KOLOSE 2:23 - JANJAI BLAU Lem Bahaso Jang Bebilai

²³ Memang ketenne hal o bijaksana, ngen anjuran supayo tun nyembeak malaikat, rendeak dirai ngen semikso dirai; tapi kutene o coa beguno utuk tema'en nafsu manusio.

KOLOSE 2:23 ပူးပေါင်းရင်းမြစ်များ

ROMA 13:14

Tapi kunyauba Tuhan Yesus Kristus sebagai perlengkapan senatai te'ang ngen jibeakba murus awoknu utuk memuaskan kelokne.

EFESUS 5:29

Sebab coa perneak tun jengik ngen awokne suang. Tapi jemago ngen murusne, serai awei Kristus te'adep jemaat-Ne.

KOLOSE 2:18

Jibeakba udi munyau dirainu rugai ngen tun de aweine merendeak dirai ngen sembeak malaikat-malaikat. Tun o ombong ngen pekeran-pekeranne de duniawi ngen mengagung-agungkan pengeliak-pengeliakne de khusus,

KOLOSE 2:22

Kute peraturan o adeba tetang hal-hal de sudo nakei coa de guno igai. Do'o cuma peraturan-peraturan ngen ajaran-ajaran de nea manusio.

KOLOSE 2:8

Lokba udi teatei, jibeak sapei ade de mbujuk udi ngen falsafah-falsafah manusio de coa beguno, cuma menea udi jijai sesat. Falsafah-falsafah o iso kunei Kristus, tapi kunei pendapet manusio bae ngen kunei roh-roh penguaso dunio.

1 TIMOTIUS 4:3

Tobo'o majea tun utuk coa nikeak ngen coa mbuk kembuk kunei Allah. Padahal kembuk o nea Allah utuk nembuk ngen mucep mokasiak ngen tun-tun de sudo pecayo ngen Kristus ngen bi kemnal ajaran de benea kunei Allah.

1 TIMOTIUS 4:8

Latihan jasmani didik bae gunone, tapi latihan rohani beguno lem kute hal, sebab mengandung janjai utuk idup pado maso uyo ngen maso de bakea teko.