KOLOSE 3:17 - JANJAI BLAU Lem Bahaso Jang Bebilai

¹⁷ Kute jano de udi nea ngen nadeak, harusba do'o nea ngen nadeak das gen Tuhan Yesus. Bersyukurba ngen Allah Bapa utuk jano de nea Yesus utuk nu.

KOLOSE 3:17 ပူးပေါင်းရင်းမြစ်များ

MATIUS 28:19

Kerno'o lalauba ngen kute bangso neak kute dunio, jijaiba tobo'o penotoa-penotoa-Ku. Baptis tobo'o ngen sembut Gen Bak, Anok, ngen Roh Sucai kunei Allah.

KISAH RASUL-RASUL 19:17

Hal o namen kute penduduk Efesus, baik tun Yahudi atau tun Yunani, mako sabenba tobo'o kute, ngen gen Tuhan Yesus tambeak nujai.

KISAH RASUL-RASUL 4:30

Nuluakba tangen-Nu utuk kema'en tun, ngen nadeba tando-tando ngen mujizat-mujizat lem gen Yesus, Hambo-Nu de sucai.”

ROMA 1:8

Pertamo-tamo liwet Yesus Kristus, uku mucep syukur ngen Allah kerno Saudaro-saudaro kutene, sebab kute dunio bi temi'uk bahwo udi pecayo nien ngen Kristus.

1 KORINTUS 10:31

Jano bae de Saudaro nea – Saudaro embuk atau Saudaro menem – neaba kutene o utuk menea Allah mulio.

EFESUS 1:17

ngen minoi ngen Allah Tuhante Yesus Kristus, Bapa de mulio, supayo Si melei Roh-Ne ngen udi. Roh o bakea jemijai udi bijaksano, ngen bakea kemnal Allah ngen udi sehinggo udi kemnal Si.

EFESUS 5:20

Bogoa mucep syukurba das kute sesuaktau lem gen Tuhante Yesus Kristus ngen Allah Bapa ite.

FILIFI 1:11

Idupnu bakea penuak ngen plep de sungguak-sungguak baik de cuma dapet kunei Yesus Kristus suang; mako Allah bakea dimuliakan ngen nujai.

FILIFI 2:11

Tobo'o kutene bakea makau bahwo Yesus Kristusba Tuhan; ngen awei yo mulioba Allah Bapa.

KOLOSE 1:12

ngen mucep syukur ngen sukocito ngen Bapa. Sebab Bapa do'oba de menea udi patas temimo jano de seniap Allah utuk umat-Ne neak lem kerajaan-Ne de te'ang.

KOLOSE 2:7

Lokba udi idup neak lem Si ngen tegok neak das Si. Lokba udi tambeak pecayo ngen Kristus, temurut jano de sudo najea ngen ko. Ngen lokba ateinu penuak ngen ucapan mokasiak.

KOLOSE 3:15

Lokba damoi sejahtera Kristus meriteak lem ateinu, kerno utuk do'oba udi bi nok lem do awok. Ngen bersyukurba.

KOLOSE 3:23

Kerjo jano bae de neriteakne ngen udi, lokba udi kemerjone ngen sepenuak atei, seolah-olah Tuhanba de udi nlayan, ngen iso cuma manusio.

1 TESALONIKA 1:1

Saudaro-saudaro jemaat neak Tesalonika, de jijai umat Allah Bapa ngen Tuhan Yesus Kristus: Keme, adeba Paulus, Silas ngen Timotius ma'ep Allah melei berkat, sejahtera ngen udi.

1 TESALONIKA 5:18

mucep syukurba lem kute hal, sebab do'oba de Allah kenlok kunei udi sebagai tun de idup jijai do ngen Kristus Yesus.

IBRANI 1:5

Coa perneak Allah madeak awei yo ngen suang malaikat. “Koba Anok-Ku; pado bilai yo Uku jijai Bapa-Nu.” Coa perneak kulo Allah madeak awei yo tetang malaikat ipe bae, “Uku bakea jijai Bapa-Ne, Si bakea jijai Anok-Ku.”

IBRANI 13:15

Sebab o, liwet Yesus, lokba ite bogoa mujai-mujai Allah; do'o adeba kurban syukur ite ngen-Si, de ite melei liwet ucapan bibia utuk memuliakan gen-Ne.

1 PETRUS 2:5

Udi awei butau-butau de idup. Kerno o lokba udi nakeine utuk temgok Umeak Allah de rohani. Ngen awei o udi jijai imem-imem, de idup khusus utuk Allah, de liwet Yesus Kristus melei persembahan ngen Allah, kurban rohani de sesuai neak atei Allah.

1 PETRUS 2:9

Tapi udi adeba bangso de tepiliak, imem-imem de melayan rajo, bangso de sucai, khusus utuk Allah, umat Allah su'ang. Allah miliak udi ngen menok udi kelua kunei kegelapan utuk masuk moi lem te'ang-Ne de ajaib, maksudne supayo udi melei namen bito tetang perbuatan-perbuatan-Ne de luea biaso.

1 PETRUS 4:11

Tun de semapei bito, harusba semapei bito kunei Allah; tun de mlelayan tun luyen, harusba mlayan ngen kekuatan de kunei Allah, supayo lem kute hal, Allah dapet diagungkan liwet Yesus Kristus. Siba de bekuaso ngen patut diagungkan utuk selamo-lamone. Amin.

1 YOHANES 2:23

Tun de coa makau Anok, taine coa temimo Bapa kulo. Tun de makau Anok, taine temimo Bapa kulo.

1 YOHANES 3:18

Anok-anokku, jibeakba ite mengasiak cuma neak bibia atau kecek bae. Lokba ite mengasiak ngen kasih de sejati neak lem perbuatan ite.