LUKAS 20:16 - JANJAI BLAU Lem Bahaso Jang Bebilai

¹⁶ Si bakea teko ngen munuak pekerjo-pekerjo o, ngen semreak kebun anggur o ngen tun luyen.” Temi'uk do'o tobo'o madea, “Sekilai-kilai jibeak!”

LUKAS 20:16 ပူးပေါင်းရင်းမြစ်များ

MATIUS 21:34

Waktau sudo sapei musim panen anggur, tun temuan kebun'o kemirim pelayan-pelayanne ngen pekerjo-pekerjo kebun'o utuk temimo bagiakne.

MATIUS 21:41

Tobo'o jemawab, “Sahe si bakea munuak tun-tun jahat'o, lajau semiwo kebun anggur'o ngen tun luyen, ngen lok semreak bagian asea taneak'o ngen si pado waktaune.”

MATIUS 22:7

Waktau rajo temi'uk hal'o mengiak nien rajo, si kemirim tentrane utuk munuak tun-tun de munuak'o ngen mbem kota tobo'o.

MARKUS 12:9

Uyo jano de bakea nea ngen temuan kebun anggur'o? Si bakea teko ngen munuak pekerjo-pekerjo'o, lajau melei kepercayaan kebun'o ngen tun-tun luyen.

LUKAS 19:27

Bakea tapi kute musuakku yo, de coa senang uku jijai rajone, mbinba tobo'o moi miyo ngen nunuakba tobo'o neak adep mataiku!’ ”

LUKAS 20:15

Lajau tobo'o meting si moi luea kebun anggur o ngen munuakne. Uyo jano de bakea nea tuan kebun anggur o ngen tobo'o?

KISAH RASUL-RASUL 13:46

Tapi ngen lebiak binai Paulus ngen Barnabas madeak, “Memang ngen udiba firman Allah harus nelei namen lebiak dute, tapi udi temulokne ngen manggep dirainu coa patas utuk dapet idup de kekal. Kerno'o keme moi ngen bangso-bangso luyen.

ROMA 11:1

Mako uku betanye: Jano mukin Allah bi coa temimo umat-Ne? Coa samo sekilai! Kerno uku su'ang kulo tun Israel, kunei royot Abraham, kunei sukau Benyamin.

ROMA 11:11

Mako uku betanye: Jano tobo'o tatuk ngen harus us? Coa samo sekilai! Tapi kerno pelanggaran tobo'o, keselamatan bi sapei ngen bangso-bangso luyen, supayo menea tobo'o nyebu'au.

ROMA 3:31

Amen awei o, jano kerno ite pecayo ngen Kristus, ite muang hukum agamo Yahudi? Samo sekilai coa! Sebelekne, keme mego hukum o.

ROMA 3:4

Paset bae coa! Sebelekne: Allah adeba benea, ngen kute manusio pendusta, awei ade tetulis: “Supayo Ko ternyato benea lem kute firman-Nu, ngen menang, amen Ko nukum.”

ROMA 3:6

Debat bae coa! Amen awei o, awei ipe Allah dapet mukum dunio?

ROMA 6:15

Jijai awei ipe? Jano ite bakea menea duso, kerno ite coa ade neak beak hukum agamo Yahudi, tapi neak beak kasih karunio? Coa samo sekilai!

ROMA 6:2

Coa samo sekilai! Ite bi matei neak lem duso, awei ipe ite masiak dapet idup neak lemne?

ROMA 7:13

Amen awei o, jano de baik o menea uku matei? Paset bae coa! Tapi supayo nyato, bahwo si adeba duso, mako duso makei de baik utuk menea uku matei, supayo ngen periteak o duso lebiak nyato igai keadaanne sebagai duso.

ROMA 7:7

Amen awei o, jano de lok ite nadeak? Jano hukum agamo Yahudi o duso? Paset bae coa! Sebelekne, justru kerno hukum agamo Yahudi uku bi kemnal duso. Kerno uku kulo coa namen jano do'o kelok, amen hukum agamo Yahudi coa madeak, “Jibeak lok!”

ROMA 9:14

Amen awei o, jano de lok ite madeak? Jano Allah coa adea? Mustahil!

1 KORINTUS 6:15

Saudaro-saudaro namen bahwo awoknu adeba anggota awok Kristus. Jijai, jano buliak uku mok do anggota awok Kristus lajau jenijaine anggota awok suang selawei nakea? Sekilai bae coa!

GALATIA 2:17

Keme berusaho baik igai ngen Allah liwet idup jijai do ngen Kristus. Tapi amen sudo menea de awei o, ternyato keme masiak “tun-tun beduso” kulo awei tun-tun iso Yahudi, jano dio taine bahwo Kristusba de jijai sebab keme beduso? Paset bae coa!

GALATIA 3:21

Jano do'o taine bahwo hukum agamo belawen ngen janjai Allah? Paset bae coa! Sebab amen hukum agamo nelei sebagai suaktau de dapet midup, mako memang kebenaran asalne kunei hukum agamo.

GALATIA 6:14

Tapi uku samo sekilai coa lok ombong tetang jano bae, seluyen tetang Tuhante Yesus Kristus de sudo matei senalib. Sebab justru kerno Si bi matei senalib, mako dunio coa igai ade taine bagiak uku. Ngen teadep dunio yo, uku kulo seolah-olah bi matei.