LUKAS 1:32 - JANJAI BLAU Lem Bahaso Jang Bebilai

³² Si bakea jijai lai ngen bakea senbut Anok Allah De Kembiak lekat. Tuhan Allah bakea jemijai Si rajo awei Rajo Daud, ninik puyang-Ne.

LUKAS 1:32 ပူးပေါင်းရင်းမြစ်များ

MATIUS 1:1

Dioba tembo Yesus Kristus, turunan Daud, turunan Abraham. Kunei Abraham sapei Daud, gen-gen tembo Yesus Kristus adeba:

MATIUS 12:42

Pado Bilai Kiamat, ratu kunei negrai Selatan bakea idup igai kunei mateine besamo tun-tun zaman yo ngen temuduak tobo'o. Sebab utuk temi'uk ajaran Salomo de pitok, ratu'o menea pemaneu de uak sekilai kunei ujung bumai. Tapi neak yo uyo lebiak lai kunei pado Salomo!”

MATIUS 28:18

Yesus maok tobo'o ngen madeak, “Kute kuaso neak surgo ngen neak bumai sudo senreak ngen Uku.

MATIUS 3:11

Uku membaptis udi ngen bio'a betando udi bi tobat kunei duso-duso, tapi Si de bakea teko sesudo uku, bakea membaptis Udi ngen opoi ngen Roh Sucai kunei Allah. Si lebiak bekuaso kunei uku. Utuk mbin sepatu-Ne bae uku coa patas.

MARKUS 14:61

Tapi Si tep diem ngen coa jenawab jano-jano. Imem Lai'o betanye igai ngen-Si, “Ko jano Rajo Penyelamat, Anok kunei De Terpujai?”

MARKUS 5:7

Ngen lek si menggang, “Jano urusannu ngen uku, hoi Yesus, Anok Allah gi maho lekat? Demi Allah, jibeak sikso uku!”

LUKAS 1:15

Sebab si bakea lai neak adep Tuhan ngen si coa bakea menem anggur-anggur ngen menem de luyen ngen si bakea penuak ngen Roh Sucai ayok kunei kandungan makne ngen.

LUKAS 1:35

Jawab malaikat o ngen si, “Roh Sucai bakea tu'un das ko ngen kuaso Allah De Kembiak lekat bakea melindung ko; sebab o anok de bakea ko melaher o bakea senbut Sucai, Anok Allah.

LUKAS 1:76

Ngen ko, hoi anokku, bakea senbut nebai Allah De Kembiak Lekat. Kerno ko bakea paneu demno Tuhan utuk semiap dalen utuk Si,

LUKAS 3:16

Do'o sebabne Yohanes madeak ngen tobo'o kute, “Uku baptis ko ngen bioa, tapi konyo bakea teko Tun de lebiak lai kunei uku. Mukok tilai sepatu-Ne kulo uku coa patut. Si bakea baptis ko ngen Roh Allah ngen opoi.

LUKAS 6:35

Seharusne iso awei'o! Udi sebelekne harus mengasiak musuaknu ngen menea baik ngen tobo'o. Udi harus melei minjem, ngen jibeak ma'ep dapet melek. Amen awei yo, upeaknu bakea lai ngen udi bakea jijai anok-anok Allah De Kembiak lekat. Sebab Allah baik atei te'adep tun de coa namen mokasiak, ngen te'adep de kidek kulo.

YOHANES 12:34

Lajau jawab tun dau o, “Keme bi temi'uk kunei ukum agamo Yahudi bahwo Rajo Penyelamat tep idup seke'anne. Awei ipe mukin Ko madeak bahwo Anok Manusio arus nelkat? Api Anok Manusio o?”

YOHANES 6:69

Ngen keme bi pecayo ngen namen bahwo Ko ba de sucai kunei Allah.”

KISAH RASUL-RASUL 16:17

Si temotoa Paulus ngen keme kunei belakang samo menggang, “Tun-tun yo hambo Allah De Maha Lekat. Tobo'o melei namen ngenko dalen keselamatan.”

KISAH RASUL-RASUL 2:30

Tapi si adeba suang nebai ngen si namen, bahwo Allah bi janjai ngen si ngen supeak bahwo saleak suang kunei royot Daud suang neak das takhtane.

KISAH RASUL-RASUL 2:36

Do'o sebabne kute tun Israel arus namen nien bahwo Yesus de udi senalib o, Yesus do'oba kulo de sudo jenanjai Allah jijai Tuhan ngen Rajo Penyelamat!”

KISAH RASUL-RASUL 7:48

Tapi Allah De Maha Lekat coa tinggea neak lem umeak de nea manusio; sebab neak lem kiteb nebai tetulis awei yo,

ROMA 1:4

tapi seca'o ilahi ternyato adeba Anok Allah. Do'o tebukti ngen kuaso de luea biaso liwet idup-Ne igai kunei matei.

WAHYU 3:7

“Ngen malaikat jemaat neak Filadelfia, tulisba awei yo: Dioba pesen kunei Si de sucai ngen sejati. Siba de megong kucai Daud; amen Si mukok, coa suang kulo dapet kematupne, ngen amen Si kematupne, coa suang kulo dapet mukokne.