KOLOSE 2:8 - JANJAI BLAU Lem Bahaso Jang Bebilai

⁸ Lokba udi teatei, jibeak sapei ade de mbujuk udi ngen falsafah-falsafah manusio de coa beguno, cuma menea udi jijai sesat. Falsafah-falsafah o iso kunei Kristus, tapi kunei pendapet manusio bae ngen kunei roh-roh penguaso dunio.

KOLOSE 2:8 ပူးပေါင်းရင်းမြစ်များ

MATIUS 10:17

Bejago-jago sebab udi bakea tenakep lajau senreak ngen pengadilan agamo tun Yahudi. Tobo'o bakea semikso udi neak umeak-umeak semyang tobo'o.

MATIUS 16:6

Yesus madeak ngen tobo'o, “Atei-ateiba teradep agai tun-tun Farisi ngen Saduki.”

MATIUS 7:15

“Atei-ateiba ngen nebai-nebai palsu. Tobo'o teko ngen udi awei domba, tapi tobo'o sebeneane awei srigala de teko utuk semrang udi.

KISAH RASUL-RASUL 17:18

Gu'au-gu'au aliran Epikuros ngen aliran Stoa bedebat kulo ngen si. Ade de madeak, “Jano de lok tukang ngike madeak?” Tapi de luyen madeak, “Rupone si melei namen tetang ajaran diwo-diwo bangso luyen.” Kerno si melei namen Bito Baik tetang Yesus ngen idup igai sesudo matei.

KISAH RASUL-RASUL 17:32

Ketiko tobo'o temi'uk tetang tun matei idup igai, mako ade de mino, de luyen madeak, “Tengen bae keme temi'uk ko miling tetang hal o.”

ROMA 16:17

Saudaro-saudaro! Uku minoi nien: Teateiba teadep tun-tun de menea perpecahan ngen kemacau kepercayaan tun ngen Tuhan. Hal o bertentangan ngen jano de sudo najea ngen udi. Ne'uakba tun-tun awei o.

1 KORINTUS 10:12

Tun de sako diraine kuet, lokba te'atei; jibeak sapei si us.

1 KORINTUS 8:9

Tapi, te atei! Jibeak sapei tejijai bahwo tun luyen jijai duso – kerno imenne ati kuet – sebab Saudaro bebas menea jano bae.

2 KORINTUS 10:5

Keme matiak tiep siasat tun ngen mubuak tiep klopok de tegok ngen keangkuhan manusio utuk temtang pengenalan Allah. Keme temaen pekeran tun-tun ngen menea tobo'o takluk ngen Kristus.

GALATIA 1:14

Neak lem hal maneu agamo Yahudi kulo uku uak lebiak maju kunei dau kuat de bayeakku neak antaro bangsoku, sebagoi tun de kebiak rajin miaro adat istiadat ninik puyangku.

GALATIA 4:3

Awei o kulo ngen ite: Selamone ite ati dewasa, ite jijai budok roh-roh de kemuaso dunio yo.

GALATIA 4:9

Tapi uyo udi kemnal Allah, atau lebiak tepat igai, Allah kemnal udi. Nah, getai udi lok belek igai ngen roh-roh dunio yo, de lemah ngen peset? Getai udi lok jijai bodok roh-roh o igai?

GALATIA 5:15

Tapi amen udi saling nget ngen saling temlen, awas, be udi samo-samo ajua.

EFESUS 2:2

Udi idup neak lemne, kerno udi temotoa dalen dunio yo, udi taat ngen penguaso kerajaan angkasa, adeba roh de uyo dong bekerjo neak antaro tun-tun durhako.

EFESUS 4:20

Tapi Yesus Kristus de udi kemnal iso awei o.

EFESUS 5:6

Jibeakba udi jijai seset ngen kecek-kecek de coa benea. Kerno hal-hal de awei o menea Allah murka das tun-tun durhako.

FILIFI 3:2

Teateiba te'adep tun-tun de menea hal-hal de kidek, tun-tun de patas senbut ‘kuyuk’. Tobo'o demsok supayo tun-tun senunat.

KOLOSE 2:18

Jibeakba udi munyau dirainu rugai ngen tun de aweine merendeak dirai ngen sembeak malaikat-malaikat. Tun o ombong ngen pekeran-pekeranne de duniawi ngen mengagung-agungkan pengeliak-pengeliakne de khusus,

KOLOSE 2:20

Udi bi matei besamo-samo Kristus, ngen bi bebas kunei roh-roh de kemuaso alam yo. Nah, getai udi idup awei tun de masiak kenuaso dunio yo? Getai udi tunduk ngen peraturan-peraturan awei yo,

KOLOSE 2:22

Kute peraturan o adeba tetang hal-hal de sudo nakei coa de guno igai. Do'o cuma peraturan-peraturan ngen ajaran-ajaran de nea manusio.

KOLOSE 2:23

Memang ketenne hal o bijaksana, ngen anjuran supayo tun nyembeak malaikat, rendeak dirai ngen semikso dirai; tapi kutene o coa beguno utuk tema'en nafsu manusio.

1 TIMOTIUS 6:20

Hoi Timotius, jenagoba jano de sudo cayo ngen ko. Ne'uakba kecek-kecek de coa beguno ngen selisiak-selisiak tetang hal-hal de seca'o keliru de senbut “Pengetahuan”.

2 TIMOTIUS 3:13

dong tun jahat ngen tukang mike bakea tambeak jahat. Tobo'o mike tun luyen padahal tobo'o suang kulo keno pike.

IBRANI 13:9

Jibeakba munyau kute mecem ajaran de seseleh semset udi. Atei ite harus kenuet ngen kebaikan atei Allah, do'oba de baik; jibeak ngen peraturan-peraturan tetang kembuk. Tun-tun de bel'o taat ngen peraturan-peraturan o coa dapet utungne.

IBRANI 3:12

Saudaro-saudaro, teateiba jibeak sapei ade neak antaro udi de ateine kembiak kidek ngen coa ade imen, sehinggo si coa pecayo ngen me'uak Allah de idup!

1 PETRUS 1:18

Udi namen jano de sudo nasen utuk mbebas udi kunei idup de sio-sio de nelei ninik puyangnu. Masenne iso sesuaktau de pacok usak awei pirok atau mas,

2 PETRUS 3:17

Tapi udi, saudaro-saudaro de tecito, bi namen tetang hal o. Sebab o, teateiba, jibeak sapei udi tekembin moi lem kesesatan tun-tun jahat sehinggo udi us kunei penan pelatnu de kuet.

2 YOHANES 1:8

Atei-ateiba supayo jibeak sapei nyep jano de sudo keme nea utuk udi, tapi supayo udi dapet upeak kutene.