LUKAS 24:38 - JANJAI BLAU Lem Bahaso Jang Bebilai

³⁸ Tapi Si madeak ngen tobo'o, “Getai udi tekanjet ngen jano sebabne timboa reragau neak lem atei udi?

LUKAS 24:38 ပူးပေါင်းရင်းမြစ်များ

MATIUS 16:8

Yesus namen jano de nadeak tobo'o. Jijai Yesus madeak, “Getai udi semoal tetang coa temuan ruti? Udi ku'ang pecayo!

LUKAS 24:37

Tobo'o tekanjet ngen saben sebab tobo'o sako bahwo tobo'o kemliak atau.

LUKAS 24:39

Keliakba tangen-Ku ngen kekea-Ku: Uku suangba dio; naboba Uku ngen keliakba, kerno atau coa ade daging ngen telanne, awei de udi keliak ade pado-Ku.”

IBRANI 4:13

Coa ade do makhluk kulo de coa keten kunei pandangan Allah. Kute sesuaktau tukok neak adep-Ne. Ngen ite harus melei tanggung jawab ngen-Si.