KOLOSE 4:2 - JANJAI BLAU Lem Bahaso Jang Bebilai

² Lokba udi taat bedu'o ngen siap siaga, samo mucep syukur ngen Allah.

KOLOSE 4:2 ပူးပေါင်းရင်းမြစ်များ

MATIUS 26:41

Bejago-jagoba, ngen beduoba ngen Allah, supayo udi coa bakea tegoda. Rohnu lok taat, tapi udi coa sanggup kerno sifet manusio'o lemah.”

MARKUS 13:33

Atei-ateiba ngen bejago-jagoba! Sebab udi coa namen tengen waktaune sapei.

LUKAS 18:1

Yesus madeak do perumpamo ngen tobo penotoa-penotoane utuk temgas, bahwo tobo'o harus bogoa bedu'o ngen coa jejemau.

LUKAS 21:36

Bejago-jagoba, ngen bedu'oba bogoa supayo udi kuet matasi kute hal de bakea tejijai ngen udi dapet madep Anok Manusio.”

KISAH RASUL-RASUL 1:14

Tobo'o kutene tekun ngen do atei lem du'o sesamo. Kekedau selawei serto Maria, indok Yesus ngen pasuak Yesus bedu'o sesamo tobo'o.

ROMA 12:12

Riangba lem pengharapan, sabarba lem saro, ngen tekunba lem du'o!

EFESUS 6:18

Neaba kutene o samo bedu'o utuk minoi tulung ngen Allah, bedu'oba tiep waktau neak lem Roh Allah. Lokba udi bogoa siap ngen jibeak nyereak. Bedu'oba utuk kute umat Allah.

FILIFI 4:6

Jibeakba kuatir tetang jano bae. Lem kute hal, bedu'oba ngen minoiba ngen Allah. Jano de udi perlu, melei namenba do'o ngen Allah ngen mucep mokasiak.

KOLOSE 1:9

Do'oba sebabne keme bogoa bedu'o utuk udi sejok keme temi'uk tetang udi. Keme minoi ngen Allah supayo Roh Allah melei ngen udi kebijaksanaan ngen pengertian sehinggo udi namen ngen sempurno jano kelok Allah.

KOLOSE 2:7

Lokba udi idup neak lem Si ngen tegok neak das Si. Lokba udi tambeak pecayo ngen Kristus, temurut jano de sudo najea ngen ko. Ngen lokba ateinu penuak ngen ucapan mokasiak.

KOLOSE 3:15

Lokba damoi sejahtera Kristus meriteak lem ateinu, kerno utuk do'oba udi bi nok lem do awok. Ngen bersyukurba.

KOLOSE 3:17

Kute jano de udi nea ngen nadeak, harusba do'o nea ngen nadeak das gen Tuhan Yesus. Bersyukurba ngen Allah Bapa utuk jano de nea Yesus utuk nu.

KOLOSE 4:12

Salam kunei Epafras. Si kulo kunei antaro udi. Si hamba Kristus Yesus, de bogoa tekun bedu'o utuk udi. Si minoi nien ngen Allah supayo keyakinan udi jijai kuet ngen udi benea-benea dewasa, kunyau udi jijai sempurno taat ngen kelok Allah.

1 PETRUS 4:7

Kute sesuaktau sudo pa'ok kesudahanne, sebab o lokba udi kemuaso dirai ngen waspada, supayo udi dapet bedu'o.