KOLOSE 3:22 - JANJAI BLAU Lem Bahaso Jang Bebilai

²² Saudaro-saudaro de jijai hamba! Lem kute hal, lokba udi taat ngen tuannu de neak dunio yo. Jibeakba taat ngen tobo'o cuma pado waktau tobo'o gidong ngawas udi, kerno udi lok nujai. Taatba ngen tobo'o ngen atei de ikhlas, kerno udi hormat ngen Tuhan.

KOLOSE 3:22 ပူးပေါင်းရင်းမြစ်များ

MATIUS 6:22

“Matai adeba lapu de tem'ang awok. Amen matainu te'ang kute awoknu te'ang becayo.

MATIUS 8:9

Uku temuan pemipin de dapet meriteak uku ngen ade kulo tentra-tentra de harus temotoa periteakku. Amen uku meluak saleak suang tentra'o, ‘Lalau!’, si kulo lalau. Uku madeak ngen de luyen, ‘Mi yo!’, si kulo teko; ngen amen uku mriteak pelayanku, ‘Neaba dio!’, si kulo meneanne.”

LUKAS 6:46

“Getai udi menok Uku, ‘Tuhan, Tuhan,’ tapi coa menea jano de Uku nadeak ngen ko?

LUKAS 7:8

Sebab uku kulo tunduk ngen periteak das ngen neak beak uku ade kulo prajurit-prajurit de harus tunduk pado periteak uku. Amen uku meluak suang prajurit, ‘Lalau!’ si kulo lalau; ngen amen uku madeak ngen de luyen, ‘Maro miyo’ si kulo teko. Ngen amen uku meriteak hamba uku, ‘Neaba dio!’ si kulo meneane.”

KISAH RASUL-RASUL 2:46

Tiep bilai tobo'o bogoa bekopoa neak Bait Allah; serto mukmei serpok, ngen riang ngen rendeak atei neak umeak-umeak tobo'o.

2 KORINTUS 7:1

Saudaro-saudaroku terkasih, kerno ite uyo temuan janjai-janjai o, maroba ite semucai diraite kunei kute de jemijai ite kotor. Lokba ite saben ngen Allah, supayo ite dapet idup khusus utuk Si ngen sempurno.

GALATIA 1:10

Jijai awei ipe uyo: Jano uku mesoa kesukaan manusio atau kesukaan Allah? Atau uku cubo semnang atei manusio? Sekirone uku masiak lok cemubo semnang atei manusio, mako uku isoba hamba Kristus.

KOLOSE 3:20

Hoi anok-anok! Taatba ngen tun tuainu lem kute hal, kerno do'oba de semnang atei Allah.

1 TESALONIKA 2:4

Coa! Keme coa miling utuk semnang atei tun, tapi utuk semnang atei Allah, de cemubo atei keme. Sebab Allah manggap keme patas utuk melei namen Bito Baik o.

FILEMON 1:16

Uyo si iso cuma suang hamba utuk saudaro; si lebiak kunei o. Si adeba sesamo tun Kristen de tecito. Si beguno sekilai utuk ku, jano igai utuknu! Paset si beguno sekilai baik sebagai hamba atau sebagai saudaro neak lem Tuhan!