekerjo.

1 KORINTUS 15:58

Kerno o, Saudaro-saudaro de uku cemito, lokba udi kuet ngen teguak. Kerjoba terus utuk Tuhan ngen bebenea, sebab udi namen bahwo kute de udi kemerjo utuk Tuhan, coa bakea sesio.

GALATIA 6:9

Jibeakba ite bosan menea baik, kerno amen bi sapei waktaune, ite bakea dapet asea, amen ite coa jijai lemah.

FILIFI 1:14

Ngen kerno uku nasuk sel, dau kunei tun-tun Kristen neak kota yo jijai lebiak yakin igai ngen Tuhan, sehinggo tobo'o tambeak binai melei namen pesen Allah.

1 PETRUS 4:1

Kerno Kristus sudo menderita seca'o jasmani, udi kulo harus kemuat dirai ngen pendirian de awei'o. Sebab tun de menderita seca'o awokne, cigai menea duso.