KOLOSE 2:4 - JANJAI BLAU Lem Bahaso Jang Bebilai

⁴ Uku melei namen dio supayo udi jibeak keno pike ngen api bae kulo de ketenne baik ngen ko.

KOLOSE 2:4 ပူးပေါင်းရင်းမြစ်များ

MATIUS 24:24

Sebab bakea timboa tun-tun de senlamat de palsu ngen nebai-nebai palsu. Tobo'o bakea made plep-plep de luea biaso ngen mujizat-mujizat utuk mike amen mukin umat Allah kulo.

MATIUS 24:4

Yesus jemawab, “Teateiba, jibeak sapei udi te pike.

MARKUS 13:22

Sebab Rajo-rajo Penyelamat palsu ngen nebai-nebai palsu bakea timboa ngen tobo'o bakea menea tando-tando, mujizat-mujizat ngen maksud, sekirone mukin, mike tun-tun pilihan.

KISAH RASUL-RASUL 20:30

Bahkan kunei antaro udi suang bakea ade tun-tun de bakea melei namen bito de coa benea. Tobo'o nea awei o kunyau tun-tun de sudo pecayo ngen Yesus jijai seset ngen temotoa tobo'o.

1 KORINTUS 2:4

Bito de uku semapei ngen ko coa uku semapei ngen kecek-kecek de memikat temurut kebijaksanan manusio. Uku semapei o ngen ca'o de melei bukti bahwo Roh Allah bekuaso.

2 KORINTUS 11:3

Tapi uku saben, amen pekeran udi sensat kunei kesetiaan udi de sejati ngen Kristus, serai awei Hawa tergoda ngen kelicikan dung.

GALATIA 2:4

Memang ade tun-tun de makso hal o. Tobo'o adeba tun-tun de makso masuk moi lem golongan ite ngen nyamar sebagoi pasuak. Tobo'o masuk seca'o dediem utuk semlidik kebebasan de ade ngen ite kerno ite jijai do ngen Kristus Yesus, supayo ngen ca'o o tobo'o dapet menea ite jijai hambane.

EFESUS 4:14

Mako ite coa jijai anok-anok de terombang-ambing ngen coa tau arahne ngen memecem ajaran kunei tun-tun licik. Tobo'o menea tun seset ngen tipu muslihat tobo'o.

EFESUS 4:17

Sebab o, uku madeak ngen uku temges dio ngen udi neak lem Tuhan: Jibeak idup igai awei tun-tun de coa kemnal Allah ngen pekeranne de sio-sio.

EFESUS 5:6

Jibeakba udi jijai seset ngen kecek-kecek de coa benea. Kerno hal-hal de awei o menea Allah murka das tun-tun durhako.

KOLOSE 2:18

Jibeakba udi munyau dirainu rugai ngen tun de aweine merendeak dirai ngen sembeak malaikat-malaikat. Tun o ombong ngen pekeran-pekeranne de duniawi ngen mengagung-agungkan pengeliak-pengeliakne de khusus,

KOLOSE 2:8

Lokba udi teatei, jibeak sapei ade de mbujuk udi ngen falsafah-falsafah manusio de coa beguno, cuma menea udi jijai sesat. Falsafah-falsafah o iso kunei Kristus, tapi kunei pendapet manusio bae ngen kunei roh-roh penguaso dunio.

2 TIMOTIUS 2:16

Ne'uakba kecek-kecek de coa ade gunone ngen de mino Allah. Kecek-kecek de awei o cuma menea tun tambeak jahat.

2 TIMOTIUS 3:13

dong tun jahat ngen tukang mike bakea tambeak jahat. Tobo'o mike tun luyen padahal tobo'o suang kulo keno pike.

1 YOHANES 2:18

Anok-anokku, kiamat bi pa'ok! Sudo nelei namen ngen udi ayokne bahwo musuak Kristus bakea teko; ngen uyo bi teko dau tun de musuak ngen Kristus. Do'o tandone bahwo kiamat bi pa'ok.

1 YOHANES 2:26

Uku temulis dio ngen udi tetang tun-tun de gidong berusaho mike udi.

1 YOHANES 4:1

Saudaro-saudaro de tecito! Jibeakba pecayo ngen kute tun de makau temuan Roh Allah, tapi ntesba kileak tobo'o utuk namen jano roh de ade ngen tobo'o asalne kunei Allah atau iso. Sebab dau nebai palsu bi teko moi kute dunio.

2 YOHANES 1:7

Dau penyesat bi teko ngen lalau moi kute dunio, tobo'o adeba tun-tun de coa makau bahwo Yesus Kristus teko moi dunio sebagai su'ang manusio. Tun de awei o adeba penyesat, ngen musuak Kristus.

WAHYU 12:9

Nagai lai o nuang moi luea! Siba dung tuai o de genne Iblis atau Roh Kidek, de mike kute dunio. Si nuang moi bumai ngen kute malaikatne.

WAHYU 13:8

Benatang o bakea senbeak kute tun de idup neak dunio, kecuali tun-tun de genne bi terdaftar ayok dunio ade, neak lem bukau tun idup milik Anok Bebirai de sudo sembeliak.

WAHYU 20:3

Sesudo'o malaikat o muang nagai o moi lem jurang maut, lajau kemucai jurang o ngen semegelne, supayo nagai o cigai dapet mike bangsa-bangsa ayok masa seribau taun o abis. Sesudo'o si harus npas utuk waktau de siket.

WAHYU 20:8

ngen si bakea lalau mike bangsa-bangsa de tersebea neak kute dunio, adeba Gog ngen Magog. Iblis kemopoa tobo'o utuk perang, suaktau jumlah de kembiak lai, kedau benei neak laut.