KOLOSE 4:8 - JANJAI BLAU Lem Bahaso Jang Bebilai

⁸ Uku mutus si ngen udi ngen alasan supayo udi namen keadaan keme ngen udi terhibur.

KOLOSE 4:8 ပူးပေါင်းရင်းမြစ်များ

1 KORINTUS 4:17

Utuk o uku bi mutus Timotius ngen ko. Sebagai penotoa Kristus, si serai awei anokku suang de uku sayang. Si anok de dapet uku pecayo. Be si bakea minget udi tetang ca'o idup de uku totoa sesudo pecayo ngen Kristus, adeba ca'o idup de uku majea neak tiep jemaat neak ipe bae.

2 KORINTUS 1:4

Si mibur keme lem kute derito keme, sehinggo keme sanggup mibur tobo'o de ade lem memecem derito.

2 KORINTUS 12:18

Uku bi meluak Titus lalau magea udi, ngen uku meluak saudaro do imen de luyen o lalau besamo-samo ngen si. Jano Titus mok utung kunei udi? Tapi keme beduai kerjo ngen tujuan de serai ngen betindok ngen ca'o-ca'o de serai.

2 KORINTUS 2:7

Uyo udi harus mapun si ngen melei semangat igai ngen si supayo si jibeak terlalu sedih sapei putus asa.

EFESUS 6:22

Do'oba sebabne uku mutus si ngen udi utuk melei namen keadaan keme ngen udi kutene, supayo si mibur ateinu.

FILIFI 2:28

Do'o sebabne tambeak lai kulo kelokku utuk meluak si belek igai ngen udi, supayo udi riang igai amen udi temau ngen si, ngen atei uku kulo jijai tenang.

KOLOSE 2:2

Kutene yo uku menea supayo atei tobo'o jijai kuet ngen tobo'o sesamo mengasihi sehinggo tobo'o kuet bersatu. Ngen awei o tobo'o sungguak-sungguak ngertai ngen yakin serto namen resio Allah, adeba Kristus.

1 TESALONIKA 2:11

Udi namen bahwo keme manggap udi awei suang bapok te'adep anok-anokne.

1 TESALONIKA 3:2

Lajau keme mbo Timotius, Saudaro do imen te. Si suang pelayan Allah de kerjo besamo keme utuk melei namen Bito Baik tetang Kristus. Keme mutus Timotius ngen udi supayo si kemuet udi ngen ndukung udi utuk lebiak pecayo igai ngen Kristus.

1 TESALONIKA 3:5

Do'oba sebabne uku mutus Timotius, kerno uku lok nien namen awei ipe imennu lem hal pecayo ngen Kristus. Uku khawatir Iblis berasea menggoda udi sehinggo kute jerih payeak keme coa sio-sio.

1 TESALONIKA 4:18

Kerno o, lokba udi samo-samo kemuet atei ngen kecek-kecek yo.

1 TESALONIKA 5:11

Kerno'o, lokba udi tep samo-samo ndukung ngen samo-samo melei semangat, serai de udi gidong menea uyo.

1 TESALONIKA 5:14

Keme minoi kulo, Saudaro-saudaro, tena'okba bebaik tun de coa lok kerjo, hiburba atei tobo'o de saben, tulungba tun de perlu tenulung ngen sabarba te'adep kute tun.