KOLOSE 3:5 - JANJAI BLAU Lem Bahaso Jang Bebilai

⁵ Kerno'o, nuangba lem dirainu kute sesuaktau de duniawi, awei percabulan, hal-hal de coa baik, hawa nafsu, kelok de kidek (serakah, de serai ngen nyembeak patung).

KOLOSE 3:5 ပူးပေါင်းရင်းမြစ်များ

MATIUS 15:19

Kerno kunei atei timboaba pekeran de kidek, ngen lok munuak, menea uleak ngen ngenyan tun, menea uleak kidek, maling, mengike tetang tun luyen ngen fitneak.

ROMA 1:26

Kerno manusio menea de awei yo, mako Allah munyau tobo'o temurut nafsu tobo'o de hino. Selawei-selawei tobo'o coa lok igai ngen semanei-semanei awei de lazimne pado manusio.

ROMA 1:29

Atei tobo'o penuak ngen kute de kidek, serakah, kidek atei, munuak, belago, ngike dendem. Tobo'o galok madeak tun luyen,

ROMA 6:13

Ngen jibeakba udi semreak anggota-anggota awoknu ngen duso utuk nakei sebagai senatai kelaliman, tapi senreakba dirainu ngen Allah sebagai tun-tun, de bel'o matei, tapi de uyo idup. Ngen senreakba anggota-anggota awoknu ngen Allah utuk jijai senatai-senatai kebenaran.

ROMA 6:6

Kerno ite namen, manusio an ite bi senalib kulo, supayo awok duso ite nyep kuasone, kunyau ite coa tunduk igai ngen duso.

ROMA 7:23

tapi neak lem anggota-anggota awok ku uku kemliak hukum luyen de berjuang melawen hukum akal budiku ngen menea uku jijai tawanan hukum duso de ade neak lem anggota-anggota awokku.

ROMA 7:5

Sebab waktau ite masiak idup temurut sifet-sifet manusio de ade kerno hukum agamo Yahudi, kerjo lem anggota-anggota awok ite, kunyau ite melei asea utuk maut.

ROMA 8:13

Sebab, amen udi idup temurut tabi'at manusio, udi bakea matei; tapi amen ngen Roh udi munuak plep-plep awoknu, udi bakea idup.

1 KORINTUS 5:1

Sebeneane uku bi temimo laporan bahwo neak antaronu ade perbuatan-perbuatan kidek de keliwet. Ade kunei antaro Saudaro de nga'em ngen indok tirine. Tun-tun de coa kemnal Allah kulo coa menea awei o!

1 KORINTUS 6:11

Kekedau tun neak antaro Saudaro memang aweiyo kileak. Tapi Saudaro bi melei dirainu senucai, Saudaro bi senucai, Saudaro bi jijai bnea neak lem gen Tuhan Yesus Kristus kulo lem Roh Allah ite.

1 KORINTUS 6:13

Ade kulo de madeak bahwo kembuk adeba utuk tenei, tenei seniap utuk kembuk. Tapi keduaine bakea nlenyep Allah. Awok manusio coa buliak nakei utuk menea hubungan de coa baik, tapi cuma utuk melayan Tuhan. Ngen Tuhan bakea miaro awok o.

1 KORINTUS 6:18

Neuakba perbuatan-perbuatan de kidek. Sebab kute duso luyen de nea tun, tejijai neak luea awok tun o. Tapi tun de menea perbuatan kidek, taine menea duso te'adep awokne suang.

2 KORINTUS 12:21

Uku khawatir bahwo amen uku teko igai, Allahku bakea merendeak uku neak adep udi ngen uku duko das dau tun de bel'o menea duso ngen ati tobat kunei de kotor, cabul, ngen hal-hal de kidek de tobo'o nea.

GALATIA 5:24

Api bae de sudo jijai de Kristus Yesus temuan, si bi munuak plep manusione ngen kute hawo nafsu ngen kelokne.

EFESUS 4:19

Tobo'o bi coa temuan selek igai, sehinggo tobo'o temotoa kute hawo nafsu, serakah menea kute plep kidek.

KOLOSE 2:11

Kerno jijai do ngen Kristus, udi bi senunat, iso sunat de nea manusio, meluyen ngen sunat de nea Kristus, de mbebas udi kunei duso.

1 TESALONIKA 4:3

Dioba kelok Allah: supayo udi idup cuma utuk Si, sucai, me'uak kute plep kidek.

1 TESALONIKA 4:5

Jibeak idup temotoa kelok hawa nafsu te'adep ngenyannu, awei de nea tun-tun de coa kemnal Allah.

1 TIMOTIUS 6:10

Kerno bogoa meker caci, timboa kute mecem kejahatan. Ade pa'o tun mesoa caci sehinggo bi coa temurut igai ajaran Kristen, lajau tobo'o keno dau penderitaan de majua atei tobo'o.

IBRANI 12:16

Jagoba supayo jibeak ade de idup cabul atau coa mego hal-hal rohani, awei de nea Esau. Si jemua hokne sebagai anok tuai, cuma utuk do makuk kembuk.

IBRANI 13:4

Kute tun harus kemten sikep hormat teadep perkawinan, do'o sebabne lokba maten-ngenyan setia do ngen de luyen. Tun de cabul ngen tun de berzinah bakea nhukum Allah.

IBRANI 13:5

Jibeakba idupnu kenuaso caci, tapi lokba udi pues ngen jano de ade. Sebab Allah bi madeak, “Uku coa bakea munyau atau bakea teminggea ko.”

YAKOBUS 4:1

Kunei ipe asalne kute selisiak ngen tekea neak antaro udi? Jano do'o asalne iso kunei kelok-kelok udi de terus bae perang neak lem dirainu utuk dapet kesenangan dunio!

1 PETRUS 2:11

Saudaro-saudaro de tecito! Udi adeba tun asing ngen perantau neak dunio yo. Kerno o uku minoi nien supayo udi jibeak temotoa hawa nafsu manusio de bogoa perang melawen jiwo.

WAHYU 21:8

Tapi tun-tun penyaben, tun-tun de coa pecayo, tun-tun keji, pembunuh, tun-tun zina, penyihir, tun de nyembeak patung ngen kute pendusta, bakea nuang moi lem lautan opoi ngen bli'ang de lai, adeba kematian de keduai.”

WAHYU 22:15

Tapi tun-tun de menea hal-hal de keji, de makei lemau-lemau gaib, tun-tun de menea plep-plep kidek, de munuak, de nyembeak patung, ngen tun-tun de ngike, baik ngen kecek-kecek atau ngen plep, kute tun o penanne neak luea kota o.