KOLOSE 2:15 - JANJAI BLAU Lem Bahaso Jang Bebilai

¹⁵ Kristus menea kute roh-roh de meriteak ngen bekuaso jijai coa de dayo igai ngen jemijai tobo'o totonan tun dau lem kemenangan-Ne.

KOLOSE 2:15 ပူးပေါင်းရင်းမြစ်များ

MATIUS 12:29

Awei ipe tun nam masuk lem umeak tun de kuet ngen mbut hartone, amen coa neket kileak tun kuet'o? Sesudo neketne Si nam mbut hartone.

LUKAS 10:18

Yesus jemawab, “Uku kemliak Iblis us kunei lenget awei gelep.

LUKAS 11:22

Tapi amen suang de lebiak kuet semrang ngen maleak si, mako tun de lebiak kuet o bakea mbut kute senatai andalan tun de temuan umeak o, lajau magiak kute barang-barangne.

YOHANES 16:11

bahwo Allah sudo muloi mukum, sebab penguaso dunio yo bi nukum.

YOHANES 19:30

Sesudo Yesus menem anggur pi'iak'o madeakba Si, “Sudo selsei.” Lajau Si temunduk ulau-Ne ngen semreak nyabai-Ne.

1 KORINTUS 15:24

Sesudo'o tejijaiba kiamat. Pado waktau o Kristus bakea maleak kute pemeriteak, kute kuaso ngen kute kekuatan; lajau Si bakea semreak kuaso-Ne sebagai Rajo, ngen Allah Bapa ite.

2 KORINTUS 2:14

Tapi syukur ngen Allah! Si bogoa mipin keme neak dalen kemenangan Kristus. Allah makei keme supayo bito tetang Kristus tesebea awei aroma de um moi ipe bae.

2 KORINTUS 4:4

Tun-tun de coa pecayo, de pekeranne bi tetutup ngen ilah zaman yo, sehinggo tobo'o coa kemliak cahayo kunei Bito Baik o de adeba gambar Allah.

EFESUS 3:10

Maksud Allah adeba supayo uyo, liwet jemaat, kute de megong kuaso neak surgo namen kebijaksanaan Allah lem kute mecem bentukne.

EFESUS 4:8

Lem Kiteb Sucai tetulis, “Ketiko Si kenek moi penan de lekat, Si mbin tawanan-tawanan; Si melei pelei-pelei ngen manusio.”

EFESUS 6:12

Sebab ite berjuang isone melawen manusio, tapi melawen kekuatan kute iblis-iblis de kemuaso zaman de kidek yo. Ite melawen kekuatan roh-roh kidek de kemuaso udara.

KOLOSE 1:16

Sebab liwet Siba Allah menciptakan kute sesuaktau neak surgo ngen de neak bumai, kute sesuaktau de keten ngen de coa keten, termasuk kulo kute roh de bekuaso ngen de mriteak. Kute alam yo diciptakan liwet Kristus ngen utuk Kristus.

KOLOSE 2:10

Kerno jijai do ngen Kristus, udi kulo nelei idup sepenuakne. Sebab Kristus adeba pemipin das kute roh de bekuaso ngen de meriteak.

IBRANI 2:14

Kerno tun-tun de Si senbut anok o, adeba makhluk manusio de dapet matei, mako Yesus suang jijai serai ngen tobo'o, idup lem keadaan manusio. Si menea awei o, supayo ngen mateine Si dapet majua Iblis de kemuaso kematian.

WAHYU 12:9

Nagai lai o nuang moi luea! Siba dung tuai o de genne Iblis atau Roh Kidek, de mike kute dunio. Si nuang moi bumai ngen kute malaikatne.

WAHYU 20:10

Sesudo'o de mike tobo'o, nuang moi lem lautan opoi ngen bli'ang. Neak di ba penanne benatang ngen nebai palsu o nuang lebiak dute. Tobo'o bakea senikso lueng kelmen utuk selamo-lamone.