LUKAS 18:32 - JANJAI BLAU Lem Bahaso Jang Bebilai

³² Sebab Si bakea senreak ngen bangso-bangso de coa kemnal Allah, mimok, mino ngen tenkek.

LUKAS 18:32 ပူးပေါင်းရင်းမြစ်များ

MATIUS 16:21

Muloi kunei saat'o Yesus madeak teteang ngen penotoa-penotoa-Ne, Si mestai lalau moi kota Yerusalem ngen temanggung dau saro kunei pemipin-pemipin, pemipin imem-imem ngen gu'au-gu'au agamo. Si bakea nunuak tapi pado bilai ketelau Si bakea idup igai.

MATIUS 20:19

Tobo'o bakea semreak Si ngen bangso-bangso de coa Yahudi, tobo'o kulo mliyam Si, semikso Si ngen semalib Si. Pado bilai ketelau Si idup igai.”

MATIUS 22:6

ngen de luyen igai temakep pelayan-pelayan rajo'o, lajau mokoa ngen munuak tobo'o.

MATIUS 26:67

Lajau tobo'o temkek papea-Ne, ngen mokoa-Ne. Tun-tun luyen tempok Si.

MATIUS 27:2

Tobo'o meket Si, lajau mbin-Ne ngen semreak-Ne ngen Gubernur Pilatus, walai negrai'o.

MARKUS 14:65

Lajau muloi ba kekedau tun temkek Si ngen temutup papea-Ne ngen teminjau-Si samo madeak ngen Si, “Hoi nebai, cubo teko Ko!” Lajau paro pengawal mokoa Si.

MARKUS 15:1

Kekabuk nien imem-imem kepalo besamo tetuai ngen gu'au-gu'au agamo serto paro anggota Mahkamah Agamo luyenne, made pertemuan. Sesudo'o tobo'o meket Yesus lajau mbin Si ngen semrak Si ngen Pilatus.

LUKAS 18:33

Ngen tobo'o semikso ngen munuak Si, tapi pado bilai ketelau Si bakea idup igai.”

LUKAS 23:1

Lajau je kute tun neak sidang o, ngen Yesus nembin madep Pilatus.

LUKAS 23:11

Herodes ngen anggota-anggota tentrane meliam ngen mimok Yesus, lajau Herodes mpek bajau kebesaran ngen Yesus. Sesudo'o kemirim Yesus ngen Pilatus.

LUKAS 23:35

Tun dau je neak di ngen kemliak kutene. Pemipin-pemipin ngupet Si, nadeakne, “Tun luyen Si semlamat, kunyauba uyo Si semlamat dirai-Ne suang, amen Si adeba Mesias, tun de niliak Allah.”

YOHANES 18:22

Waktau Si madeak hal o, suang penjago de je neak di, tempok papea-Ne samo madeak, “Awei'o jawab-Nu ngen Imem Lai?”

YOHANES 18:28

Sesudo'o, tobo'o mbin Yesus kunei Kayafas moi istana gubernur. Waktau'o bilai masiak pueng. Tobo'o suang coa masuk moi istana gubernur'o, supayo jibeak jijai najis, sebab tobo'o lok mbuk Paskah.

YOHANES 18:30

Jawab tobo'o ngen Si, “Amen Si suang penjahat, keme coa semreakne ngen udi!”

YOHANES 18:32

Awei yo ba kelokne supayo tejijai firman Yesus, de nadeakne utuk madeak awei ipe ca'one Si bakea matei.)

YOHANES 18:35

Nadeak Pilatus, “Jano uku suang Yahudi? Bangso-Nu suang ngen imem-imem kepalo de sudo semreak Ko ngen uku, jano de sudo Ko menea?”

KISAH RASUL-RASUL 2:23

Si de senreak Allah temurut maksud ngen rencano-Ne, sudo ko semalib ngen ko munuak liwet tangen bangso-bangso durhako.

KISAH RASUL-RASUL 3:13

Allah Abraham, Ishak ngen Yakub, Allah ninik puyang ite bi mulio Hamba-Ne, adeba Yesus de udi senreak ngen tulok neak adep Pilatus, kunyau Pilatus mutus utuk melpas Si.