KOLOSE 3:14 - JANJAI BLAU Lem Bahaso Jang Bebilai

¹⁴ Ngen de peting, adeba: Udi harus sesamo mengasihi sebab kasih o ba de menea jijai do Saudaro-saudaro kutene sehinggo jijai sempurno.

KOLOSE 3:14 ပူးပေါင်းရင်းမြစ်များ

YOHANES 13:34

Uku melei priteak blau ngen udi, adeba supayo udi saling mengasiak, serai awei Uku kemasiak udi, awei'o kulo udi arus saling kemasiak.

YOHANES 15:12

Dioba periteak-Ku, adeba supayo udi saling mengasiak, awei Uku bi mengasiak udi.

YOHANES 17:23

Uku neak lem tobo'o ngen Ko neak lem Uku supayo tobo'o bebenea jijai do, supayo dunio namen bahwo Ko de mutus Uku ngen Ko mengasiak tobo'o, serai awei Ko mengasiak Uku.

ROMA 13:8

Jibeakba udi butang jejano ngen api bae, tapi lokba udi sesamo mengasihi. Sebab api mengasihi sesamone manusio, si sudo kemerjo hukum agamo Yahudi.

EFESUS 1:4

Ayok dunio yo jenijai, Allah bi miliak ite liwet Kristus ngen maksud supayo ite sucai ngen coa cacet neak adep-Ne.

EFESUS 4:3

Berusahoba sungguak-sungguak utuk idup ngen damoi supayo kesatuan Roh Allah tep terpeliharo.

EFESUS 5:2

Idupba neak lem kasih, awei ipe Kristus Yesus kulo bi mengasihi udi ngen bi semreak dirai-Ne utuk ite sebagoi persembahan ngen kurban de semnang atei Allah.

KOLOSE 2:2

Kutene yo uku menea supayo atei tobo'o jijai kuet ngen tobo'o sesamo mengasihi sehinggo tobo'o kuet bersatu. Ngen awei o tobo'o sungguak-sungguak ngertai ngen yakin serto namen resio Allah, adeba Kristus.

1 TESALONIKA 4:9

Coa perlu igai keme temulis ngen udi tetang awei ipe udi harus mengasihi Saudaro-saudaro do imen. Udi suang bi najea Allah utuk samo-samo mengasihi.

1 TIMOTIUS 1:5

Tujuan nasihat uku o adeba supayo tun dapet temuan atei de sucai serto sungguak-sungguak pecayo ngen Tuhan, ngen awei o tobo'o dapet mengasihi sesamone.

IBRANI 6:1

Kerno'o, maroba ite melakeak moi pelajaran-pelajaran tetang kehidupan Kristen de dewasa, jibeak cuma kemliak syari'ah ajaran agamo ite. Jibeak ite mulang igai pelajaran dasar bahwo tun harus bedan menea hal-hal de coa ade gunone, harus pecayo ngen Allah,

1 PETRUS 4:8

Lebiak kunei pado kekute, lokba udi sungguak-sungguak kemasiak do ngen luyen, sebab ngen saling kemasiak udi bakea besedio kulo utuk saling mapun.

2 PETRUS 1:7

Ngen idup temurut kelok Allah harus kulo nelkep ngen kasih sayang ngen saudaro-saudaro do imen. Selanjutne lokba kasih sayangnu ngen saudaro-saudaro do imen tenambeak ngen kasih teadep kute tun.

1 YOHANES 3:10

Dioba bedane anok-anok Allah ngen anok-anok Iblis: api de coa menea kelok Allah, atau coa mengasiak saudarone, si iso Anok Allah.

1 YOHANES 3:23

De Si periteak ngen ite adeba: Ite harus pecayo ngen Anok-Ne, adeba Yesus Kristus, ngen ite harus sesamo mengasiak, awei de sudo neriteak Kristus ngen ite.

1 YOHANES 4:21

Sebab o, dioba periteak de nelei Kristus ngen ite: Api mengasiak Allah harus mengasiak saudarone kulo.