LUKAS 14:21 - JANJAI BLAU Lem Bahaso Jang Bebilai

²¹ Mako belekba pelayan o ngen semapei kutene o ngen tuanne. Lajau mengiakba tuan umeak o ngen madeak ngen pelayanne, ‘Lalauba ngen segro moi kute dalen ngen gang kota ngen mbinba moi miyo tun-tun cacet ngen tun-tun sutai ngen tun-tun pakuak.’

LUKAS 14:21 ပူးပေါင်းရင်းမြစ်များ

MATIUS 11:28

Tekoba ngen Uku kute de litok ngen meding benekne ban; Uku bakea semgar udi.

MATIUS 11:5

Tun buto kemliak, tun pakuak paneu, tun de temuan olon babok de kembiak saben ite kemliakne ka'en; tun setiuk temi'uk, tun matei idup igai, ngen Bito Baik kunei Allah senapei ngen tun peset.

MATIUS 15:12

Lajau tekoba penotoa Yesus teko ngen betanye ngen-Si, “Namen coa Bak kerno tun-tun Farisi'o gis atei waktau temi'uk Bak nadeak awei'o?”

MATIUS 18:31

Tiko pegawai rajo de luyen kemliak jano de tejijai, tobo'o kembiak selen lajau semapei kutene ngen rajo.

MATIUS 20:7

Tun-tun'o jemawab, ‘Coa ade tun de melei upeak keme utuk kerjo.’ ‘Amen awei'o,’ nadeak de temuan kebun'o, ‘lalauba udi kerjo neak kebunku.’

LUKAS 14:13

Jijai, amen udi made pesta, nundangba tun peset, tun cacet, tun pakuak, ngen tun sutai.

LUKAS 14:20

De luyen igai madeak, ‘Uku tembei nikeak, kerno o uku coa dapet teko.’

LUKAS 14:22

Sesudo'o pelayan madeak, ‘Tuan, periteak Tuan sudo naneu, tapi penan masiak dau.’

LUKAS 14:24

Sebab Uku madeak ngen udi, ‘Coa ade suang kulo kunei tun-tun de bi nundang o bakea menikmat kembuk pesta uku yo!’ ”

LUKAS 24:47

Ngen igai: Lem gen-Mesias bito tetang betobat ngen ngapun duso arus senapei ngen kute bangso, muloi kunei Yerusalem.

LUKAS 9:10

Rasul-rasul Yesus belek ngen cemrito ngen Yesus kute de tobo'o sudo menea. Yesus majok tobo'o, lajau lalau besamo tobo'o nyikir moi kota Betsaida.

YOHANES 9:39

Lajau padeak Yesus, “Uku teko moi lem dunio utuk mukum, supayo tun sutai dapet ngeliak, ngen tun de ngeliak jijai sutai.”

IBRANI 13:17

Totoaba periteak pemipin-pemipinnu, hormatba ngen tobo'o. Sebab tobo'o bogoa kemliak jiwonu, tobo'o harus betanggung jawab ngen Allah. Amen udi taat ngen tobo'o, tobo'o dapet kerjo ngen senang atei; amen coa, mako tobo'o bakea kerjo ngen atei ibo, do'o coa mbin utung utuk udi.

IBRANI 2:3

Jano igai ngen keselamatan de lebiak lai kunei pesen-pesen o! Amen ite coa melei perhatian teadep keselamatan o, paset ite coa bakea bebas kunei hukuman. Sebab Tuhan suangba de pertamo sekilai melei namen keselamatan o, tun-tun de dute temi'ukne bi melei bukti kebenaranne ngen ite.

YAKOBUS 2:5

Ingetba, Saudaro-saudaro de tecito! Tun de peset neak dunio yo, niliak Allah utuk jijai tun de kayo lem imen. Tun-tun o bakea jijai anggota umat Allah awei de jenanjai Allah ngen tun de mengasihi-Ne.

WAHYU 19:15

Kunei bibia-Ne keluea debuak pedang de tajem ngen pedang o Si bakea maleak bangsa-bangsa, ngen Si bakea meriteak tobo'o ngen tokot besai. Si bakea miyuak anggur neak lem alat utuk miyuak anggur murka Allah De Mahakuaso.

WAHYU 22:17

Roh Allah ngen Pengaten Selawei madeak, “Maroba!” Tiep tun de temi'uk dio harus kulo madeak, “Maroba!” Api de haus, lokba si teko! Ngen api de kemlok, lokba si mok bioa de melei kehidupan o ngen cuma-cuma.