KOLOSE 2:16 - JANJAI BLAU Lem Bahaso Jang Bebilai

¹⁶ Kerno o, jibeak munyau tun semaleak udi tetang kembuk ngen menem atau tetang bilai rayo, bulen blau atau kulo bilai Sabat.

KOLOSE 2:16 ပူးပေါင်းရင်းမြစ်များ

MATIUS 15:11

De masuk moi lem bibia coa menea tun najis, amen de kelua kunei lem bibiane, do'oba de jemijai tun najis.”

MARKUS 7:19

Kerno iso masuk moi lem atei tapi moi lem teneine, lajau nuang neak kakus.” Ngen aweiyo Si madeak kute kembuk halal.

KISAH RASUL-RASUL 15:20

Tapi ite harus temulis su'et ngen tobo'o, supayo tobo'o meu'ak dirai kunei kembuk de sudo nelei ngen berhala-berhala, kunei percabulan, kunei daging benatang de matei ncit ngen kunei daleak.

ROMA 14:10

Tapi Saudaro-saudaro, getai ko semaleak saudaronu? Atau getai ko mino saudaronu? Sebab ite kute harus madep takhta pengadilan Allah.

GALATIA 4:10

Udi merayokan bilai-bilai tertentu, bulen-bulen tertentu, ngen taun-taun tertentu.

KOLOSE 2:20

Udi bi matei besamo-samo Kristus, ngen bi bebas kunei roh-roh de kemuaso alam yo. Nah, getai udi idup awei tun de masiak kenuaso dunio yo? Getai udi tunduk ngen peraturan-peraturan awei yo,

IBRANI 13:9

Jibeakba munyau kute mecem ajaran de seseleh semset udi. Atei ite harus kenuet ngen kebaikan atei Allah, do'oba de baik; jibeak ngen peraturan-peraturan tetang kembuk. Tun-tun de bel'o taat ngen peraturan-peraturan o coa dapet utungne.

IBRANI 9:10

Kerno upacara-upacara o cuma berkenan ngen kembuk, menem, ngen memecem upacara penyucian. Kutene cuma peraturan-peraturan laher de beguno cuma sapei waktaune Allah menea pembaharuan.

YAKOBUS 4:11

Saudaro-saudaro jibeakba saling mino atau saling semaleak. Tun de mino atau semaleak saudarone de samo-samo Kristen, si mino ngen semaleak hukum Allah. Ngen amen udi semaleak hukum Allah, do'o taine udi coa temotoa hukum-hukum o, meluyen jijai hakimne.