LUKAS 23:35 - JANJAI BLAU Lem Bahaso Jang Bebilai

³⁵ Tun dau je neak di ngen kemliak kutene. Pemipin-pemipin ngupet Si, nadeakne, “Tun luyen Si semlamat, kunyauba uyo Si semlamat dirai-Ne suang, amen Si adeba Mesias, tun de niliak Allah.”

LUKAS 23:35 ပူးပေါင်းရင်းမြစ်များ

MATIUS 12:18

“Keliakba, dioba utusan-Ku de niliak-Ku, Tun de Uku kemasiak ngen de semnang atei-Ku, Uku bakea melei Roh-Ku ngen-Si, Si bakea melei namen bangso-bangso bahwa tobo'o bakea temimo ukuman-Ku de adea.

MATIUS 3:17

Lajau tiukba saei Allah de madeak, “Dioba Anok de Uku kamasiak, Si semnang atei-Ku.”

LUKAS 16:14

Tun-tun Farisi temi'uk kute de nadeak Yesus. Lajau tobo'o temawai-Ne, sebab tobo'o galok caci.

LUKAS 23:13

Pilatus kemopoa imem-imem kepalo ngen pemipin-pemipin serto rakyat,

LUKAS 23:39

Suang kunei penjahat de genatung o mimok Yesus, nadeakne, “Iso Ko adeba Kristus? Senlamatba dirai-Nu ngen keme!”

1 PETRUS 2:4

Kerno o, tekoba ngen Tuhan. Si awei butau de idup, butau de nuang manusio kerno nanggap coa beguno; tapi de niliak Allah sebagai butau de bego.