KOLOSE 3:8 - JANJAI BLAU Lem Bahaso Jang Bebilai

⁸ Tapi uyo lokba udi muang hal-hal de kidek kunei diraine: jibeak igai mengiak, ngamuk, atau temuan asai jengik te'adep tun luyen. Jibeak debat bae keluea kunei bibianu fitneak atau kecek de kidek.

KOLOSE 3:8 ပူးပေါင်းရင်းမြစ်များ

MATIUS 5:22

Tapi Uku madeak ngen udi, tiep tun de mengiak ngen tun luyen, bakea senidang; api de mino tun luyen bakea de senidang neak pengadilan agamo Yahudi. Api de madeak, ‘Coa blu'at ngen kidek plepne,’ patut nuang moi opoi nerako.

MARKUS 7:22

Perzinahan, tamak, kajahatan, licik, ngike, coa sopan, iri atei, ombong, saro najea.

ROMA 13:13

Maroba ite idup ngen sopan, awei tengeak bilai, jibeak lem pesta pora ngen mabuk, jibeak lem percabulan ngen hawa nafsu, jibeak lem selisiak ngen kidek atei.

1 KORINTUS 3:3

kerno udi masiak manusio duniawi. Sebab amen udi masiak iri atei, selisiak do ngen de luyen, do'o kemten bahwo udi masiak idup temurut manusio duniawi, awei tun-tun de coa kemnal Allah.

2 KORINTUS 12:20

Uku khawatir bahwo pado waktau uku mulau udi be, uku kemliak udi coa awei jano de uku lok, ngen udi kulo bakea kemliak uku coa awei de udi lok. Jibeak sapei be ade de tekea, iri atei, panes atei, mementingkan dirai suang, fitneak, majung, ombong ngen kemacau.

GALATIA 5:15

Tapi amen udi saling nget ngen saling temlen, awas, be udi samo-samo ajua.

GALATIA 5:20

nyembeak patung, selisiak, iri atei, gacang mengiak, peting ngen dirai suang, musuak, perpecahan,

GALATIA 5:26

ngen jibeakba ombong, jibeakba ite saling belawen ngen iri atei.

EFESUS 4:22

Sebab o tenanggeaba manusio an ngen pola idup an de gidong nusak ngen kelok-kelokne de seset.

EFESUS 4:25

Kerno o, saudaro-saudaro kutene, jibeak igai mike. Jujurba ngen tun luyen, sebab ite kute adeba samo-samo anggota awok Kristus.

EFESUS 4:26

Amen udi ramah, jibeakba udi menea duso, jibeakba bogoa mengiak tiep bilai,

EFESUS 4:29

Jibeakba ade kecek de coa baik keluea kunei bibianu, tapi pakeiba kecek de baik utuk mbimbing ngen mulung tun luyen. Kecek-kecek awei o bakea jijai kebaikan ngen tun-tun de temi'ukne.

EFESUS 5:4

Awei o kulo kecek de coa baik, de kosong atau basing bae – kerno hal-hal o coa patas – tapi sebelekne mucepba syukur.

KOLOSE 3:5

Kerno'o, nuangba lem dirainu kute sesuaktau de duniawi, awei percabulan, hal-hal de coa baik, hawa nafsu, kelok de kidek (serakah, de serai ngen nyembeak patung).

KOLOSE 3:9

Jibeak mike do ngen de luyenne, sebab idup de an ngen kute sifetne bi udi nuang.

1 TIMOTIUS 1:13

Kunyau bel'o uku fitneak ngen semikso serto mino Si. Tapi Allah mengasihi uku, kerno pado waktau o uku ati pecayo, jijai uku coa namen jano de uku nea.

1 TIMOTIUS 1:20

Neak antarone adeba Himeneus ngen Aleksander. Keduai tun o bi uku mukum ngen semreakne ngen Iblis, supayo tobo'o belajea utuk je'o mino Allah.

IBRANI 12:1

Nah, tetang ite suang, neak skliling te ade dau sekilai saksai! Sebab o, maroba ite muang kute de jijai beban ite ngen duso de terus melket ngen ite. Maroba ite ngen tekun temotoa perlombaan de ade neak adep te.

YAKOBUS 2:7

Tobo'oba de mino gen de mulio de udi temimo kunei Allah!

1 PETRUS 2:1

Kerno o, nuangba kunei dirainu kute de jahat; jibeak igai mike, jibeak pura-pura. Jibeak iri atei, jibeak mino tun luyen.

2 PETRUS 2:18

Tobo'o menea pernyataan-pernyataan de ba'es-ba'es ngen kosong; nafsu de cabul nakei tobo'o utuk semset tun-tun de tembei bae muloi bebas kunei lingkungan tun de idup seset.

2 PETRUS 2:7

Tapi Lot senlamat, kerno si temurut kelok Allah; si kembiak saro kerno plep de coa benea kunei tun-tun jahat.

YUDAS 1:13

Serai awei ombak lai neak laut menimbulkan ukuak, awei o kulo tobo'o mukuak plep-plep kidek. Tobo'o adeba awei bitang-bitang de sudo Allah seniap penanne neak lem kegelapan utuk selamo-lamone.

YUDAS 1:8

Awei o kulo tun-tun o berhayal sapei tobo'o menea duso teadep awok tobo'o suang. Tobo'o manggap rendeak kuaso Allah ngen mino makhluk-makhluk de mulio neak surgo.

WAHYU 16:9

Manusio nembem ngen panes opoi de kembiak panes, ngen tobo'o nyupeak Allah, de bekuaso das bencano-bencano o. Kunyau awei o, tobo'o coa lok tobat kunei duso-duso tobo'o ngen coa lok mujai kebesaran Allah.