KOLOSE 3:16 - JANJAI BLAU Lem Bahaso Jang Bebilai

¹⁶ Lokba ajaran-ajaran Kristus de penuak berkat tinggea neak lem ateinu. Lokba udi samo-samo majea ngen samo-samo melei nasihat de bijaksano. Nyanyikanlah mazmur ngen puji-pujian serto legau-legau rohani; nyanyiba utuk Allah ngen perasaan syukur neak lem ateinu.

KOLOSE 3:16 ပူးပေါင်းရင်းမြစ်များ

MATIUS 26:30

Sesudo'o tobo'o nyanyi de buaek legau syukur. Ngen tobo'o lalau moi Tebo Zaitun.

LUKAS 2:51

Sesudo'o Yesus belek besamo tobo'o moi Nazaret, taat ngen tobo'o. Kute hal o naik indok-Ne neak lem ateine.

YOHANES 15:7

Amen udi tinggea lem Uku ngen firman-Ku tinggea lem udi, minoi ba ngen Bapa jano bae de udi kenlok, ngen udi bakea temimone.

ROMA 10:17

Jijai, imen teko kunei pendengaran, ngen pendengaran kerno firman Kristus.

ROMA 15:14

Saudaro-saudaroku! Uku yakin bahwo ade dau hal de baik ngen ko. Udi kulo namen kekutene ngen dapet majea do ngen de luyenne kulo.

1 KORINTUS 14:15

Jijai, uku harus menea jano? Dio de bakea uku nea: Uku bakea bedu'o ngen roh ku, tapi uku bakea bedu'o kulo ngen pekeranku. Uku bakea nyanyi ngen rohku, tapi uku lok nyanyi kulo ngen pekeranku.

1 KORINTUS 14:26

Jijai, Saudaro-saudaro, jano tai kutene o? Amen udi bekopoa utuk nyembeak Tuhan, ade nyanyi, ade ngajea, ade de melei namen sesuaktau kunei Allah, ade de miling lem bahaso de ajaib, ngen ade de jemlas jano de nadeak o. Tapi kutene o harusba nea utuk majea ngen kebaikan kutene.

EFESUS 1:17

ngen minoi ngen Allah Tuhante Yesus Kristus, Bapa de mulio, supayo Si melei Roh-Ne ngen udi. Roh o bakea jemijai udi bijaksano, ngen bakea kemnal Allah ngen udi sehinggo udi kemnal Si.

EFESUS 5:17

Sebab o jibeakba udi bodong, tapi berusahoba supayo udi ngertai kelok Tuhan.

EFESUS 5:19

Pakeiba kecek-kecek kunei mazmur, legau puji-pujian ngen legau rohani. Lokba udi ngen riang atei mbin legau puji-pujian bagiak Tuhan.

EFESUS 5:26

Kristus menea o supayo Si dapet semucai jemaat o ngen ajaran-Ne ngen liwet bioa baptisan, supayo sesudo'o Si dapet semreak-Ne ngen Allah.

KOLOSE 1:28

Kristus'oba de keme melei namen ngen tiep tun. Keme minget ngen majea tobo'o kutene ngen kute kebijaksanaan. Tujuan keme adeba supayo tiep tun dapet nemin ngen Allah, sebagai tun de lai lem hal-hal rohani, kerno bi jijai do ngen Kristus.

KOLOSE 1:9

Do'oba sebabne keme bogoa bedu'o utuk udi sejok keme temi'uk tetang udi. Keme minoi ngen Allah supayo Roh Allah melei ngen udi kebijaksanaan ngen pengertian sehinggo udi namen ngen sempurno jano kelok Allah.

KOLOSE 4:6

Lokba hal-hal de udi nadeak bogoa semnang atei. Lokba udi namen awei ipe seharusne udi jemawap pertanyaan-pertanyaan tun.

1 TESALONIKA 1:8

Sebab muloi kunei udi, bito tetang Tuhan bi tesebea sapei moi Makedonia ngen Akhaya. Ngen iso cuma do'o bae; bahkan bito tetang awei ipe udi pecayo ngen Allah bi sapei moi ipe bae, sehinggo keme coa perlu igai madeak jejano.

1 TESALONIKA 4:18

Kerno o, lokba udi samo-samo kemuet atei ngen kecek-kecek yo.

2 TESALONIKA 3:15

Tapi jibeakba manggap si musuak, tapi meleiba nasihat ngen si sebagai suang Saudaro.

1 TIMOTIUS 6:17

Ngen tun-tun kayo neak dunio yo, lokba ko minoi supayo tobo'o jibeak ombong ngen jibeak ma'ep pado sesuaktau de coa tau awei kekayaan. Tobo'o harus ma'ep ngen Allah de melei kute sesuaktau ngen ite utuk ite nikmati.

2 TIMOTIUS 3:15

Tingetba kulo bahwo kunei titik ko bi kemnal Kiteb Sucai. Kiteb Sucai o dapet melei ngen ko pengertian utuk dapet keselamatan liwet imen ngen Kristus Yesus.

TITUS 3:6

Allah melei Roh-Ne ngen ite liwet Yesus Kristus, Rajo Penyelamat ite,

YAKOBUS 1:5

Amen ade tun neak antaro udi de kuang bijaksana, lokba si minoine kunei Allah, mako Allah bakea melei kebijaksanaan ngen udi; sebab ngen tiep tun, Allah melei ngen mu'eak atei ngen asai ibo.

YAKOBUS 3:17

Tapi tun de temuan kebijaksanaan de kunei das adeba pertamo-tamo sucai, sesudo'o galok damoi, rama ngen penurut. Si penuak ngen asai ibo ngen masea perbuatan-perbuatan de baik. Si coa berpihok ngen coa munafik.

YAKOBUS 5:13

Amen ade neak antaronu gidong saro, lokba si bedu'o. Amen ade de riang, lokba si nyanyi mujai Allah.

1 YOHANES 2:14

Uku temulis ngen udi, Anok-anok, sebab udi kemnal Allah Bapa. Uku temulis ngen udi, Bapak-bapak sebab udi kemnal Firman de sudo ade sejak mulone. Uku temulis ngen udi, Tun-tun u'ai, sebab udi kuet. Kecek Allah ade neak lem ateinu, ngen udi bi maleak de jahat.

1 YOHANES 2:24

Sebab o, bito de sudo udi temi'uk sejak udi muloi pecayo harusba udi jemago bebaik neak lem atei. Amen bito o udi kemliak bebaik, udi bakea bogoa idup jijai do ngen Anok ngen Bapa.

1 YOHANES 2:27

Tapi tetang udi su'ang, Kristus bi melei Roh-Ne ngen Udi. Selamo Roh-Ne Ade ngen udi, coa perlu ade tun luyen majea udi. Sebab Roh-Ne majea udi tetang kute sesuaktau; jano de najea-Ne o benea, iso mike. Sebab o, lokba udi taat ngen jano de najea Roh o, lokba udi tep idu jijai do ngen Kristus.

2 YOHANES 1:2

Sebab Allah tinggea neak lem atei ite, ngen de bakea semerto ite sapei selamo-lamone.

WAHYU 14:3

Neak adep takhta ngen kepat makhluk serto paro pemipin neak sekeliling takhtane o, sotos pat puluak pat ribau tun o embin legau de blau. Coa su'ang tun kulo dapet belajea legau o seluyen kunei sotos pat puluak pat riba tun de sudo bebas kunei bumai o.

WAHYU 15:3

Ngen tobo'o mbin legau Musa, hamba Allah, ngen legau Anok Bebirai. Awei yo sa'eine, “Tuhan, Allah Maha Kuaso, padeak lai ngen ajaibne perbuatan-perbuatan-Nu! Rajo kute bangso, padeak adea ngen benea tindakan-tindakan-Nu!

WAHYU 19:10

Uku tukup neak adep malaikat o lok nyembeakne, tapi si madeak ngen uku, “Jibeak! Jibeak nyembeak uku, sembeakba Allah! Sebab uku kulo hamba serai awei ko ngen awei kute saudaronu de bepegong teguh ngen saksai Yesus!” Sebab saksai Yesus do'oba de jijai menea tun-tun de bernubuat.

WAHYU 5:9

Tobo'o mbin legau de blau: “Ko layak mok bukau o ngen mecuak segel-segelne Sebab Ko bi nunuak, ngen kematian-Nu, manusio kunei kute suku, bahaso, negara ngen bangsa bi nukuanu utuk Allah.