KOLOSE 2:13 - JANJAI BLAU Lem Bahaso Jang Bebilai

¹³ Bel'o udi bi matei seca'o rohani kerno bi beduso, ngen kerno udi coa senunat seca'o laher. Tapi uyo Allah midup udi besamo-samo Kristus. Allah bi mapun kute duso te,

KOLOSE 2:13 ပူးပေါင်းရင်းမြစ်များ

LUKAS 15:24

Sebab anokku yo bi matei ngen jijai idup igai, si bi nyep ngen dapet igai.’ Mako muloiba tobo'o beriang.

LUKAS 15:32

Ite patut besukocito ngen beriang, kerno asuaknu bi matei ngen jijai idup igai, si bi nyep ngen uyo temau igai.’ ”

LUKAS 9:60

Tapi Yesus madeak magea si, “Kunyauba tun matei kenubua tun matei. Tapi kumu, lalauba ngen melei namen bahwo Allah meriteak sebagai Rajo neak ipe-ipe.”

YOHANES 5:21

Sebab serai awei Bapa midup igai tun-tun matei, awei yo kulo Anok midup igai api bae de kelok Ne.

YOHANES 6:63

Roh Allah de melei idup, daging samo sekilai coa beguno. Kecek-kecek de Uku madeak ngen udi adeba roh ngen idup.

ROMA 4:17

Awei ade tetulis, “Ko sudo uku menea jijai Bapa dau bangso.” Awei'oba Allah melei janjai o ngen Abraham. Ngen Abraham pecayo ngen-Si. Siba Allah de midup tun matei, Siba kulo Allah de ngen madeak bae menea jano de coa perneak ade jijai ade.

ROMA 6:13

Ngen jibeakba udi semreak anggota-anggota awoknu ngen duso utuk nakei sebagai senatai kelaliman, tapi senreakba dirainu ngen Allah sebagai tun-tun, de bel'o matei, tapi de uyo idup. Ngen senreakba anggota-anggota awoknu ngen Allah utuk jijai senatai-senatai kebenaran.

ROMA 8:11

Ngen amen Roh Allah, de sudo midup igai Yesus kunei antaro tun matei, tinggea neak lem udi, mako Si, de sudo midup igai Kristus Yesus kunei antaro tun matei, bakea midup kulo awoknu de fana o ngen Roh-Ne, de ade neak lem udi.

1 KORINTUS 15:36

Uboh nien! Amen Saudaro temanem biniak neak lem pitok, biniak o coa bakea idup, amen biniak o ati matei kileak.

1 KORINTUS 15:45

Lem Kiteb Sucai tetulis aweiyo, “Manusio de pertamo, adeba Adam, jijai makhluk de idup,” tapi Adam de terakhir adeba Roh de melei idup.

2 KORINTUS 3:6

Sanggup jijai pelayan-pelayan kunei suaktau janjai blau, janjai de kunei Allah, iso kunei hukum de tetulis. Sebab de tetulis o mbin matei, sedangkan Roh Allah o melei idup.

2 KORINTUS 5:19

Sebab neak lem Kristus, Allah ndamoi dunio ngen dirai-Ne ngen coa kemliak saleak tobo'o, Si bi melei kepercayaan bito perdamaian o nge keme.

EFESUS 2:1

Udi bel'o bi matei kerno pelanggaran-pelanggaran ngen duso-duso udi.

EFESUS 2:11

Kerno o, tingetba bahwo bel'o udi adeba tun-tun iso Yahudi seca'o jasmani, de senbut tun-tun coa senunat ngen tobo'o de madeak diraine “senunat”, adeba sunat lahiriah de nea tangen manusio.

EFESUS 5:14

Do'oba sebabne de nadeak, “Kelongonba, hoi udi de tidua ngen jagaiba kunei tun-tun matei ngen Kristus bakea bercahayo das udi.”

KOLOSE 2:12

Sebab pado waktau udi dibaptis, udi kenubua besamo-samo Kristus; ngen baptisan o kulo, udi kulo nidup igai besamo-samo Kristus kerno udi pecayo ngen kuaso Allah de bi midup Kristus kunei matei.

1 TIMOTIUS 5:6

Tapi rando de bi idup senang-senang, bi matei kunyau si masiak idup.

1 TIMOTIUS 6:13

Ngen uyo, neak adep Allah de melei nyabai ngen kute sesuaktau, ngen neak adep Kristus Yesus de melei kesaksian de benea ngen Pontius Pilatus, uku minoi dio kunei ko:

IBRANI 6:1

Kerno'o, maroba ite melakeak moi pelajaran-pelajaran tetang kehidupan Kristen de dewasa, jibeak cuma kemliak syari'ah ajaran agamo ite. Jibeak ite mulang igai pelajaran dasar bahwo tun harus bedan menea hal-hal de coa ade gunone, harus pecayo ngen Allah,

IBRANI 9:14

Nah, amen daleak nge abu o dapet semucai tun-tun o, jano igai daleak Kristus! Liwet Roh de kekal, Kristus melei dirai-Ne suang ngen Allah sebagai kurban de sempurno. Daleak-Ne semucai atei nurani ite kunei upacara agamo de coa beguno, supayo ite dapet melayan Allah de idup.

YAKOBUS 2:17

Awei o kulo ngen imen, amen coa nea ngen perbuatan, mako imen o coa de guno ne.

YAKOBUS 2:20

Udi bodong nien! Jano udi perlu bukti bahwo coa ade gunone temuan imen tapi coa kemerjone?

YAKOBUS 2:26

Nah, awei awok tanpa roh adeba awok de matei, awei o kulo imen tapi coa kenerjone adeba imen de matei.

1 YOHANES 2:12

Uku temulis ngen udi, Anok-anok, sebab dusonu bi napun kerno Kristus.