KOLOSE 2:18 - JANJAI BLAU Lem Bahaso Jang Bebilai

¹⁸ Jibeakba udi munyau dirainu rugai ngen tun de aweine merendeak dirai ngen sembeak malaikat-malaikat. Tun o ombong ngen pekeran-pekeranne de duniawi ngen mengagung-agungkan pengeliak-pengeliakne de khusus,

KOLOSE 2:18 ပူးပေါင်းရင်းမြစ်များ

MATIUS 24:24

Sebab bakea timboa tun-tun de senlamat de palsu ngen nebai-nebai palsu. Tobo'o bakea made plep-plep de luea biaso ngen mujizat-mujizat utuk mike amen mukin umat Allah kulo.

ROMA 1:25

Sebab tobo'o gemitei kebenaran Allah ngen dusta, mujai ngen nyembeak makhluk ngen coa tinget Penciptane de harus nujai selamo-lamone, amin.

ROMA 16:18

Sebab tun-tun de menea awei o iso bekerjo utuk Kristus Tuhan ite, tapi utuk menea kelok atei tobo'o su'ang jijai puas. Ngen bujukan, kecek-kecek de mis, tobo'o mike tun-tun de coa namen jejano.

1 KORINTUS 13:4

Tun de kemasiak tun-tun luyen, tun o sabar ngen baik atei. Si coa nyebuau, coa ngike, coa ombong.

1 KORINTUS 3:3

kerno udi masiak manusio duniawi. Sebab amen udi masiak iri atei, selisiak do ngen de luyen, do'o kemten bahwo udi masiak idup temurut manusio duniawi, awei tun-tun de coa kemnal Allah.

1 KORINTUS 4:18

Kekedau tun kunei antaro udi bi jijai ombong, sebab tobo'o sako uku coa bakea teko ngen ko.

1 KORINTUS 4:6

Saudaro-saudaro! Utuk kepentingannu, uku bi makei kutene o ngen Apolos ngen diraiku suang. Maksudne supayo kunei contoh keme o udi dapet belajea jano tai ungkapan, “Bepegongba pado peraturan de ade.” Ngen awei o coa suang tun kulo kunei udi dapet ombong tetang suang tun, lajau mino de luyen.

1 KORINTUS 8:1

Uyo tetang kembuk de nelei sebagai sedekeak ngen patung. Memang benea awei nadeak tun, “Ite kutene bi pacok.” Tapi kepacok o menea tun jijai ombong, sebelekne kasih mbangun pribadi tun.

1 KORINTUS 9:24

Saudaro paset namen bahwo neak lem perlombaan, kute peserta milau mlilai, tapi cuma do tun de temimo hadiah. Sebab o mlilaiba awei o sehinggo Saudaro temimo hadiahne.

2 KORINTUS 11:3

Tapi uku saben, amen pekeran udi sensat kunei kesetiaan udi de sejati ngen Kristus, serai awei Hawa tergoda ngen kelicikan dung.

2 KORINTUS 12:20

Uku khawatir bahwo pado waktau uku mulau udi be, uku kemliak udi coa awei jano de uku lok, ngen udi kulo bakea kemliak uku coa awei de udi lok. Jibeak sapei be ade de tekea, iri atei, panes atei, mementingkan dirai suang, fitneak, majung, ombong ngen kemacau.

EFESUS 4:17

Sebab o, uku madeak ngen uku temges dio ngen udi neak lem Tuhan: Jibeak idup igai awei tun-tun de coa kemnal Allah ngen pekeranne de sio-sio.

EFESUS 5:6

Jibeakba udi jijai seset ngen kecek-kecek de coa benea. Kerno hal-hal de awei o menea Allah murka das tun-tun durhako.

FILIFI 3:14

Do'o sebabne uku melilai terus sapei moi tujuan akhir utuk dapet kemenangan, adeba idup neak surgo; utuk do'oba Allah menok ite liwet Kristus Yesus.

KOLOSE 2:23

Memang ketenne hal o bijaksana, ngen anjuran supayo tun nyembeak malaikat, rendeak dirai ngen semikso dirai; tapi kutene o coa beguno utuk tema'en nafsu manusio.

KOLOSE 2:4

Uku melei namen dio supayo udi jibeak keno pike ngen api bae kulo de ketenne baik ngen ko.

KOLOSE 2:8

Lokba udi teatei, jibeak sapei ade de mbujuk udi ngen falsafah-falsafah manusio de coa beguno, cuma menea udi jijai sesat. Falsafah-falsafah o iso kunei Kristus, tapi kunei pendapet manusio bae ngen kunei roh-roh penguaso dunio.

1 TIMOTIUS 1:7

Tobo'o lok jijai gu'au-gu'au agamo, padahal tobo'o suang coa paham ngen kecek-kecek de tobo'o pakei atau hal-hal de tobo'o madeak ngen yakin.

1 TIMOTIUS 4:1

Roh Allah seca'o tegas madeak bahwo pado maso-maso de bakea teko, ade tun de bakea murtad, lajau temotoa roh-roh de menea tun jijai sesat ngen ajaran-ajaran Iblis,

2 PETRUS 2:14

Tobo'o coa gegenyai menea duso, ngen kelok tobo'o adeba mandang selawei nakea. Ngen tun de blau pecayo ngen masiak ku'ang yakin, tobo'o mumbuk. Atei tobo'o bi tebiaso ngen serakah. Tobo'o adeba tun-tun tekutuk!

1 YOHANES 2:26

Uku temulis dio ngen udi tetang tun-tun de gidong berusaho mike udi.

WAHYU 12:9

Nagai lai o nuang moi luea! Siba dung tuai o de genne Iblis atau Roh Kidek, de mike kute dunio. Si nuang moi bumai ngen kute malaikatne.

WAHYU 13:14

Ngen kute tun de idup neak bumai ngikene ngen keajaiban-keajaiban de buliak neane neak adep benatang de pertamo o. Ngen tobo'o kutene neluakne menea debuak patung kunei benatang de sudo sileak ngen pedang, tapi tep idup.

WAHYU 13:8

Benatang o bakea senbeak kute tun de idup neak dunio, kecuali tun-tun de genne bi terdaftar ayok dunio ade, neak lem bukau tun idup milik Anok Bebirai de sudo sembeliak.

WAHYU 19:10

Uku tukup neak adep malaikat o lok nyembeakne, tapi si madeak ngen uku, “Jibeak! Jibeak nyembeak uku, sembeakba Allah! Sebab uku kulo hamba serai awei ko ngen awei kute saudaronu de bepegong teguh ngen saksai Yesus!” Sebab saksai Yesus do'oba de jijai menea tun-tun de bernubuat.

WAHYU 3:11

Uku segro teko! Jagoba baik-baik jano de udi temuan, supayo coa suang kulo mok hadiah kemenangannu.