KOLOSE 3:15 - JANJAI BLAU Lem Bahaso Jang Bebilai

¹⁵ Lokba damoi sejahtera Kristus meriteak lem ateinu, kerno utuk do'oba udi bi nok lem do awok. Ngen bersyukurba.

KOLOSE 3:15 ပူးပေါင်းရင်းမြစ်များ

YOHANES 14:27

Damoi sejahtera Uku melei utuk udi. Damoi sejahtera-Ku Uku melei ngen udi, jano de Uku melei coa awei de nelei kunei dunio ngen udi. Jibeakba liseak ngen saben atei nu.

YOHANES 16:33

Kutene o Uku madeak ngen udi, supayo udi dapet damoi sejahtera lem Uku. Neak dunio udi bakea saro. Tapi kenuetba ateinu! Uku bi maleak dunio!”

ROMA 1:21

Sebab kunyau tobo'o kemnal Allah, tobo'o coa memuliakan Si sebagai Allah atau mucep syukur ngen Si. Sebelekne pekeran tobo'o jijai sio-sio ngen atei tobo'o de bodong jijai kelem.

ROMA 14:17

Sebab amen Allah meriteak su'ang tun, jano de si buliak mbuk atau menem, coa peting igai. De peting adeba bahwo tun o temotoa kelok Allah, meding atei tenang ngen temimo sukocito de nelei Roh Allah.

ROMA 15:13

Allah adeba penan udi ma'ep. Semoga Si menea ateinu ngen kute sukocito ngen sejahtera kerno udi pecayo ngen Si, supayo ngen kuaso Roh Allah udi tambeak ma'ep ngen Allah.

ROMA 5:1

Sebab o, ite de benea kerno imen, ite idup lem damoi sejahtera ngen Allah kerno Tuhan ite, Yesus Kristus.

1 KORINTUS 10:17

Kerno cuma ade do ruti, ngen ite kute embuk kunei ruti de do o, mako ite kutene yo adeba do awok.

1 KORINTUS 7:15

Tapi amen tun de coa pecayo'o teminggea pengaten selaweine atau sematenne de Kristen, jibeak tema'en si. Lem hal yo saudari atau Saudaro'o bebas, sebab Allah lok supayo Saudaro idup ngen rukun.

2 KORINTUS 4:15

Kutene o adeba utuk kepentingannu. Sebab tambeak dau tun meding kasih Allah, tambeak dau kulo du'o syukur de senapei ngen Allah; ngen awei o Allah mulio.

2 KORINTUS 9:11

Ngen awei o udi bakea serbo ade lem kute hal sehinggo udi bogoa dapet melei ngen mudeak atei. Ngen pelei-peleinu de keme magiak, sebab o dau tun madeak mokasiak ngen Allah.

EFESUS 4:16

Neak beak pipinan-Ne, kute anggota awok o tesusun rapi, ngen neket jijai do ngen pelayanan kute bagianne. Amen tiep-tiep anggota o bekerjo awei de seharusne, mako kute awok o bakea idup jijai lai ngen kuet lem kasiak.

EFESUS 4:4

Cuma ade do awok, ngen do Roh. Awei o kulo udi nok utuk do harapan de serai.

EFESUS 5:1

Udi adeba anok-anok Allah de tekasiak, sebab o udi harus temotoa teladan Allah.

EFESUS 5:20

Bogoa mucep syukurba das kute sesuaktau lem gen Tuhante Yesus Kristus ngen Allah Bapa ite.

KOLOSE 1:12

ngen mucep syukur ngen sukocito ngen Bapa. Sebab Bapa do'oba de menea udi patas temimo jano de seniap Allah utuk umat-Ne neak lem kerajaan-Ne de te'ang.

KOLOSE 2:7

Lokba udi idup neak lem Si ngen tegok neak das Si. Lokba udi tambeak pecayo ngen Kristus, temurut jano de sudo najea ngen ko. Ngen lokba ateinu penuak ngen ucapan mokasiak.

KOLOSE 3:17

Kute jano de udi nea ngen nadeak, harusba do'o nea ngen nadeak das gen Tuhan Yesus. Bersyukurba ngen Allah Bapa utuk jano de nea Yesus utuk nu.

1 TESALONIKA 5:18

mucep syukurba lem kute hal, sebab do'oba de Allah kenlok kunei udi sebagai tun de idup jijai do ngen Kristus Yesus.

1 TIMOTIUS 2:1

Pertamo-tamo, uku minoi nien supayo kinoi, semyang, ngen du'o utuk tun-tun luyen serto ucapan mokasiak senapei ngen Allah utuk kute tun;

1 TIMOTIUS 6:12

Berjuangba sungguak-sungguak utuk idup sebagai tun Kristen supayo ko mbut hadiah sejati ngen kekal. Sebab utuk o ba Allah menok ko pado waktau ko ngakau neak adep dau tun bahwo ko pecayo ngen Kristus.

IBRANI 13:15

Sebab o, liwet Yesus, lokba ite bogoa mujai-mujai Allah; do'o adeba kurban syukur ite ngen-Si, de ite melei liwet ucapan bibia utuk memuliakan gen-Ne.

WAHYU 7:12

Tobo'o menggang, “Amin! Tepujaiba Allah ite de agung ngen bijaksana. Si patut dapet ucapan-ucapan syukur ngen hormat. Si bekuaso ngen kuet utuk selamo-lamone! Amin.”