KOLOSE 3:4 - JANJAI BLAU Lem Bahaso Jang Bebilai

⁴ Nah, sumber idupnu de sejati adeba Kristus ngen amen Si keten be udi kulo bakea keten besamo-samo ngen Si lem kebesaran-Ne!

KOLOSE 3:4 ပူးပေါင်းရင်းမြစ်များ

MATIUS 13:43

Ngen tun-tun de menea kelok Allah bakea besinea awei matai bilai neak lem Dunio Belau Allah, Bak tobo'o. Jijai amen temuan tiuk, tiukba!”

LUKAS 17:30

Awei'oba halne keadaan pado bilai konyo, neak ipe Anok Manusio kemten dirai-Ne.

YOHANES 11:25

Jawab Yesus, “Uku ba de melei idup ngen midup igai tun matei. Api bae de pecayo ngen Uku, si bakea idup kunyau si bi matei.

YOHANES 14:3

Amen Uku lalau moi di ngen bi semiyap penan utuknu. Uku bakea teko igai mbin udi moi penan-Ku, supayo neak penan Uku ade, udi kulo ade.

YOHANES 14:6

Nadeak Yesus ngen Si, “Uku ba dalen utuk kemnal Allah ngen dapet idup. Coa ade suang de teko ngen Bak, amen coa liwet Uku.

YOHANES 17:24

Au Bapa, Uku lok supayo, neak ipe bae Uku ade, tobo'o kulo ade sesamo ngen Uku, tobo'o de sudo Ko melei ngen-Ku, supayo tobo'o kemliak kemulio-Ku de sudo Ko melei ngen-Ku, sebab Ko bi mengasiak Uku ayok dunio jenijai.

YOHANES 20:31

Tapi hal-hal yo bi cenatet, supayo udi pecayo bahwo Yesusba Rajo Penyelamat, Anok Allah, ngen supayo kerno pecayo, udi dapet idup lem gen-Ne.

KISAH RASUL-RASUL 3:15

Udi bi munuak perintis kehidupan, tapi Allah bi midup igai Si kunei antaro tun matei, ngen tetang hal o keme adeba saksai.

ROMA 8:18

Sebab uku yakin, bahwo saro zaman uyo yo coa dapet nebanding ngen kemuliaan de bakea nelei ngen ite.

ROMA 8:19

Sebab ngen kembiak indau kute makhluk mbot waktaune anok-anok Allah kenten.

1 KORINTUS 1:7

sehinggo udi coa ku'ang jejano lem karunio jano bae sementaro udi mbot Tuhante Yesus Kristus teko ngen kenliak kute tun.

1 KORINTUS 15:43

Pado waktau awok o kenubua, awok o usak ngen luyek; tapi pado waktau si nidup igai, si adeba awok de baes ngen kuet.

2 KORINTUS 4:17

Sebab penderitaan de coa sebrapo yo, bakea mbin asea bagiak keme kemulioan kekal de lebiak kunei kute-kutene, uak lebiak lai kunei pado penderitaan keme.

GALATIA 2:20

Uyo iso igai uku de idup, tapi Kristus de idup lem dirai uku. Idup de uyo uku maneu seca'o jasmani adeba idup ngen imen lem Anok Allah de sudo mengasihi uku ngen semreak dirai-Ne utuk uku.

FILIFI 3:21

Awokte de lemah ngen dapet ajua yo, Kristus bakea mubeak jijai awei awok-Ne suang de mulio. Si dapet menea o kerno Si temuan kuaso utuk maleak kute sesuaktau.

1 TESALONIKA 4:17

Sesudo'o, ite de masiak idup pado waktau o bakea besamo-samo naket ngen tobo'o lem embun-embun utuk temau ngen Tuhan neak udaro. Lajau ite bakea tinggea ngen Tuhan selamone.

1 TIMOTIUS 6:14

Taatba ngen kute periteak o seca'o murni ngen baik sapei pado bilai Tuhan te Yesus Kristus teko igai.

2 TIMOTIUS 1:1

Timotius, anokku de uku semayang! Uku, Paulus, temulis su'et yo ngen ko, ma'ep Allah Bapa ngen Tuhan te Kristus Yesus melei berkat, rahmat, sejahtera ngenko. Das kelok Allah uku naket jijai rasul Kristus Yesus, nutus utuk melei namen tetang idup de jenanjai Allah. Idup o ite temimo kerno jijai do ngen Kristus Yesus.

2 TIMOTIUS 4:8

Uyo bi seniap utuk uku kemenangan. Pado Bilai Kiamat, Tuhan, Hakim de adea o bakea semreak hadiah o ngen uku, kerno uku idup baik ngen Allah. Ngen iso uku bae de bakea temimo hadiah o, tapi kulo tun de kembiak indau mbot tekone Tuhan.

TITUS 2:13

Uyo ite gidong mbot Bilai de ite ma'ep o; pado Bilai o dunio bakea kemliak keagungan Yesus Kristus, adeba Allah Mahabesar ngen Rajo Penyelamat ite.

IBRANI 9:28

Awei o kulo Kristus debat bae senreak sebagai kurban utuk mapus duso tun dau. Si bakea teko igai keduai kilaine, iso utuk semlesei persoalan duso, tapi utuk semlamat tun-tun de mbot Si.

1 PETRUS 1:13

Sebab o lokba udi siap. Teateiba ngen maʼepba sepenuakne pado berkat de bakea nelei ngen udi pado waktau Yesus Kristus teko igai.

1 PETRUS 5:4

Pado waktau Gembala Agung o teko konyo, udi bakea temimo mahkota de gemilang, de coa bakea pudea kegemilanganne.

1 YOHANES 2:28

Jijai, anok-anokku, tepba idup jijai do ngen Kristus, supayo amen Si teko, ite madep Si seca'o binai, ngen coa selek.

1 YOHANES 3:2

Saudaro-saudaro de tecito! Ite uyo adeba anok-anok Allah, tapi keadaan ite be ati jelas. Tapi ite namen bahwo amen Kristus teko, ite bakea jijai awei Si, sebab ite bakea kemliak Si lem keadaan-Ne de sebeneane.

1 YOHANES 5:12

Tun de temuan Anok Allah, temuan idup o; ngen tun de coa temuan Si, coa temuan idup o.

YUDAS 1:24

Allah, de sanggup jemago supayo udi coa us, ngen de sanggup mbinnu moi hadirat-Ne de mulio ngen sukocito ngen coa ade cacet,

WAHYU 2:7

Api dapet temi'uk, lokba temi'uk jano de nadeak Roh Allah ngen jemaat-jemaat! Tobo'o de menang, bakea Uku melei izin mbuk bueak kunei pun kehidupan de idup neak surgo.”

WAHYU 22:1

Malaikat o kulo kemten ngen uku bioa lai de bioane melei kehidupan. Bioa o jeniak awei kristal ngen mengalir kunei takhta Allah ngen Anok Bebirai o.

WAHYU 22:14

Riangba tun de mpuk jubahne sapei bersi sehinggo tobo'o berhok mbuk bueak kunei pun kehidupan ngen masuk moi lem kota o liwet gerbangne.