LUKAS 22:38 - JANJAI BLAU Lem Bahaso Jang Bebilai

³⁸ Nadeak tobo'o, “Tuhan, dio duai pedang.” Jawab-Ne, “Sudo gennep.”

LUKAS 22:38 ပူးပေါင်းရင်းမြစ်များ

MATIUS 26:51

Saleak suang penotoa-Ne de berade neak di ngen Yesus, cemabut pedangne ngen mabeak hamba Imem Lai sapei putus tiukne.

LUKAS 22:36

Nadeak Yesus, “Tapi uyo yo, api de temuan dupet, lokba si mbinne, awei yo kulo de temuan sangau; ngen api de coa temuanne lokba si jemuoa jubahne ngen temukua pedang.

LUKAS 22:49

Ketiko penotoa-penotoa Yesus kemliak jano de bakea tejijai, tobo'o madeak, “Tuhan, keme semrang tobo'o ngen pedang!”

YOHANES 18:36

Jawab Yesus, “Kerajaan-Ku iso kunei dunio yo. Amen Kerajaan-Ku kunei dunio yo, paset pelayan-pelayan-Ku bi melawen, supayo Uku jibeak semreak ngen tun Yahudi. Tapi Kerajaan-Ku iso kunei dunio yo!”

1 TESALONIKA 5:8

Tapi ite, de adeba tun-tun lueng, sebab o pekeran ite harus te'ang. Ite harus tep pecayo ngen Tuhan ngen mengasihi tun-tun luyen serto ma'ep ngen yakin bahwo Allah bakea semlamat ite. Do'oba senatai de melindungi ite lem perjuangan melawen kelem.

1 PETRUS 5:9

Nelawenba si ngen imen de teguak, sebab udi namen bahwo saudaro-saudaro sesamo Kristen luyenne neak kute dunio kulo menderita awei udi.